වෙනත් සිත්තරකු විසින් අඳිනු ලැබූ බවට විශ්වාස කළ මෝනලිසාගේ ගල් අඟුරුවලින් සිතුවම් කරන දළ කළු සුදු සිතුවම චිත්රයට නගා ඇත්තේ ද සුප්රකට කලාකරු ලියනාඩෝ ඩාවින්චි යැයි ප්රංශ කලා විශේෂඥයෝ පවසති.
ගල් අඟුරුවලින් සිතුවම් කරන ලද මෝනලිසාගේ කළු සුදු ආලේඛ්ය සිතුවම වෙනත් කලා එකතුවක් සමඟ වසර 150කට පමණ කාලයක් පැවැති අතර එය සිතුවමට නගන ලද්දේ වෙනත් නිර්මාණකරුවකු යැයි මීට පෙර විශ්වාස කරන ලදි.
මෙම කළු සුදු මෝනලිසාගේ නග්න ආලේඛ්ය දළ සිතුවම සම්බන්ධයෙන් ප්රංශයේ පැරිස් හි ලුවි කෞතුකාගාරය එම සිතුවම පරීක්ෂාවට ලක් කර තිබෙන අතර එහිදි මෙම කළු සුදු දළ සිතුවම ආසන්න වශයෙන් හෝ නිර්මාණය කරන ලද්දේ ලියනාඩෝ ඩාවින්චි යැයි විශ්වාසයක් ගොඩනැගී තිබේ. මෙම කළු සුදු දළ ආලේඛ්ය සිතුවම ‘මොනා වන්නා’ නමින් හැඳින්විණි.
මෙම සිතුවම 1862 වසරේ සිට පැරිස් අගනුවර උතුරට වන්නට පිහිටි ෂොන්ටිලි මාලිගාවේ කොන්ඬේ කෞතුකාගාරයේ පුනරුද සිතුවම් එකතුවක් සමඟ තබා තිබිණි.
වසර 1452 සිට 1519 දක්වා ජීවත් වූ ලියනාඩෝ ඩාවින්චි ඉතාලි පුනරුද යුගයේ සිටි ශ්රේෂ්ඨතම කලාකරුවකු ලෙස හැඳින්වෙන අතර ඔහුගේ ‘මෝනලිසා’ සිතුවම ලොව මිලෙන් වැඩිම සහ සුවිශේෂී නිර්මාණයක් ලෙසින් සැලකෙයි.
ලියනාඩෝ ඩාවින්චි වමත්කරුවකු ලෙසින් හැඳින්වෙන අතර ඔහු විසින්ම කරන ලද බව සොයාගත් මෙම දළ කළු සුදු නග්න සිතුවමේ ඇතැම් තැන්වල දකුණු අතින් කරන ලද ඇඳීම් සොයාගත හැකි බව ද විශේෂඥයෝ පෙන්වාදෙති.
මෙම සොයාගැනීම් තිබුණද තවදුරටත් මේ සම්බන්ධයෙන් සොයා බලන බව ද ඔවුහු පවසති.
(ඒ.එෆ්.පී -055)
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
‘මොනා වන්නා’ ඩාවින්චිගේ සිත්තම් අතරට