IMG-LOGO

2024 මැයි මස 25 වන සෙනසුරාදා


පපුව පළාගෙන ගිය මෝටාර් උණ්ඩය ගන්න කළ විස්මිත සැත්කම

 

සැත්කම සිදුකරන අවස්ථා සහ මෝටාර් උණ්ඩය පිටතට ගැනීමෙන් පසු.

 

මාදුරුඔය යුද හමුදා විශේෂ බළකා පුහුණු පාසලේ අවි පුහුණුවකදී ඉකුත් 25 වෙනි සිකුරාදා පෙරවරුවේ යුද හමුදා ලූතිනන්වරයකු මෝටාර් උණ්ඩයක් වැදීම නිසා තුවාල ලබා පොළොන්නරුව මහ රෝහලට ඇතුළත් කරනු ලැබීය.
 

පොළොන්නරුව මහ රෝහලේ ශල්‍ය වෛද්‍ය විශේෂඥ වෛද්‍ය ගාමිණි අබේසිංහ මහතා

 

එම අනතුරෙහි බරපතළකම වූයේ පුපුරා නොගිය මෙම මෝටාර් උණ්ඩය ලූතිනන්වරයාගේ පපුව පසාරු කරගෙන සිරුර තුළට ඇතුළු වී උණ්ඩයෙන් කොටසක් පිටකොන්ද දෙසින් පිටතට පැමිණ තිබීමයි. අඟල් 15ක් පමණ දිගින් යුත් මෝටාර් උණ්ඩයේ හතරෙන් තුනකට වඩා වැඩි කොටසක් ලූතිනන්වරයාගේ සිරුර තුළ රැඳී තිබූ කොටසට අයත්ව තිබිණි. පුපුරා නොගිය ජීව මෝටාර් උණ්ඩයක් ශරීරය අභ්‍යන්තරයෙහි සිරවී සිටි හමුදා නිලධාරියා රෝහලට රැුගෙන එත්ම රෝහල පුරා පැතිර ගියේ බෝම්බ බියකි. ලූතිනන්වරයාගේ ළය පසාරු කරගෙන ගොස් සිරුර තුළ රැඳී තිබෙන ජීව මෝටාර් උණ්ඩය කොයි මොහොතක හෝ පුපුරා යාමට ඉඩ තිබෙන බව බොහෝ දෙනා කතා බහ කරනුද ඇසිණි. රෝහලේ කාර්ය මණ්ඩලයද ඇතුළුව සාමාන්‍ය මහජනතාව තුළ එවැනි බියක් සැකයක් ඇතිවීමද කිසිසේත්ම අසාධාරණ නොවේ. මන්දයත් එය පුුපුරා නොගිය ජීව මෝටාර් උණ්ඩයක් නිසාවෙනි. එසේ වුවද තම ජීවිත අවදානම් නොසලකමින් හමුදා නිලධාරියාගේ ජීවිතය බේරා ගැනීමේ අසීරු කාර්යයට වෛද්‍යවරුන් ප‍්‍රමුඛ රෝ්හල් කාර්ය මණ්ඩලය ඉදිරිපත්වීම මහත්සේ පැසසිය යුතු කටයුත්තකි.

ශ්‍රී ලංකා යුද හමුදාවේ 25 වන ශ්‍රී ලංකා ජාතික ආරක්ෂක බළමුළුවේ ලූතිනන් ඉන්දික උදය කුමාර හමුදා භට පිරිස් සඳහා මෝටාර් අවි පුහුණුව ලබාදීමේ රාජකාරිය සඳහා මුලතිව් සිට මාදුරුඔය විශේෂ බළකා පුහුණු පාසල වෙත පැමිණ ඇත්තේ පසුගිය බදාදා (23)ය. අනපේක්ෂිත ලෙස හෙතෙම මෙම අනතුරට ලක්ව ඇත්තේ 25 වෙනි සිකුරාදා පෙරවරු 10.00ට පමණ බවද කියැවේ.

ලූතිනන්වරයා යුද හමුදා භට කණ්ඩායම් වෙත මෝටාර් අවි පිළිබඳව ප‍්‍රායෝගික පුහුණුව ලබාදෙමින් සිටි අවස්ථාවේ මෝටාර් විදිනයෙන් පිටතට නික්මුණු මෝටාර් උණ්ඩයක් ඔහුගේ ළය පසාරු කරගෙන සිරුර තුළට කාවැදීම සැබැවින්ම අහඹු අනතුරකි. එහෙත් එම උණ්ඩය ලූතිනන් උදය කුමාරගේ සිරුරේ නොවැදී ඔහු සිටි ස්ථානයට මීටර් කිහිපයක් හෝ දුරින් බිම පතිත වූයේ නම් නිශ්චිත වශයෙන්ම මෝටාර් උණ්ඩය පුපුරා ගොස් මහා විනාශයක් සිදුවන්නට ඉඩ තිබූ බවද කියති. කෙසේ නමුදු එවැන්නක් සිදු නොවී හමුදා නිලධාරියාගේ ළය පසාරු කරගෙන සිරුර තුළ රැඳුණු මෝටාර් උණ්ඩය පුපුරා නොයෑම අවම ලෙසින් සිදුවූ හානියක් ලෙස හැඳින්විය හැක. එම හානිය වචනයේ පරිසමාප්ත අර්ථයෙන්ම අවම හානියක් ලෙස හැඳින්වීමට හැකියාව ලැබෙන්නේ පොළොන්නරුව මහ රෝහලේ වෛද්‍යවරුන් හෙද හෙදි කාර්ය මණ්ඩල ඇතුළුව සමස්ත කාර්ය මණ්ඩල විසින් ඉටුකළ උදාර මෙහෙවරෙහි අවසාන ප‍්‍රතිඵලය නිසාවෙනි. මක්නිසාද යත් තම ජීවිත අවදානම පිළිබඳව නොතකා ඔවුහු කළ කැපවීමේ ප‍්‍රතිඵලයක් ලෙස ලූතිනන් ඉන්දික උදය කුමාරට තව දුරටත් මෙළොව ජීවත්වීමේ වාසනාව ළඟාකර දීමයි. එහිදී පළමුව සිදු කෙරුණු කාර්යය වූයේ ළය පසාරු කරගෙන ගොස් සිරුරේ රැඳී තිබූ මෝටාර් උණ්ඩය සමග රෝගියා ස්කෑන් පරීක්ෂාවකට ලක් කිරීමය. විකිරණවේදී විශේෂඥ වෛද්‍ය එස්.එම්. මණ්ඩාවල මහතා ප‍්‍රමුඛ රෝහල් කාර්ය මණ්ඩලය විසින් එය ඉටු කිරීමෙන් අනතුරුව හමුදා නිලධාරියා ශල්‍යාගාරය වෙතට සීරුවෙන් රැගෙන එනු ලැබීය. එහිදී නිර්වින්දන වෛද්‍ය විශේෂඥ වෛද්‍ය හරිත ධර්මකීර්ති මහතා ඇතුලූ වෛද්‍ය කණ්ඩායමට පැවරුණේ රෝගියා නිර්වින්දනය කිරීමේ වගකීමයි. සාමාන්‍ය අවස්ථාවක ශල්‍යකර්මය සඳහා සූදානම් කෙරෙන රෝගියෙකු ඇඳමත දිගා කොට නිර්වින්දනය කිරීම සිදුකළද මෙම රෝගියා නිර්වින්දනය කිරීම ඒ අන්දමට කිරීමට නොහැකි විය. එයට හේතුව වූයේ හමුදා නිලධාරියාගේ ළය පසාරු කරගෙන පැමිණි මෝටාර් උණ්ඩයේ එක් කොටසක් වම් උරහිසට පහළින් පිට කොන්ද දෙසින් මතුවී තිබීමය. මෝටාර් උණ්ඩය පුපුරා යාමේදී උපයෝගී වන ආරක්ෂක සේවා නූල (Puse) පිහිටා තිබී ඇත්තේද සිරුර පසාරු කරගෙන පිටතට පැමිණ තිබූ එම කොටසෙහිය. කෙසේ නමුදු රෝගියා නිර්වින්දනය කිරීමේ කටයුත්ත වෛද්‍ය විශේෂඥ වෛද්‍ය හරිත ධර්මකීර්ති මහතා ඇතුළු පිරිසට කිරීමට සිදුවී ඇත්තේ රෝගියා එක් ඇලයකට හරවා තැබීමෙනි.

ශල්‍යාගාරය තුළ සිදු කෙරුණු ඊළඟ භාරදුර කාර්යය වූයේ පුපුරා නොගිය මෝටාර් උණ්ඩය ලූතිනන්වරයාගේ සිරුර තුළින් සීරුවෙන් ඉවත් කිරීමේ සැත්කමයි. පළපුරුදු දක්ෂ ශල්‍ය වෛද්‍ය විශේෂඥයකු වන වෛද්‍ය ගාමිණි අබේසිංහ මහතා කොතෙකුත් අවදානම් සහිත කාර්යයක් වුවද එම අභියෝගාත්මක කටයුත්ත භාර ගනිමින් පැයක පමණ කාලයක් ඇතුළත සිය කාර්ය මණ්ඩලය සමග එක්ව මෝටාර් උණ්ඩය නිරුපද්‍රිතව ඉවත් කරනු ලැබීය.

අඟල් 15 කට පමණ වඩා දිගින් යුත් එම මෝටාර් උණ්ඩය පිටතට ගැනීමෙන් පසුවයි රෝගියා ජීවත්කරවීම පිළිබඳව නවමු බලාපොරොත්තු ඇති කර ගන්නට ශල්‍ය වෛද්‍ය ගාමිණි අබේසිංහ මහතා ඇතුලූ කණ්ඩායමට හැකියාව ලැබී ඇත්තේ.

එය එක්තරා ආකාරයකින් දෛවෝපගත සිදුවීමක් ලෙසද සැත්කම සිදුකළ වෛද්‍යවරුන් හඳුන්වනුයේ මෝටාර් උණ්ඩය සිරුරින් ඉවත් කිරීම පමණක් නොව එම මෝටාර් උණ්ඩය සිරුර තුළ කා වැදී තිබූ අන්දම නිරීක්ෂණය කිරීමෙනි.

එනම් මෝටාර් උණ්ඩය ලූතිනන්වරයාගේ සිරුරේ ඉදිරිපස පපු පෙදෙසින් ඇතුළුවී ශරීරය තුළට ගොස් ඇත්තේ හෘදය වස්තුවට සෙන්ටි මීටර් 4ක් තරම් ආසන්න දුරකින්ය. මෝටාර් උණ්ඩය පුපුරා නොගියද හදවත පසාරු කරගෙන හෝ එයට හානි සිදුකොට ගමන් ගෙන තිබුණේ නම් ලූතිනන්වරයාගේ මෙළොව ජීවිතය පිළිබඳ බලාපොරොත්තු හමාර වනු නියත බව අමුතුවෙන් කිවයුතු නොවේ. කෙසේ නමුදු පොළොන්නරුව මහ රෝහලේ වෛද්‍යවරුන් ප‍්‍රමුඛ හෙද හෙදි කාර්ය මණ්ඩල ඇතුළු සෙසු කාර්ය මණ්ඩල වචනවලින් සඳහන් කළ නොහැකි අවදානමක් වගකීමක් බාරගෙන කළ උතුම් කැපවීමෙහි ප‍්‍රතිඵල මේ වනවිට සාර්ථක වෙමින් තිබේ.

ලූතිනන් ඉන්දික උදය කුමාර දැනට පොළොන්නරුව මහ රෝහලේ දැඩි සත්කාර ඒකකයේ ප‍්‍රතිකාර ලබමින් සිටින අතර ඔහුගේ සෞඛ්‍ය තත්ත්වය සුව අතට හැරමින් තිබෙන බව ප‍්‍රතිකාර කරන වෛද්‍යවරු ප‍්‍රකාශ කළහ.

 

ලූතිනන් උදය කුමාර පොළොන්නරුව මහ රෝහලේ දැඩි සත්කාර ඒකකයේ ප‍්‍රතිකාර ලබමින්...



ලූතිනන් ඉන්දික උදය කුමාර ශ්‍රී ලංකා යුද හමුදාවට බැඳී මේ වනවිට වසර 22ක් ඉක්ම යමින් තිබේ.

ගිරිතලේ මහ ගොවි ජනපදය ආරම්භ කරන අවදියේ එහි පැමිණි පුරෝගාමී පවුලක තෙවැනි දරුවා වන හෙතෙම දරුවන් දෙදෙනකුගේ ආදරණීය පියෙකි. ගෙවුණු යුද සමයේ උතුරේ සහ නැගෙනහිර පළාත්වල දීර්ඝ රාජකාරි ජීවිතයක් ගෙවා ඇති ලූතිනන් ඉන්දික උදය කුමාර මෙවැනි බිහිසුණු අත්දැකීමකට මින් පෙර මුහුණදී නැතැයි ඔහුගේ ආදරණීය බිරිඳ වන ධම්මිකා කුසුම් මහත්මිය අප සමග පැවැසුවාය.

මෙතරම් බරපතළ අනතුරකට ලක්ව තම සැමියාගේ ජීවිතය මේ අන්දමින් බේරුණේ පොළොන්නරුව මහ රෝහලේ වෛද්‍යවරුන් ප‍්‍රමුඛ රෝහල් කාර්ය මණ්ඩලයට පින් සිදුවන්නට යැයිද ඇය කීවාය. රෝගියකුගේ ජීවිතයක් බේරා ගැනීම සඳහා වෛද්‍යවරුන් ප‍්‍රමුඛ රෝහල් කාර්ය මණ්ඩලයක් කටයුතු කිරීමේදී බොහෝ විට ඔවුන් විසින් අවදානමක් බාරගනු ලබන්නේ රෝගියාගේ ජීවිතය පිළිබඳවය. එහෙත් ඒ සාමාන්‍ය අවස්ථාවකට වඩා මෙම රෝගියාගේ ජීවිතය බේරා ගැනීමේ මෙහෙයුමේදී වරක් දෙවරක් නොව කිහිප වතාවක්ම තම ජීවිත පිළිබඳවද සිතා බලන්නට ඔවුනට අවදානම් කරුණක් තිබූ බව ඔබ අපට ඉතාමත් පැහැදිලිය. එනම් යුද හමුදා ලූතිනන්වරයා නිකම්ම නිකම් රෝගියෙකු පමණක් නොව පුපුරා නොගිය මෝටාර් උණ්ඩයක්ද සිරුර තුළ රැඳී සැත්කමකට වහා භාජනය කළ යුතු රෝගියෙකුව සිටියේය. එහෙත් තම ජීවිත අවදානම දෙවෙනි කොට තකමින් සෞඛ්‍ය සේවාවේ උතුම් ගුණාංගයන් මුල්තන්හිලා රෝගියකුගේ ජීවිතය ගලවා ගැනීමේ වටිනා කාර්යයට පොළොන්නරුව මහ රෝහලේ ශල්‍ය වෛද්‍ය විශේෂඥ වෛද්‍ය ගාමිණී අබේසිංහ, නිර්වින්දන විශේෂඥ වෛද්‍ය හරිත ධර්මකීර්ති, විකිරණවේදී විශේෂඥ වෛද්‍ය එස්.එම්. මණ්ඩාවල යන වෛද්‍යවරුන් ප‍්‍රමුඛ වෛද්‍ය ජීවනී ගමගේ, වෛද්‍ය හර්ෂා ධර්මරත්න, වෛද්‍ය අමිල කොඩිකාර, වෛද්‍ය චන්දිමා වල්පොල, වෛද්‍ය කැමිලියා ඊබට්, වෛද්‍ය චන්දන ධනුෂ්ක යන වෛද්‍ය කාර්ය මණ්ඩලය ඇතුලූ රෝහලේ සමස්ත සියලූම කාර්ය මණ්ඩල කළ කැපවීම මෙහිදී අප‍්‍රමාණ පැසසුමට ලක් කළ යුතුය.

මෙරට සෞඛ්‍ය සේවාව පිළිබඳව ඇතැම් විට නොයෙකුත් අවමන් ගැරහුම් මෙන්ම අවර ගණයේ ප‍්‍රකාශ අසන්නට ලැබෙන මෙකල පොළොන්නරුව මහ රෝහලේ මෙම විස්මිත සැත්කම සිදු කිරීම සඳහා උරදුන් සැමට මුළුමහත් ජාතියේම ගෞරව ප‍්‍රණාමය හිමිවිය යුතු බව පෙන්වා දෙනු කැමැත්තෙමු.


 


 

 

 



අදහස් (0)

පපුව පළාගෙන ගිය මෝටාර් උණ්ඩය ගන්න කළ විස්මිත සැත්කම

සම්පත් Saturday, 09 November 2013 11:09 AM

මේ වෛද්‍යවරුන්ට නරකද විදේශ පුහුණුවකට නැත්නම් සම්මන්ත්‍රණයකට වෙන රටකට කෙටි කාලෙකට යැව්වොත් මේ අත්දෙකීම් බෙදා හදා ගන්න. අනෙක ඇමතිතුමාගේ පැත්තේ රෝහලක් නේද මේක.(නදී)

:       0       0

සදාම් Sunday, 10 November 2013 09:36 PM

දොස්තරවරු කියන්නේ දෙවිවරු (නි)

:       0       0

සුරා Monday, 04 November 2013 11:37 AM

මම මේ විශේශ පුවත දකින කොට 1520ක් බලලා තියනවා. මනොජ් සහොදරයා කිව්වා වගේ හරිම සන්තෝසයි... පස් දෙනෙක්ම අගය කරලා තියනවා.. එම වෛද්‍යවරුන්ටත් සහය දුන් හැම දෙනාටත් මගේ ගෞරවය සහ ප්‍රශංසාව පිරිනැමෙන අතර ලූතිනන් ඉන්දික උදය කුමාර මහතාට ඉක්මනින් සුවය ලැබේවා. සම්මා සම්බුදු සරණයි .....!! (ස)

:       0       0

ජීවන් Monday, 04 November 2013 04:04 PM

ඇත්තමයි අදහන්න වටිනවා මෙවන් වෛද්‍ය වරු (දී)

:       0       0

තිලාන් චානක Monday, 04 November 2013 04:06 PM

නියම දොස්තර කෙනෙක්.උතුම් වැඩක්. (ස)

:       0       0

පහන් මඩුගල්ලේ Tuesday, 05 November 2013 11:40 PM

බටහිර චිත්‍රපටියක් වගේ එක හුස්මට ලිපිය කියෙව්වා.මේ ඉන්නේ දෙවිවරු තමයි කිසිම සැකයක් නැහැ.ලුතිනන් මහතාට ඉක්මන් සුවය ලැබේවා!!! (නි)

:       0       0

ගාමිණි Monday, 04 November 2013 04:18 PM

ලුතිනන් වරයාටත් රෝහල් කාර්ය මණ්ඩලයටත් දිගාසිරි පතමි! සැමට තෙරුවන් සරණයි! (ස)

:       0       0

මුනිම් Saturday, 09 November 2013 07:49 PM

මේ වගේ වෛද්‍යවරු අපේ රටට මහත් සම්පතක්.රටට වටිනා ජීවිතයක් බේරාගත් ඔබ සැමට මගේ ඉමහත් ස්තුතිය පුදකරමි (නි)

:       0       0

අසිත තාරක Monday, 04 November 2013 04:23 PM

ඉන්දික මහත්මාට ඉක්මන් සුවය ලැබේවා....සැත්ක්ම සිදු කල සියලුම වෛද්‍යවරුන් ඇතුලු එයට සහය වූ සියලුම දෙනාට අපගේ උපහාරය.... (දිල්)

:       0       0

ව කුමාර ශ්‍රී ලංකා නේවි Tuesday, 05 November 2013 11:40 AM

ස්තුතියි. නියම දොස්තරලා. ඇග හිරි වැටෙනවා මේවා දැක්කම. දොස්තර නිසා ජීවත් වෙනවා. පුහුණුවීම් කරනකොට මීට වැඩිය අවධානයෙන් කරන්න (නි)

:       0       0

තක්ෂිලා Monday, 04 November 2013 04:25 PM

සියලුම දෙනාට දෙවි පිහිටයි. (ස)

:       0       0

මුනිම් Saturday, 09 November 2013 08:04 PM

තමන්ගේ ජීවිතය නොබලා රටට වටිනා රණවිරුවෙක්ගේ ජීවිතය බේරාගත් වෛද්‍යෙවරුන්ටත් කාර්ය මණ්ඩලයටත් මගේ අවංක ස්තුතිය පුදකරමි (නි)

:       0       0

සිරි Monday, 04 November 2013 09:51 PM

හරි පුදුමයි (නි)

:       0       0

කවී Thursday, 07 November 2013 08:44 AM

ඒක නම් පුදුම වැඩක් ! උතුම් දොස්තරලා. (ස)

:       0       0

අමිල Monday, 04 November 2013 09:55 PM

ආඩම්බරයි (නි)

:       0       0

මහේෂ් නිලංක Monday, 04 November 2013 04:37 PM

ඇත්තටම ගොඩක් වටිනවා මේ වග අයව..මට ආඩම්බර මමත් මේ රටේ උන ඒකට. (ස)

:       0       0

රේණුකා Monday, 04 November 2013 02:53 AM

ඉන්දික මහතා ට ඉක්මන් සුවය ලැබේවා. එම වෛද්‍ය වරුන් ටත් සහය දුන් හැම දෙනාටත් තෙරුන්වන් සරණි (නදී)

:       0       0

රුවන් විජේසේකර Monday, 04 November 2013 04:45 PM

මේ සියලුම දොස්තර මහතුන්ලට නිදුක්, නිරෝගී, දීර්ගායුෂ ලැබේවා කියල මුළු හදවතින්ම පතනවා. (ස)

:       0       0

ෆ්‍රී Monday, 04 November 2013 12:35 PM

සියලු දෙනාටම උත්තමාචාර කරනවා, විශිෂ්ට ක්‍රියාවක්. හැමෝටම ආයු බෝ වේවා (නදී)

:       0       0

විරාජ් සම්පත් ඩි සිල්වා Monday, 04 November 2013 10:19 PM

බුදු සරණයි (දී)

:       0       0

දොන් Monday, 04 November 2013 04:54 PM

මෙම විස්මිත සැත්කම සිදුකල සැමට ගෞරවය හිමිවන අතර, ලුතිනන් උදය කුමාර මහතාට ඉක්මන් සුවය පතමි. (ස)

:       0       0

ලාල් Saturday, 09 November 2013 03:01 AM

පසුගිය දවස් වල කරාපිටිය රෝහලේ වෙද දෙවිවරු ගැන ලිපි බැලුවා. දැන් එවැනිම දෙවිවරු අනුරාධපුර රෝහලේත්.... ලංකාවේ අනෙක් රෝහල් වලත් නිහඩ සේවයක් කරන ඔබ සැමට කොහොම සුබ පතන්නද කියලා හිතා ගන්න බැහැ (නි)

:       0       0

චාන්දි Tuesday, 05 November 2013 07:30 AM

මම තමයි 6100 ය වෙනියා මෙය බලපු .මිනිස් වෙස් ගත් දෙවිවරු සහ දේශයේ මුර දේවතා එළි, දීර්ඝායුෂ ලැබේවා..... මේ උතුම් කටයුත්තට උර දුන් සෑම සියලු දෙනාටම ස්තුතිවන්ත වෙන අතර . ලුතිනන් උදය කුමාර මහතාට ද ඉක්මන් සුවය ලැබේවායි ප්‍රර්ථනා කරනවා..(නදී)

:       0       0

මනෝජ් Sunday, 03 November 2013 06:18 PM

මෙම පුවත මම කියවන අවස්ථාව වෙනකොට 437 බලල තියනවා මම හිතන්නේ මේ පුවතේ තියෙන බයානක කම නිසා වෙන්න ඇති..මගේ අදහස නම් අපේ ජිවිත කාලය තුල මෙවැනි මිහිපිට දෙවියන් වැනි මිනිසුන් අගය කරන්න ලැබෙන එකත් පින් කටයුත්තක්.....මගේ උත්තමාචාරය ඔබ සියලුම දෙනාට.(නදී)...

:       0       0

දිල්කි Tuesday, 05 November 2013 12:37 PM

ඔබල වගේ වෛද්‍යවරු අපි අගය කරනවා .සියලු දෙනාටම බුදු සරණයි (දිල්)

:       0       0

බංඩාර Monday, 04 November 2013 05:18 PM

මෙවැනි වෛද්‍යවරුන්ට කරන ලද සේවය සළකා උපහාර පිදිය යුතුයි. (නි)

:       0       0

රුක්මාල් Monday, 04 November 2013 11:14 PM

මිනිස් වෙස් ගත් දෙවිවරු සහ දේශයේ මුර දේවතා එළි, දීර්ඝායුෂ ලැබේවා..... (දී)

:       0       0

නිපුන ගුණවර්ධන Monday, 04 November 2013 07:10 AM

නියම වැඩක්. සියළු දෙනාට මගේ ගෞරවය.(නදී)

:       0       0

මහේෂ් Tuesday, 05 November 2013 01:10 PM

මිහිපිට දෙවිවරු කියන්නේ මේ වගේ අයට තමයි.ලංකාවේ දොස්තර මහත්තරු බහුතරයක් දෙවිවරු තමයි (නි)

:       0       0

ජ. තිසර Sunday, 03 November 2013 07:05 PM

ඇත්තෙන්ම ඒ සැත්කම මගේ අවබෝධය අනුවද වෛද්‍යවරුන්ටද ඉතාමත් අනතුරුදායක භයානක දෙයකි. තම ජීවිත පවා අනතුරේ තබා එය ඉවත් කිරීමෙන් පෙනීයන්නේ අපේ වෛද්‍යවරුන් දක්ෂතාවය මෙන්ම අනුන්ගේ විපතේදී නිර්භීතව තම රජකාරිය කිරීමට දක්වන උනන්දුවය. සැමට මගේ ගෞරවය සහ ප්‍රශංසාව පිරිනැමෙන අතර ලූතිනන් ඉන්දික උදය කුමාර මහතාට ඉක්මනින් සුවය ලැබේවා!(නදී)

:       0       0

කුමාර Thursday, 07 November 2013 10:21 AM

ඔබල වගේ වෛද්‍යවරු අපි අගය කරනවා.සියලු දෙනාටම බුදු සරණයි !!! (ස)

:       0       0

අයේෂා- ඩුබායි Tuesday, 05 November 2013 01:27 PM

විශිෂ්ට වැඩක්..හැම දොස්තර කෙනෙක්ගෙම නම් දාන අතරේ ඒ දේට සම්බන්ධ උන අනෙක් කාර්ය මණ්ඩලවල අයගෙත් එක නමක් හරි දැම්මා නම් කොයිතරම් වටිනවද..ඒ අයත් දිවි පරදුවට තිබ්බ දෙවිවරු තමා (ස)

:       0       0

අයේෂා-ඩුබායි Tuesday, 05 November 2013 01:29 PM

විශිෂ්ඨ වැඩක්..හැම දොස්තර කෙනෙක්ගෙම නම් දාන අතරේ ඒ දේට සම්බන්ද උන අනෙක් කාර්ය මණ්ඩලවල අයගෙත් එක නමක් හරි දැම්ම නම් කොයිතරම් වටිනවද..ඒ අයත් දිවි පරදුවට තිබ්බ දෙවිවරු තමයි. හැමෝගෙම කැප කිරීම ආදරෙන් අගේ කරනවා. දීර්ගායුෂ ලැබේවා රෝගියාටත් සැමටත්.(නදී)

:       0       0

සංජීව Monday, 04 November 2013 05:43 PM

නියම වැඩක් ! (නි)

:       0       0

සුනෙත් Monday, 04 November 2013 05:46 PM

මේ කරගත් පිනම ඇති මතු බුදුවෙන්න. බොහොමත්ම පින් දොස්තර මහතාණනි (නි)

:       0       0

දිනේෂ් ශ්‍රී Monday, 04 November 2013 05:49 PM

ලංකාවේ වෛද්‍යවරු කියන්නේ විශ්වකර්ම විදියට රෝගින් ජීවත් කරවීමට කැපවුණ පිරිසක්. ඔවුන් බොහෝ අවස්ථාවලදී තමන්ගේ ජීවිත අවදානම පවා නොතකා රෝගී ජනතාවගේ ජීවිත බේරා ගන්නවා. පොළොන්නරුව රෝහලේ මෙම රෝහල් කාර්ය මණ්ඩලයත් එවන් දෙවිවරුන් පිරිසක් බව අපට හැගෙනවා. ඔබතුමන්ලා සියලු දෙනාටම ජයෙන් ජය. දයාබර රණවිරුව, ඔබතුමා එදා අපේ රටේ සිටි මිලේච්ඡ ත්‍රස්තවාදීන්ගෙන් රට ජාතිය බේරා ගැනීමට සිදු කළ කැපවීම තුළින් ලැබූ පින නිසා ඔබතුමාට දරුණු අනතුරකින් පවා බේරී සිටීමට හැකියාව ලැබීම පිළිබද අපට ඉතාමත් සතුටුයි. ඔබට ඉක්මන් සුවය ලැබේවා! (නි)

:       0       0

චන්දි Wednesday, 06 November 2013 09:25 PM

මෙන්න බොලේ ., චාන්දී ,කියල කෙනෙකුත් ඉන්නවා ., සතුටුයි සතුටුයි..!!(නදී)

:       0       0

ආනන්ද Friday, 08 November 2013 04:51 AM

ඔබ දෙපිරිසම මගේ මවුබිමේ මුර දේවතාවරු. ඔබ සැමට තෙරුවන් සරණයි! (නි)

:       0       0

අජිත් සේනාධිර Saturday, 09 November 2013 07:49 AM

ඔබලා දෙවිවරුය (නි)

:       0       0

ඩෙන්සිල් Monday, 04 November 2013 11:43 PM

ලුතිනන්වරයාටත් රෝහල් කාර්ය මණ්ඩලයටත් දිගාසිරි පතමි! සැමට තෙරුවන් සරණයි (නි)

:       0       0

නිශාන්ත Monday, 04 November 2013 05:59 PM

මිහිපිට සිටින දෙවිවරු (නි)

:       0       0

රවී Thursday, 07 November 2013 10:50 AM

මෙම පුවත මම කියවන අවස්ථාව වෙනකොට 9209 බලල තියනවා මිහිපිට දෙවියන් වන වෛද්‍යවරුන් වන ඔබට සැමට සම්මා සම්බුදු සරණ පතමි. (දී)

:       0       0

චතුර Tuesday, 05 November 2013 12:02 AM

ආඩම්බරයි අපේ වෛද්‍යවරු ගැන.සුබ පැතුම්! (නි)

:       0       0

ඉන්දු මෙල්බෙර්න් Sunday, 10 November 2013 01:36 AM

අපේ වෛද්‍යවරු ලෝකයේ කිසිම වෛද්‍යවරයෙකුට දෙවෙනි නැහැ. ඒක මම අත්දැකපු දෙයක්. ඔබතුමන්ලාට මගේ ගෞරවනීය ආචාරය ! ලුතිනන් මහතාට ඉක්මන් සුව ! (නි)

:       0       0

ප්‍රියන්ත Thursday, 07 November 2013 10:59 AM

පොළොන්නරුව මහ රෝහලේ මෙම විස්මිත සැත්කම සිදු කිරීම සඳහා උරදුන් සැමට මුළුමහත් ජාතියේම ගෞරව ප‍්‍රණාමය !!!! (ස)

:       0       0

ධනුෂ්ක මධුෂාන් Tuesday, 05 November 2013 09:31 AM

පොළොන්නරුව මහ රෝහලේ වෛද්‍යවරුන් ප‍්‍රමුඛ හෙද හෙදි කාර්ය මණ්ඩලලංකාවේ වෛද්‍යවරු කියන්නේ විශ්වකර්ම විදියට රෝගින් ජීවත් කරවීමට කැපවුණ පිරිසක්. ඔවුන් බොහෝ අවස්ථාවලදී තමන්ගේ ජීවිත අවදානම පවා නොතකා රෝගී ජනතාවගේ ජීවිත බේරා ගන්නවා. පොළොන්නරුව රෝහලේ මෙම රෝහල් කාර්ය මණ්ඩලයත් එවන් දෙවිවරුන් පිරිසක් බව අපට හැගෙනවා. ඔබතුමන්ලා සියලු දෙනාටම ජයෙන් ජය. දයාබර රණවිරුව, ඔබතුමා එදා අපේ රටේ සිටි මිලේච්ඡ ත්‍රස්තවාදීන්ගෙන් රට ජාතිය බේරා ගැනීමට සිදු කළ කැපවීම තුළින් ලැබූ පින නිසා ඔබතුමාට දරුණු අනතුරකින් පවා බේරී සිටීමට හැකියාව ලැබීම පිළිබද අපට ඉතාමත් සතුටුයි. ඔබට ඉක්මන් සුවය ලැබේවා! ඇතුළු සෙසු කාර්ය මණ්ඩලයට තෙරුවන් සරණයි(.ධනුෂ්ක මධුෂාන්).(නදී)

:       0       0

සිංහ Tuesday, 05 November 2013 02:56 PM

ජාතියේ වාසනාවටම ඉපදුනු අපේ මිනිස්සු.. (ස)

:       0       0

ජූඩ් රොඩ්රිගෝ Tuesday, 05 November 2013 12:47 AM

විශ්වකර්ම දොස්තර කෙනෙක්.ඔබට සුභ පැතුම්! (නි)

:       0       0

ලාල් Sunday, 10 November 2013 02:54 AM

මොකටද සම්පත් මේ අය විදෙස් පුහුණුවකට යවන්නේ? පිටරට අයට ඕනෑ නම් මෙහෙ ඇවිල්ලා පුහුණු වෙන්න පුළුවන් . (නි)

:       0       0

සුලක්ෂි Monday, 04 November 2013 06:55 PM

ගොඩක් ආඩම්බරයි (නි)

:       0       0

තරංග පද්මසිරි Tuesday, 05 November 2013 03:16 PM

මිහිපිට දෙවියන් වන වෛද්‍යවරුන් වන ඔබට සැමට අපි ණය ගැති වෙමි. මා මෙය බලන විට 7132 දෙනෙක් බලලා ඇත. (ස)

:       0       0

දි‍නේෂ් සුරංග Tuesday, 05 November 2013 09:54 AM

‍‍‍‍මෙම අ‍වස්ථා‍වේ සහය දැක්වූ වෛද්‍යවරුන් ඇතුලු සියලු ‍‍‍දෙනාට ‍බො‍හෝ පිං .(නදී)

:       0       0

රන්ජිත් නාවලවත්ත Tuesday, 05 November 2013 09:55 AM

අපේ රටේ ඉන්නේ ලෝකෙන්ම අති දක්ෂ වෛද්‍යවරු බව අවිවාදයෙන් තොරව පිළිගන්න පුළුවන්. ඒ වගේම එයාල නිකන්ම නිකන් වෛද්‍යවරු නොවේ, මිනිස් ජීවිත වලට සැබවින්ම ආදරය කරන දෙවිවරු වගේ අය. ඔබ සැමට මගේ ප්‍රණාමය පුද කරනවා. උදය කුමාර රණවිරුවාටත් ඉක්මන් සුවය ප්‍රාර්ථනා කරනවා..(නදී).

:       0       0

මධු ෂෙරීනා Monday, 04 November 2013 07:02 PM

උතුම් වැඩක්. ඔබ සියළු දෙනාට තෙරුවන් සරණයි.(නදී)

:       0       0

අරුණ Wednesday, 13 November 2013 12:02 AM

තවත් මේ වගේම ජීවිත බේරා ගැනීමට ශක්තිය ධෛර්යය ලැබේවා! (නි)

:       0       0

ජීවන්ත Friday, 08 November 2013 04:02 PM

මෙය හොඳ දෙයක්. ඉක්මන් සුව (ස)

:       0       0

මධුශානි Thursday, 07 November 2013 11:41 AM

ඉක්මන් සුවය ප්‍රාර්ථනා කරමි......! (නදී)

:       0       0

කමල් Monday, 04 November 2013 07:12 PM

ආඩම්බරයි රට ගැන හොද මිනිසුන් ගැන, දුකයි රට නැතිකරන්න තමන් හැදෙන්න රට පාවාදෙන, සම්පත් ප්‍රයෝජනයට නොගන්නා සමහරක් ඔල මොට්ටල පාලකයින් සිටීම ගැන(නදී)

:       0       0

නාලක Saturday, 09 November 2013 09:43 AM

ගොඩක්ම වටිනවා පොළොන්නරුවේ රෝහලේ කාර්ය මණ්ඩලය කල දෙය ගොගක්ම පින්. (නදී)

:       0       0

දයාරත්න Monday, 04 November 2013 07:22 PM

ලුතිනන් උදය කුමාර මහතාට ඉක්මන් සුවය පතමි. මෙම විශ්මිත සැත්කම සිදුකළ සියලුම දොස්තර මහතුන්ට දීර්ගායුෂ ලැබේවා කියා මුළු හදවතින්ම පතනවා. (නි)

:       0       0

චින්තක Saturday, 09 November 2013 09:52 AM

අතිශය විශිෂ්ට ක්‍රියාවක්.මෙවන් ජීවමාන දෙවිවරුන්ට ජාතියේ උපහාරය හිමිවිය යුතු අතරම වසරේ වීර සම්මාන නිවාර්යයෙන්ම ලබා දිය යුතුය.(නදී)

:       0       0

සඳා Thursday, 07 November 2013 11:45 AM

උදය කුමාර රණවිරුවාටත් ඉක්මන් සුවය ප්‍රාර්ථනා කරනවා.මෙම අ‍වස්ථා‍වේ සහය දැක්වූ වෛද්‍යවරුන් ඇතුලු සියලු ‍‍‍දෙනාට ‍බො‍හෝ පිං. (ස)

:       0       0

චන්ද්‍ර වීරසින්ග්හේ Thursday, 07 November 2013 03:17 PM

කරුණාකර මෙම කතාව ඉංග්‍රීසියට පරිවර්තනය කර විදේශ සඟරාවකට යොමු කරන්න.මහත් ප්‍රසිද්ධියක් ලැබේවි. (නි)

:       0       0

නිලන්ත පතිරණ Saturday, 09 November 2013 09:54 AM

අපේ ආචාරය සොක්‍රටීස්ගේ පරපුරට (නදී)

:       0       0

චන්දි Sunday, 03 November 2013 09:33 PM

මනෝජ්,ජ.තිසර, ස්තුතියි ඔබ දෙදෙනාට.., ඇත්තෙන්ම මිහිපිට දෙවියන් මෙන් මෙම වෛද්‍ය කණ්ඩායම පිදිය යුතුයි.., මෙවැනි දෙවියන් වැනි මිනිසුන් අපේ රටේ ඉපදී , අපේ රටටම සේවය කිරීමත් ඉතා අගය කල යුතුයි .., මගේ දෑතම එක් කොට ඔබ සැමට වැද නමස්කාර කරමි .., ලුතිනන් ඉන්දික උදය කුමාර මහතාට ඉක්මන් සුවය පතමි , සැමට සම්මා සම්බුදු සරණයි .....!!!(නදී)

:       0       0

ප්‍රේමා පුංචිහේවගේ Tuesday, 05 November 2013 10:22 AM

අපේ සුබ පැතුම්, ඔබ සියලු දෙනාටම. ලංකා මාතාවට ආඩම්බරයක්. (ස)

:       0       0

සේනසිංහ Thursday, 07 November 2013 03:23 PM

මේ සැත්කම කරන්ඩ සහයෝගය දුන් සියලුම වෛද්‍ය හෙද කාර්යය මණ්ඩලයේ සැමට මගේ හෘදයාංගම ස්තුතිය පුද කරනවා. (ස)

:       0       0

කුමුදුමාලි Friday, 08 November 2013 04:30 PM

මිනිසුන් අතර දෙවියන් ඔබයි. මේ කල කාර්ය කියා නිම කල නොහැකිය.මිනිසුන්ගේ පිනටයි ඔබ වැනි අය බිහිවන්නේ.මේ කල සේවය සඳහා ඔවුන්ට උපහාර පිදිය යුතුය යන්නයි මාගේ හැගීම වන්නේ. මේ හැමෝම අපේ රටට සම්පතක්.එමෙන්ම ඉන්දික උදය කුමාර රණවිරුවාණෙනි ඔබ රට වෙනුවෙන් කල මෙහෙය ඉතාමත් උතුම්.ඒ පිනම ඔබට නැවත ජීවිතය දුන්නා. ඉන්දික උදය කුමාර රණවිරුවාට ඉක්මන් සුවය ප්‍රර්ථනා කරන අතර සියලුම දෙනාට බුදු සරණයි. (ස)

:       0       0

ෂර්මිලා Monday, 11 November 2013 04:22 PM

මේ වගේ අය වැඩි වැඩියෙන් ලංකාව තුල ඉපදේවායි ප්‍රර්ථනා කරනවා. (ස)

:       0       0

චරිත හසුන් Monday, 04 November 2013 07:57 PM

මේ උතුම් කටයුත්තට උර දුන් සෑම සියලු දෙනාටම ස්තුතිවන්ත වෙන අතර . ලුතිනන් උදය කුමාර මහතාට ද ඉක්මන් සුවය ලැබේවායි ප්‍රර්ථනා කරනවා.(නදී)

:       0       0

ඡානක Monday, 04 November 2013 08:06 PM

ආඩම්බරයි අපේ රටේ මේ ලක් පුත්තු ගැන (නදී)

:       0       0

අතුල ප්‍රියංකර - ගාල්ල Tuesday, 05 November 2013 10:30 AM

ස්තූතියි ශ්‍රේෂ්ට මිනිසුනේ ...ඔබලා සැමටම දිර්ඝා යුෂ වේවා. (ස)

:       0       0

ජානක Tuesday, 05 November 2013 03:10 AM

පොළොන්නරුව මහ රෝහලේ වෛද්‍යවරුන් ප‍්‍රමුඛ හෙද හෙදි කාර්ය මණ්ඩල ඇතුළු සෙසු කාර්ය මණ්ඩලයට තෙරුවන් සරණයි.(නදී)

:       0       0

පිනිබින්දු තංගල්ල Tuesday, 05 November 2013 03:23 AM

මගේ රට මුදාගත් අපේ රණවිරුවාට දීර්ඝා යුෂ ලැබේවා!(නදී)

:       0       0

ඔබේ අදහස් එවන්න

විශේෂාංග

දිඹුලාගල සිංහයා - කිතලගම නාහිමි
2024 මැයි මස 25 147 0

රට, ජාතිය, සම්බුද්ධ ශාසනය වෙනුවෙන් සුවිශාල මෙහෙවරක් කර මෙරට වැඩිම දරු පරපුරක්, සම්බුද්ධ ශාසනයට ඇතුළත් කරගත් දිඹුලාගල හාමුදුරුවන් හෙවත් මාතර කිතලගම ශ්


ජනපතිවරණයට උතුරු - දකුණ ඡන්ද සාධක
2024 මැයි මස 25 120 0

ලක්ෂ ගණනක් ජනතාව 2012 දී වීදි බැස ආණ්ඩුවට එරෙහිව මාස හතරක් පුරා අරගල කරන්නට පොළඹවමින් උත්සන්න වූ ආර්ථික අර්බුදය හේතුවෙන් රටපුරා අති බහුතරයකගේ සාම්ප්‍රද


පාසල් අසල මාර්ගවල රථවාහන පාලනයක් ඕනෑ
2024 මැයි මස 25 45 0

අනතුරු සිදු වන්නේ කල් ඇතිව දැනුම් දී නොවේ. එහෙත් ඇතැම් අනතුරු වළක්වාගත හැකිය. එයට එළැඹගත් සිහියෙන් ක්‍රියා තළ යුතුය. එසේම ඇතැම් අනතුරුවලට හේතුව නොසැලක


චිත්‍රපට අරමුදලක් වහාම ඕනෑ
2024 මැයි මස 24 372 0

ඔහු මෙරට සිනමාව, ටෙලිනාට්‍යය යන අංශ ද්විත්වයේ නිතරම තම අධ්‍යයන කටයුතු සිදුකරන නිර්මාණශීලී අධ්‍යක්ෂවරයෙකි. ‘‘සුදු කළු සහ අළු’’ යන සිනමා පටය නිර්මාණය ක


සංස්කෘතික විප්ලවයක අවශ්‍යතාව
2024 මැයි මස 24 181 4

ලෝක පූජිත භෞතික විද්‍යඥ සහ සාපේක්ෂතා න්‍යායේ නිර්මාතෘ ඇල්බර්ට් අයින්ස්ටයින්ගේ සුප්‍රකට ප්‍රකාශයක් පහත එන පරිදි ය. “නූතන ලෝකයේ විද්‍යාත්මක අවශ්‍යතා


ජාතික ආරක්ෂාවේ සූදානම නිරන්තරයෙන් අවශ්‍යයි
2024 මැයි මස 24 176 1

ජාතික ආරක්ෂාව සම්බන්ධයෙන් අවධානයෙන් සිටීමේ වැදගත්කම අවධාරණය කෙරෙන සිද්ධියක් පසුගිය දින කිහිපය පුරාම අප පුවත්පත වාර්තා කළේ ය. එම සිදුවීම නම්, ඉන්දියා


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 942 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2491 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2135 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site