IMG-LOGO

2025 මැයි මස 11 වන ඉරිදා


පොලිස් පොතේ කළු පැල්ලම් මකයි

මානුෂික හැගීම් තරු පැළදු නිල කබායකට යටපත් කළ හැකිද? ජනරජ ලාංඡනයත් තරුත් ගැසූ නිලධරයන් රුදුරු ගිනි අවියේ බලය නිරායුධ මිනිසුන්ට පෙන්වූ යුගයක් ද අපට තිබිණි. සත්‍ය වාර්තාකරයේ නියැලුණු මාධ්‍යවේදීන්ගේ ඇස් අන්ධ කිරීමට පහර දුන්නේ ද නිල කබාය ඇඟ ලා ගත්තේය. එවන් නිලධාරින් අතර සිටින තරුවේ උෂ්ණය ඇඟට නොගත් මානුෂික හැගීම් ඇති, රටට අවශ්‍ය ආරක්ෂක නිලධාරින් ගැන ලියන්නේ ද මාධ්‍යවේදියෝය.

ඔහු සබරගමුව පළාතට අනුයුක්තව සේවයේ යෙදෙන පොලිස් බුද්ධි අංශ නිලධාරියෙකි. පොලිස් සේවයේ අත්දැකීම් ඇති මෙම බුද්ධි නිලධාරියා පසුගියදා ලංකාදීප එසැණට මුණ ගැසුණි. ඔහුගේ සේවා කාලයේ සිදුකළ පොලිස් සේවා රැසක් අප සමඟ සුහදව පැවසිය. මේ එයින් එකකි. ඔහුගේ වචනයෙන්ම මෙසේ සටහන් කරමු.

මේ පුද්ගලයා හිරෙන් පැනපු කෙනෙක්. ගෙවල් බිදීම් මංකොල්ලකැම් ඔහුට එරෙහිව තිබුණු චෝදනා. ඔහු හිරෙන් පැන ටික කාලෙකින් නැවතත් ඒ පළාතේ ගෙවල් බිදීම් හොරකම් වැඩිවෙන්න පටන් ගත්තා. පොලිසිය අනුමාන කළේ ඔහුගේ අනුදැනුමක් හෝ සම්බන්ධයක් මේකට තියෙන්න පුළුවන් කියලා. ඔහුව නීතියේ රැහැනට කොටුකර ගන්න උත්සහ කරන හැම අවස්ථාවකම ඔහු එයින් සුක්ෂමව රිංගලා ගියා. පොලිසිය ගැන ඒ පළාතේ ජනතාව අසුබවාදීව හිතන්න ගත්තා. ඒ අතරේ තමයි බුද්ධි අංශයට මේක බාර දුන්නේ. බුද්ධි අංශ නිලධාරීන්ට මේ කාරණය හොයන්න ලේසි වුණේ නැහැ. ඉහළ නිලධාරීන්ගේ උපදෙස් අනුව තමයි හැමදේම කළේ. අපි ප්‍රථමයෙන් එම පුද්ගලයාගේ පුද්ගලික තොරතුරු හොයා ගත්තා. ඔහු කසාදයක් කරගෙන ඇය අතහැරලා වෙනත් කාන්තාවක් එක්ක ජිවත් වෙනවා කියලා අපිට දැනගන්න ලැබුණා. කසාද බිරිඳගේ මාර්ගයෙන් අනියම් බිරිඳගේ තොරතුරු සොයා ගත්තා.

අම්මාගේ තොරතුරු ගත්තා. ඒ අම්මට නොදැනෙන්න දුවගේ තොරතුරු ගත්තා. ඒ වෙනකොට එම පුද්ගලයා හිරෙන් පැන අවුරුදු හතක් වෙනවා. ඔහුගේ අනියම් බිරිදට අවුරුදු පහක ගෑනු දරුවෙක් ඉන්නවා. දරුවාගේ නමත් ගත්තා. අනියම් බිරිදගේ දුරකථන අංකය හොයා ගත්තා. ඒ අංකයේ දත්ත හරහා අපි දැනගත්තා එයාලා ඉන්න ප්‍රදේශය. පොඩි දරුවාගේ වයසත් අනුව එයා ළදරු පාසල් යන්න ඕනේ කියලා අපි අනුමාන කරා. ඒ ප්‍රදේශයට ගිහින් හැම ළදරු පාසලකම දරුවාගේ නම හෙව්වා. අපිට හම්බ වුණා. භාරකාරිත්වය අනියම් බිරිඳගේ නමින් තියෙන්නේ. ලිපිනය දැනගත්තා. ඔහු අත්අඩංගුවට ගත්තා. ඔහු අත්අඩංගුවට ගත්ත විදිය මම කිව්වත් ලියන්න එපා. ඒක රහසක්. වරදකරුවෙකුට පොලිසියෙන් කවදාවත් බේරෙන්න බැහැ. අදාළ වරෙන්තු කරු අත්අඩංගුවට ගත්තට පස්සේ සිද්ධ වු දේ හරිම අනුවේදනීයයි. ඒක ලියන්න.

අපි ඔහුව අත්අඩංගුවට ගත්තේ ඔහු ජිවත් වුණු පොල් ඉඩමේ ඉදලා. සරම් කමිස ඇදලා හිටිය අපි අදුනගන්න ඔහුට බැරි වුණා. ඔහුගේ දෑතට මාංචු දානවත් එක්කම පුංචි දුව ආවා. ඇය අන්න ගත්තා. තාත්තා ගෙනියන්න එපා එයා ගෙනියන්න කිව්වා. මම ඉක්මණට එයාගේ මාංචු ගලවලා ළමයාගේ හිත හදන්න කල්පනා කළා. ඔහුට පැනලා යන්න බැරි විදියට වැඩ කටයුතු සිද්ධ කළා.

දුවේ අපි තාත්තගේ යාළුවෝ අපි විහිළුවක් කළේ. මොකද, තාත්තා අපිව බලන්න ආවේ නැහැනේ එකයි. මම  ඇයට එහෙම  කිව්වා.

ඔහුට මෙහෙම කිව්වා. පොලිසිය ඔයා අල්ල ගත්තා කියලා කියන්න එපා. දවස් කිහිපයකට යාලුවොත් එක්ක ගමනක් යනවා කියලා කියන්න.

ඔහුත් ඒ විදියටම රඟපෑවා. දරුවා හිනා වුණා. විනාඩි ගානාක් තාත්තාත් එක්ක හුරතල් වුණා. ඒ අතරේ මම දරුවට චොකලට් එකක් ගෙන්න කියලා අපේ කෙනෙකුට කිව්වා. මොකද පොලිසියෙන් චොකලට් අරන් සැකකරුවෙක් අල්ලන්න යන්නේ නැහැනේ. ඔහු අද හොඳ කෙනෙක් විදියට හිරෙන් නිදහස් වෙන්න ළගයි. හිරගෙදර යහපත් කල්කිරියාවෙන් හිටපු නිසා ඉක්මණට නිදහස් වෙනවා. අපි කියලා දුන්නු කරුණු කාරණාත් පොලිසිය දරුවට සලකපු කාරුණික බවත් ඔහුගේ වෙනස් වීමට හේතු වුණා. ඒ දරුවා ලොකු වෙලා කරුණු කාරණා තේරුම් යන දවසට ලංකාවේ පොලිසිය දිහා බලන්නේ සුබවාදීව නේද?

 



අදහස් (0)

පොලිස් පොතේ කළු පැල්ලම් මකයි

තිලක් Monday, 03 August 2015 05:31 AM

පොලිස් දෙපාර්තමේන්තුවටම හොද පාඩමක් කියාදුන් මේ මහත්මයට තෙරුවන් සරණි..අනිකුත් නිලධාරිනුත් මේ දේවල් අහල බලල හොඳ යහපත් නිලධාරීන් වෙන්න කියා ප්‍රාර්ථනා කරනවා.(ම)

:       0       0

මනෝරි Monday, 03 August 2015 05:54 AM

මම බැලුව වාර්තා වැඩසටහනක්, ලයිසන් නැතිව අත්තම්මා කෙනෙක් මිනිපිරීට පාසලට දවල් කෑම එක අරන් යනකොට පොලිසියට අහු වුනා. මුලින්ම පොලිසිය කළේ පොලිස් වාහනයේ අත්තම්මත් එක්ක ගිහිල්ලා කෑම එක ළමයට දෙන එක. ඊට පස්සේ අත්තම්මට විරුද්ධව නීතිය. (බ)

:       0       0

ලක්මාල් Monday, 03 August 2015 05:59 AM

මේ නිලධාරියා හොද පවුලකින් එන හොද ආකල්පවලින් හෙබි කෙනෙක් බව හැගෙනවා. බඳවා ගැනිමේදී මෙවන් ආකල්ප ඇති අයව බදවා ගන්නවානම් අද ලංකාවේ පොලිසියේ නම හොදට තියේවි. (බ)

:       0       0

රූපවතී Sunday, 02 August 2015 05:12 PM

ඇයි අපේ රටේ හැම පොලිස් නිලධාරියෙකුටම මෙහෙම ආදර්ශවත් පොලිස් නිලධාරීන් වෙන්න බැරි? මේ සිදුවීම බොහොම ආදර්ශමත් (නි)

:       0       0

කස්තුරිආරච්චි Monday, 03 August 2015 11:33 AM

හොඳයි. ගොඩක් හොඳයි (නි)

:       0       0

දුන්ගු Sunday, 02 August 2015 03:16 PM

සැම ප්‍රශ්නයකදීම මානුෂිකව වැඩ කරන්න හැකි නිලධාරීන් රටේ සිටිනවා නම් ලංකාවේ තියන ප්‍රශ්න විසඳාගත හැකි වෙනවා. නමුත් අවාසනාවකට එහෙම නිලධාරීන් හරිම අඩුයි. (නදී)

:       0       0

ගයාන් Sunday, 02 August 2015 03:32 PM

ඔහොම වැඩකරන නිලදාරීන් හොයා ගන්නත් අපහසුයි. (නදී)

:       0       0

ඔබේ අදහස් එවන්න

 

 
 

විශේෂාංග

ඇමරිකාවෙන් පත්වුණු නව පාප්තුමෝ
2025 මැයි මස 10 236 0

දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ ​කෙසේ සිදුවේවිදැයි යනුවෙනි. කාදිනල්වරුන්


මැතිවරණ ප්‍රතිඵල පුරසාරම්
2025 මැයි මස 10 191 0

ඉකුත් 6 වැනිදා පැවැති පළාත් පාලන මැතිවරණවල ප්‍රතිඵල පිළිබඳව මෙරට දේශපාලන පක්ෂ කරන විග්‍රහ අනුව බලන කල මෙම මැතිවරණයෙන් සෑම පක්ෂයක්ම ජයග්‍රහණය කර ඇත.


පළාත් පාලන ආයතන අනාගතය
2025 මැයි මස 09 139 1

පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා


අරගලය ඉතිරි කළ වෙනස
2025 මැයි මස 09 251 0

අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව


ඡන්දයෙන් විවර වූ ජනමනස
2025 මැයි මස 09 421 0

මාලිමා ආණ්ඩුව මෙවර පළාත් පාලන මැතිවරණ ප්‍රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො


පුංචි ඡන්දයේ සංඥාව
2025 මැයි මස 08 1047 2

දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 999 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1437 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 371 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site