පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිසක ප්රශ්නයේ ගැඹුර හඳුනාගත හැකි ප්රමාණයේ අංගසම්පූර්ණ පිළිතුරක් නොලැබීම විමර්ශකයන්ගේ දැවැන්ත අඩුපාඩුවකි. ප්රශ්නය වන්නේ තවමත් එබඳු අංග සම්පූර්ණ පිළිතුරක් නිර්මාණය කරගැනීමට අපොහොසත් වීම ය. එබඳු අංගසම්පූර්ණ පිළිතුරක් සකස් කර ගැනීමට උපකාරීවන තොරතුරක් අප පුවත්පත ඉකුත්දා වාර්තා කළේ ය.
අප පුවත්පත වාර්තා කළ එම ප්රවෘත්තියෙන් කියැවුණේ වැල්ලවාය මහේස්ත්රාත් අධිකරණයේ නඩු භාණ්ඩ වශයෙන් තිබූ වියළි ගංජා තොගයක් සහ තුවක්කු අතුරුදන්වීමේ සිද්ධියක් සම්බන්ධයෙන් අත්අඩංගුවට ගත් මහේස්ත්රාත් අධිකරණයේ කාර්යාල කාර්ය සහායකයන් දෙදෙනාගෙන් ප්රශ්න කිරීමේ දී තුවක්කු 8ක් ඔවුන් විසින් සොරාගෙන පිටස්තර පුද්ගලයන්ට අලෙවි කර ඇති බවට අනාවරණය වූ බව ය.
එක් තුවක්කුවක් රුපියල් විසිපන්දහසකට විකුණා ඇති බවත් ඒවා මිලදී ගත් තිදෙනකු ඇතුළු පස් දෙනකු පොලිසිය මගින් අත්අඩංගුවට ගෙන ඇති බවත් අප ප්රවෘත්තියේ සඳහන් ය. එමෙන්ම අත්අඩංගුවට ගත් පිරිස ළඟ තිබී අළෙවිකරන ලද තුවක්කු තුනක් ද පොලිසිය භාරයට ගෙන ඇති බව ද අප ප්රවෘත්තියේ වැඩිදුරටත් සඳහන් ය.
පාතාලයේ ආරම්භක කාර්තුවට ගිය විට පාතාලය යෝධ වෘක්ෂයක් මෙන් වැඩෙන්නේ දේශපාලනඥයන්ගේ ආශිර්වාදයෙන් හා ඔවුන් ගේ රැකවරණයෙන් බවට කියැවිණි. ඒ අනුව සියල්ලෝම දේශපාලනඥයන්ට තඩි බෑමෙන් දවස් ගෙවා දැමීමට පටන් ගත්හ. ඔවුන්ට පාතාලය තර කරන වෙනත් මාර්ග ඇතැයි නොපෙනුණි. එහෙයින් පාතාලයෝ තම කටයුතු රිසිසේ සේ කරගෙන ගියහ.
පාතාලය පෝෂණය කරන එකම මාර්ගය දේශපාලනඥයන් නොවන බව පැහැදිලිවීමට පටන් ගැනුණේ ඇතැම් දූෂිත පොලිස් නිලධාරීන් ද පාතාලයට සම්බන්ධ බව අනාවරණයවීමත් සමග ය. යුද්ධය දරුණුවට ඇවිළී ගිය සමයේ දී ඇතැම් හමුදා සෙබළුන් හමුදාවෙන් පලා ආවේ සිය ගිනි අවිය ද රැගෙන ය. ඒවා පාතාලයට විකුණුනි. පලා ආ ඇතැම් හමුදා සෙබළු ජීවත්වීමේ පහසු මගක් ලෙස පාතාලය තෝරාගෙන කුලියට මිනී මරන්නෝ බවට පත් වූහ.
ඉතාම ආසන්න මෑත කාලයේ දී අනාවරණය වූයේ ඇතැම් හමුදා සෙබළුන් සක්රිය සේවයේ යෙදී සිටින අතරතුරම හමුදා කඳවුරෙන් පැනවිත් අවශ්ය ඉලක්කය දඩයම් කර යළිත් හමුදා කඳවුරට පැමිණෙන බව ය. පාතාලය සාර සුබාවට වැඩෙන්නේ කෙසේ දැයි යන්න දැන් ඉතාම පැහැදිලි ය.
වැල්ලවාය මහේස්ත්රාත් අධිකරණයේ නඩු භාණ්ඩ වශයෙන් තිබූ ගිනි අවි පිටස්තරයන් අතට පත්වීමේ සිදුවීමත් සමග මෙරට පාතාලය කෙතරම් සංවිධානාත්මක ලෙස තමන් ආක්රමණය කළ යුතු සෑම අංශයක් ම ආක්රමණය කර ඇද්දැයි යන්න පැහැදිලි ය. එය සමාන වන්නේ පොලිස් මත්ද්රව්ය නාශක කාර්යාංශයේ සිටි අන්ත දූෂිත නිලධාරීන් පිරිසක් මත්ද්රව්ය ජාවාරම්කරුවන් සමග එකපතේ වළඳමින් මත්ද්රව්ය ජාවාරමේ නියැළීමේ සිදුවීමට ය.
නඩු භාණ්ඩ හොර භාණ්ඩ බවට පත්වී රුපියල් ශත බවට පත් කර ගැනීමේ ජාවාරම කිසි ලෙසකින් හෝ සරලව නොගත යුතුය. මේ රට චිකාගෝවක්වීමට සිටින්නේ අතේ දුරිනි. එවැනි රටක් නිර්මාණය වුවහොත් අප කිසිවකුට පැවැත්මක් නොලැබෙනු ඇත. එහෙයින් පාතාලය මර්දනය කිරීමටත් එයට දිරිදෙන සියලු අනුසේනාංක ඇතුළු සමස්ත චෞර වළල්ලම අතු ගා දැමීමත් වඩාත් උද් යෝගයෙන් පෙරට ගත යුතු ය.
(***)
ගෝලීය ලෙස ගත්කල කසළ ගැටලුව ප්රමුඛය. එය නාගරීකරණය සහ පරිභෝජනය සමග එක්ව පවතින ප්රශ්නයකි. පරිභෝජනය සහ නිෂ්පාදනය ඉහළ යන තරමට කසළ ප්රශ්නය ඉහළ යන බව නිශ්
ජනාධිපතිවරණය පැවැත්වෙන දිනය තවමත් නිල වශයෙන් ප්රකාශයට පත් කර නැත. නොනිල වශයෙන් කියවෙන්නේ සැප්. 21 දිනයේ එය පැවැත්වෙන බවය. කොහොමටත් ජුලි 17 දිනෙන් පසුව ඉද
වසර තුන්දහසක පමණ ශ්රී ලාංකීය වාරි ඉතිහාසයේ ප්රථම වැව වශයෙන් සැලකෙන බසවක්කුලම වැවේ බැම්ම අවසරයකින් තොරව කාපට් කිරීම වාරිමාර්ග දෙපාර්තමේන්තුව මගින
ආණ්ඩුක්රම ව්යවස්ථාවේ 83 ආ ව්යවස්ථාවේ “වසර හයක්” යන්න වෙනුවට ‘වසර පහක්’ යන්න ආදේශ කිරීම සඳහා ආණ්ඩුක්රම ව්යවස්ථාවේ 22 වැනි ව්යවස්ථා සංශෝධනය ඉදිර
එංගලන්තයේ රෝහලක විශේෂඥ වෛද්යවරයකු වන පුතකු සහ ඇමෙරිකාවේ ඉහළ රැකියාවක නිරත පුතකු සිටින 90 හැවිරිදි මවක එම පුතුන් දෙදෙනා නොසලකා හැරීම නිසා මාලබේ ප්රදේ
සාහිත්ය මූලාශ්ර මෙන්ම පුරා විද්යා මූලාශ්ර ද ශ්රී ලංකාවේ ඉතිහාසය අධ්යයනය කිරීමට වැදගත් වේ. පුරා විද්යා මූලාශ්ර අතර කාසි, නටබුන් හා සෙල්ලිපි ප්
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
පාතාලයට අවි සපයන්නන් අල්ලා දඬුවම් දිය නොහැකිද?
janaka Wednesday, 17 April 2024 10:16 AM
අල්ලා දඩුවම් දෙන්නේ ඇයි? අපේ නීතියෙන් දඬුවම් දෙන්න බැරිද..? අල්ලා දඬුවම් දෙන්නේ අරාබියේ...