එක් වරම හෙලිකොප්ටර් යානය සියයට 90 ක ආනතියකින් ඇලවී ගියේ සියල්ලෝ ම විස්මයට පත්කරමිනි. මාර්ක් පවසන්නේ සිය ආමාශය කතුරු ඔන්චිල්ලාවක් යන ආකාරයෙන් පෙරළෙනු දැනුණු බවයි.

හෙලිකොප්ටරය හැකිතරම් ගුවනට රැගෙන යාමට නියමුවා දැඩි උත්සාහයක නිරත වුව ද එය සාර්ථක වන බවක් පෙනෙන්නට නැත. ක‍්‍රමයෙන් යානය පොළොවට පහත් වෙයි.

මාර්ක් මෙසේ කියයි.
ඇලවූ යානයෙන් බැලූ විට මට පෙනෙන්නේ පොළොව මා වෙතට පැමිණෙනවා වැනි දෙයක්. මේ නිසා මම තවදුරටත් යානය ඇතුළටම රිංගා ගැනීමට උත්සාහ ගත්තා. නමුත් යානයට ඇතුළු වීමට මට එතරම් ඉඩක් ඉතිරිවී නැත. හෙලිකොප්ටරය පොළොවේ වැදුණහොත් මගේ දෙපා ඉවතට විසිවී ඒවා කැඞී යන බව ස්ථිරයි. මේ බව දැනගත් වොල්ට් හැකිතරම් වෙර යොදා මා යානයට ඇද ගැනීමේ උත්සාහයක යෙදිණි. මේ මෙහෙයුමට අප තෝරාගත් අවස්ථාවේ තමන්ගේ වාසනාවට ලැබුණු මෙහෙයුමක් යැයි සිතුව ද දැන් මෙහෙයුමට සහභාගී නොවීම ගුවන් අනතුරකින් මිය යන්නට සිදුවේය යන හැගීම සියල්ලන්ගේ ම සිත් තුළට ක්ෂණයකින් පිවිස තිබිණි.
සිරුර සම්පූර්ණයෙන් ම දැඩි පිඩනයකට හසුවී තිබේ. දෙපා හැකිතාක් නවා පපුව දෙසට ඇද ගැනීමට තැත් දැරීමේ දි උදරයේ මාංශ පේෂි වේදනාවෙන් රිදුම් දෙන්නට විය. මාහට දැකගත හැකි වූ එකම දෙය නම් විවෘතව තිබූ විශාල දොරටුවෙන් පොළොව මා වෙත වේගයෙන් ළ`ගාවන බවයි. හෙලිකොප්ටරයක් කඩා වැටීමේදී ගුවන් යානයක් මෙන් ඇදී නොයයි. එහි කි‍්‍රයාකාරීත්වය නැවතුණු විට පර්වතයක් වැටෙන්නාක් මෙන් කෙලින් ම පොළොව වෙත ගමන් කරයි. එමෙන්ම එය පොළොව හා ගැටෙන විට තියුණු ගල් කැබලි සහ එහි කොටස් සෑම දෙසම විසිවේ. විවෘත වුණු දෙරටුව අසළම සිටි මා මත සියළු බර යෙදෙනු ඇතැයි මම සිතුවෙමි. වෝල්ට් දිගින් දිගටම මගේ ඇඳුමින් අදිමින් මා ඔහු වෙතට ගැනීමට තැත් දැරීය.

මගේ හෘද ස්ඵන්දනය මොහොතක් නතර වී තිබේ. මේ මොහොත මගේ පාලනයෙන් ගිලිහී ගොස් ඇත. මගේ බිය දෙගුණ තෙගුණ විය. සැබැවින්ම මා සිතා සිටියේ යුද බිමේ දී සටනකින් මිය යාමයි. යුද බිමේ දී අප අති දක්ෂයන් වුව ද කඩා වැටෙන හෙලිකොප්ටරයක දී අප රූකඩ මෙන් විය.

 



ඉහළට ගත් හුස්ම පහතට නොහෙළා ම මම අවසන් තත්ත්පරයට සූදානම් වුණෙමි. පළමුව හෙලිකොප්ටරයේ ඉදිරිපස කොටස තරමක් තදින් බිම පතිත වූ අතර එය කොතරම් වේගයෙකින් සිදු වූවා ද යන්න අපට වටහා ගත නොහැකි විය. හෙලිකොප්ටරයේ අවර පෙති තදින් පොළවේ ගැටෙනවා වෙනුවට අප වටා දුවිලි කුණාටුවක් ඇති කරමින් හෙලිකොප්ටරය භ‍්‍රමණය වන්නට විය. මුහුණ වසා ගත් දුහුවිල්ල අතරින් දෑස් විවෘත කර මම හාත්පස බැලූවෙමි. අපි පොළොවට අඩි හයක් පමණ ඉහළින් සෘජු අතට ආසන්න පිහිටීමක තිබිණි.
ඉක්මනින් පැන ගන්න පැන ගන්න යනුවෙන් මා පිටුපසින් සිටි වෝල්ට් මා තල්ලූ කරමින් කෑ ගැසුවේය. දෙවරක් නොසිතූ මම රාත්තල් 60ක් බරැුති සියලූ ආම්පන්න ඔසවාගෙන ඇසිල්ලකින් පහතට පැන ගත්තෙමි. ඒ මොහොතේ වූ භයංකාරත්වය හේතුවෙන් මට කිසිදු වේදනාවක් දැනුනේ නැත. පසු පස නොබලාම යාර 30 ක් පමණ දිව ගිය මම නතර වුණෙමි.

නැවත හැරී බැලූ මාර්ක් හට දක්නට ලැබුණේ ජීවිතය බේරී ඇත්තේ ආශ්චර්යයකින් බවයි. හෙලිකොප්ටරයේ පිටුපස කොටස පුදුමාකාර ලෙස අඩි 12 ක් උසැති තාප්පයක් මත රැඳී තිබිණි. ඉදිරි කොටස පොළොව සිඹගෙන ඇත. යානයේ වෙනත් කොටසක් තාප්පයේ ගැටුණා නම් හෝ අවර පෙති පළමුව පොළොවේ ගැටුණා නම් අප කිසිවෙකුට මේ ආකාරයෙන් ජීවත් වන්නට ලැබෙන්නේ නැත. යානයේ නියමුවා ටෙඞී සහ ඔහුගේ සහායකයා කැර ඇත්තේ කළ නොහැකි දෙයකි. අපේ අනෙක් ස`ගයෝ තවමත් යානයෙන් ඉවතට පනිමින් සිටිති.

මීට සුලූ වේලාවකට පෙරාතුව යානය පරිශ‍්‍රයට කඩා වැටී මහත් නොසිතූ විනාශයක් සිදුවනු ඇතැයි අප සිතුව ද යළි මෙහෙයුම කි‍්‍රයාත්මක කිරීමට අපට අවස්ථාව ලැබී තිබේ.

මාර්ක් යළි කි‍්‍රයාත්මක වූවේය. සිය සගයන් සමග ඉලක්ක පරිශ‍්‍රය වෙත ඔහු දිව ගියේය. චාලි හෝ වොල්ට් අපට සිදුවූ මේ අකරතැබ්බ දුටුවහොත් ඔවුන් අපහාසාත්මක වදන්වල අවසානයක් නොවන බව මාර්ක් සහ කණ්ඩායම දැන සිටියේය.

සමස්ත මෙහෙයුම සඳහා වෙන්කැර ඇත්තේ විනාඩි 30 කාලයක් පමණි. ගුවන් යානා වල ඉන්ධන ලබා ගැනීමටත් පකිස්ථානුවන්ගේ ප‍්‍රතිචාර ද සලකා මේ කාලය ඇස්මේන්තුගත කැර ඇත. යම් අවශ්‍යතාවක් වුවහොත් කි‍්‍රයාත්මක වීමට අමතර විනාඩි 10 ක කාලයක් ද වෙන්කැර තිබිණි.

චාලිගේ කණ්ඩායම පුපුරණ ද්‍රව්‍ය භාවිත කරන බව ප‍්‍රධාන සන්නිවේදන ජාලය මගින් ඔහු ප‍්‍රකාශ කරත්ම මාර්ක් හැකි ඉක්මණින් සිය කණ්ඩායම සමග ප‍්‍රධාන පරිශ‍්‍රයට ඇතුළු වූයේය.

ප‍්‍රථමයෙන්ම වූයේ යාඥා කරන කුටියකි. එහි බිම ඝන ඇතිරිලි යොදා තිබුණු අතර තැනින් තැන කොට්ට කිහිපයක් තබා තිබිණි. ගෘහ භාණ්ඩ රහිත විවෘත කුටියක් වූ එය අමුත්තන් හමු වීමට යොදා ගන්නා ස්ථානයක් බව කලින්ම බුද්ධි අංශ විසින් සඳහන් කැර තිබිණි. එය ආරක්ෂිත බව තහවුරු කරගත් වහාම මාර්ක් කළේ අධෝරක්ත රසායනික එළියක් යොදා ගනිමින් එම ස්ථානය ආරක්ෂිත බවට අන් අයට සංඥා කිරීමයි.

මාර්ක් එම ස්ථානයෙන් පිටවන විට චාලි පුපුරණ ද්‍රව්‍ය ස්ථාන ගත කර එය පරීක්ෂා කරමින් සිටියේය. එම කාර්යය අවසන් වූ වහාම ඔහු ඩෙටනේටරය කි‍්‍රයාත්මක කරවා හඩ නොනගාම පිටු පසට බඩගාගෙන ආවේය. මේ අවස්ථාවේ මෙහෙයුම් කණ්ඩායමේ සියල්ලන්ගේ ම හිස පහතට නැඹුරු වූයේ පිපිරීමෙන් ඇතිවන ආලෝකයෙන් සිය දෑස් ආරක්ෂා කරගැනීමේ අපේක්ෂාවෙනි.

මෙහෙයුම් කණ්ඩායමේ කිසිවෙකුත් බියට පත්ව නැත. කලබලයක් ද නැත. පිපිරීමත් සමගම ප‍්‍රධාන ගේට්ටුවෙන් අවකාශයක් විවෘත විය. එයට පහර දෙමින් ඉඩ කඩ සකසා ගත් චාලි ඇතුළට රිංගා ගත්තේය.

මාර්ක් පවසන්නේ ඇතිවූ සියලූ අභියෝග ජයගත් ඔවුන් යළි පළමු සැළැස්ම කි‍්‍රයාත්මක කිරීම ආරම්භ කළ බවයි.

දෙවැනි කණ්ඩායම රැගත් හෙලිකොප්ටර් යානයේ හඩ මාර්ක් ට ඇසෙන්නට විය. ගොඩනැගිල්ල වෙත හෙලිකොප්ටර් යානය ළගා වුව ද සැලැස්මට අනුව ගොඩනැගිල්ලේ වහළය මතට කඹ ආධාරයෙන් සෙබළුන්ට බසින්නට ඉඩ හරිනු වෙනුවට එය ගොඩනැගිල්ලට ඉහළින් පියාසර කරන බව පෙනිණි. තමන් පැමිණි හෙලිකොප්ටර් යානය අනතුරට පත්ව තිබෙනු දුටු දෙවැනි යානයේ නියමුවන් මෙලෙස සැලැස්ම වෙනස් කරන්නට ඇතැයි මාර්ක් ක්ෂණයකින් සිතුවේය.

ඒ සමගම ඔහුගේ ඒ අදහස තහවුරු වූයේය.

‘‘ ඔවුන් ගොඩ බස්වන තැන වැදගත් නැහැ. ඔවුන් සුරක්ෂිතව ගොඩබැස කළ යුතු දේ කරන්නට ඇතැයි සිතනවා. ඔවුන් ඒ ගැන දන්නවා ’’ යනුවෙන් සන්නිවේදන ජාලයෙන් ප‍්‍රකාශයට පත්කැරුණි. සී 1 නම් ගොඩනැගිල්ල වෙත මාර්ක් දිව යන්නට විය. ඔහුගේ වම් පසින් විල් දිව ගියේය. කිසිදු ශබ්දයක් නැත. ඇසෙන්නේ ඔවුන්ගේ සපත්තු ගැටෙන හඩ පමණි.

බින්ලාඞ්න් සිය අඹුදරුවන් හා තමන්ගේ විශ්වාසදායීම පණිවිඩ කරුවා වූ අහමඞ් අල් කුවායිට් සමග මේ ගොඩනැගිල්ලේ වාසය කරන බව මෙහෙයුම් කණ්ඩායම ස්ථිර වශයෙන්ම දැන සිටියේය. මේ ගොඩනැගිල්ලේ කුඩා දරුවන් ද සිටින බැවින් එම පරිශ‍්‍රය මර උගුල්වලින් තොර බව ද මෙහෙයුම් කණ්ඩායමේ අදහසයි.

කලින් දැනුම් දුන් ආකාරයටම එහි ලෝහයෙන් නිර්මිත දොර දෙකක් විය. දොරටුවට දකුණු පසින් වූ ජනේලය ලෝහ පොලූ වලින් ආවරණය කර තිබිණි. ඇතුළත නොපෙනෙන ආකාරයට ජනේල ආවරණය වී තිබේ.

දොරටුවේ වම් පසින් සිටි විල් මාර්ක් ආවරණය වන ආකාරයට සිටිය දී මේ දොර විවෘත කළ හැකිදැයි එහි අගුල සෙමෙන් කරකවමින් මාර්ක් පරීක්ෂා කළේය. දොර ඇතුළතින් අගුළු දමා ඇත. පියවරක් පසු පසට ගිය විල් තම මිටිය ගෙන අගුලට පහරක් ගැසුව ද එය විවර වූයේ නැත. එය ව්‍යර්ථ වෙද්දී ජනේලය බිඳ එහි ආවරණ ඉවත් කිරීමට උත්සාහ ගත්ත ද එය ද සාර්ථක වූයේ නැත.

කාලය අතිශයින්ම වැදගත් ය. පුපුරණ ද්‍රව්‍ය භාවිත කරමු යැයි කියූ විල් මාර්ක්ගේ ආයුධ කට්ටලයෙන් පුපුරණ ද්‍රව්‍ය ගෙන ඉක්මණින් සවිකරන්නට වූයේ ය. ඒ සමගම පරිශ‍්‍රයේ උතුරු දෙසින් පිපිරීම් හඩක් නැගිණි.

‘‘ උත්සාහය අසාර්ථකයි ’’ සන්නිවේදන ජාලයෙන් ඇසිණි.

ඩෙල්ටා පරිශ‍්‍රයේ දොරටුවක් පුපුරුවා හැරි දෙවන කණ්ඩායමේ සෙබළුන්ට සොයා ගත හැකිව තිබුණේ එයට පිටුපසින් ගඩොල් බිත්තිය ආවරණයක් පවතින බව පමණි. කලින් සැලැස්මට අනුව එම කණ්ඩායම මේ වනවිට තුන්වන මහළට ගොස් සිටිය යුතුය. නමුත් තවමත් ඔවුන් පරිශ‍්‍රයට ඇතුළු වීමට උත්සාහ කරමින් සිටියි.

ඒ වනවිටත් පරිශ‍්‍රයට ඇතුළු වී සිටි මාර්ක් එහි වගකීම භාර ගත්තේය. අනෙක් කණ්ඩායමට ඇතුළු වීමේ මාර්ග සපයන ලද්දේ මාර්ක් ඇතුළු කණ්ඩායම විසිනි. ඒ වනවිට හෙලිකොප්ටරය කඩා වැටී ගතවූ කාලය විනාඩි පහක් පමණි. මේ සමග මෙහෙයුම් කණ්ඩායමේ 24 දෙනා ම ගැටලූවකින් තොරව පරිශ‍්‍රයට ඇතුළු වූහ.

දොර අසළ දණ ගසා ගත් මාර්ක් පුපුරණ ද්‍රව්‍ය සවිකළේය.

‘‘ මම එසේ කළේ ඉරානයේදී ලබා තිබූ අත්දැකීම් හේතුවෙනි. බොහෝ විට අපි දොරක් පුපුරවා එයට ඇතුළු වීමට උත්සාහ ගන්නා අවස්ථාවේදි ත‍්‍රස්තවාදීන් කරන්නේ දොර අසළ සෙබළෙක් සිටගෙන සිටී යැයි සිතා ඔහුගේ සිරුර මැදට වෙඩි තැබීමයි. පහත් වී සිටීමෙන් ඉන් ආරක්ෂා වීමට හැකියාව ලැබේ. අපේ තෙවැනි ස`ගයා ඒ අවස්ථාවේ එතැනට පැමිණ පඩිපෙළ ආරක්ෂා කරමින් සිටියා. ඔහු සූදානම් වීමත් සමගම ඔහුගේ හිස අසළින් ඒ.කේ.47 උණ්ඩ පෙළක් පියඹා ගියේ ඇතුළේ සිටින පිරිස අපගේ පැමිණීම දැනගෙන ඇති බව ස්ථිර කරමින්. ඔවුන්ගේ අවියේ හ`ඩ පිටවීම වළක්වන උපකරණ තිබුණේ නැත. අපේ අවි වල එම උපකරණ සවිකැර ඇති බැවින් මෙය සතුරු ප‍්‍රහාරයක් බව ස්ථිරය. මේ උණ්ඩ පෙළෙන් අපේ ස`ගයා බේරුණේ හාස්කමකින් මෙනි. ඒ සමගම මමත් පසෙකට පෙරළී ගියා. මගේ හිසට අ`ගල් කිහිපයක් උඩින් උණ්ඩ කිහිපයක් පියඹා යද්දී බිඳුණු වීදුරු කැබලි මගේ උරහිස මත පතිත වුණා. නිවසේ සිටින යම් අයෙක් තමන්ගේ උරහිස් මට්ටමින් අල්ලාගත් අවියකින් පැහැදිලි දර්ශනයක් නොමැතිව අනුමානය අනුව අප දෙසට වෙඩි තබන බව මේ ප‍්‍රහාරයෙන් තේරුම් ගියා. ඔහුට පලා යාමට ඉඩක් නැත. කූඩු කළ සතකු මෙන් හිරවි සිටින ඔහු මේ එල්ල කරන්නේ තමන්ගේ අවසන් ප‍්‍රහාරයයි. ’’

මේ සමගම මාර්ක් සහ විල් දෙදෙනා තමන්ට වෙඩි තබන හඳුනා නොගත් පුද්ගලයා වෙත වෙඩි තබන්නට වූහ. මාර්ක් යළි ආපසු හැරෙත්ම ඔහුගේ උරහිසේ තියුණු වේදනාවක් තිබිණි. වීදුරුවකට හෝ විසි වී පැමිණි යකඩ කැබැල්ලකට හෝ උරහිස තුවාල වන්නට ඇත.

‘‘ ඒ ගැන කිසිදු අවදානයක් යොමු නොකළ මා දෙපයින් නැගී සිට දොරට අඩි කිහිපයක් පසෙකින් වූ ජනේලය වෙත දිව ගියෙමි. අහමඞ් අල් තුවායි එලියට වරෙන් යනුවෙන් විල් කෑ ගසන ආකාරය මට ඇසිණි. ජනේලයට තුවක්කු බඳින් පහරදුන් මම ඔහු සිටිනවායැයි අනුමාන කළ ස්ථානයට වෙඩි වරුසාවක් එල්ල කළෙමි. ’’

යළි දොරවෙත ගිය මාර්ක් හැකිතරම් පහත් වී එහි අටවා තිබූ බෝම්බය කි‍්‍රයාත්මක කිරීමට සූදානම් වූවේය.  දොර පිපිරවූ වහාම ඇතුළට අත් බෝම්බයක් දමා ගැසීම ඔහුගේ අභිප‍්‍රාය වී තිබිණි. අහමඞ් අල් තුවායි සටනකින් තොරව යටත් නොවන බව මාර්ක් හොඳින් ම දැන සිටියේය.

ඔහු දොර පිපිරවීමට පෙර දොරේ අගුල කැරකෙන බව මාර්ක්ට ඇසිණි. ඒ සමගම මාර්ක් සහ විල් යළි දොර වෙතින් ඉවත් විය. දොර හැරගෙන කවර ආකාරයේ පුද්ගලයකු මතුවේ දැයි අනුමාන කිරීමේ හැකියාවක් නැත්තේය. පැමිණෙන්නා කවරකු වුව ද ඔහු තමන් වෙත අත්බෝම්බ විසි කිරීමටත් ඒකේ 47 උණ්ඩ වරුසාවක් එල්ල කිරීමටත් ඉඩ ඇති බව මෙහෙයුම් කණ්ඩායම හොඳින්ම දනිති. හාත්පස කිසිදු ආවරණයක් නැත කරන්නට ඇති එකම දෙයනම් දොර සහ ජනෙල් වෙතින් ඉවත් වීම පමණි.

සෙමෙන් සෙමෙන් දොර විවෘත විය. ඒ සමගම ගැහැනු කටහඩක් මතුවිය. ගැහැණු කටහඩක් වුව ද එය අපගේ ආරක්ෂාව තහවුරු නොකරයි. කාන්තාවක් වුව ද ඇය මරාගෙන මැරෙන කබායකින් සැරසී සිටිනවා ද විය හැකියි. මෙය බින්ලාඩන්ගේ ස්ථානයයි. මෙහි සිටින්නන් ඔහු වෙනුවෙන් සිය ජීවිතය පූජා කිරීමට වුව ද සූදානම්ව සිටිනවා විය යුතුය.

මාර්ක්ගේ මුහුණේ දහඩිය බිඳු එකිනෙක නැග එයි. ඔහු රාතී‍්‍ර දර්ශන බලන උපකරණය පැළඳ ගත්තේය. හාත් පස කොළ පැහැයෙන් නමුත් හොඳින් පෙනේ. කාන්තාවක් පෙනෙන්නට විය. ඇගේ උරහිසෙහි යමක් ඇත. ඇය සතුව ඇත්තේ කුමක් දැයි නොදත් මාර්ක් සිය ගිනි අවියේ කොකා ගස්සන කොටසට පීඩනය මදක් වැඩි කළේය. ගිනි අවි වල ඉලක්කය දක්වන ලේසර් එලි ඇගේ හිස වටා ර`ග දෙමින් තිබේ. ඇය බෝම්බයක් දරා සිටී නම් මේ සියල්ල ක්ෂණයකින් අවසන් වනු ඇත.

ඇය අත දරා සිටින්නේ කුඩා දරුවෙකි. අල් තුවායින්ගේ බිරිඳ මාරියම් සිය බිළිඳා ද පපුවට තුරුලූ කරගෙන පිටතට පැමිණියාය. ඇය පිටුපසින් තවත් දරුවෝ තිදෙනෙක් පැමිණියහ.

ඊළ`ග මොහොතේ කුමක් කරන්නේ ද යන්න මෙහෙයුම් කණ්ඩායම යළිත් සිතා බැලිය යුතුය.


විශේෂ ස්තූතිය : සුපුන් අනුරාධ මහතාට

 

 

වේරගොඩගේ සජීව විජේවීර

 

 

ඔසාමා ඇල්ලූ රහසිගත මෙහෙයුම - 1

ඔසාමා ඇල්ලූ රහසිගත මෙහෙයුම - 2

ඔසාමා ඇල්ලූ  රහසිගත මෙහෙයුම - 3