දේශපාලනඥයන්ගේ කියුම් කෙරුම් මේ දවස්වල වැඩි වශයෙන් සමාජ කතාබහට හා අවධානයට ලක් වෙමින් පවතී. ඒ ඇතැම් දේශපාලනඥයන් කරන ඇතැම් දුෂණ, වංචා, අයථා ගනුදෙනු යම් යම් අවස්ථාවල දී හෙළදරව් වීමත් සමගය. ඉකුත් කාලයේ දී රුපියල් කෝටි ගණනින් අල්ලස් ඉල්ලූ ආණඩු පක්‍ෂයේ දේශපාලනඥයකු පිළිබඳව අපි තොරතුරු හෙළිදරව් කළෙමු. රුපියල් කෝටි ගණනක ඉඩමක් මිලදී ගත් කෝටිපති ව්‍යාපාරිකයකුගෙන් රුපියල් කෝටි ගණනක මුදලක් ඉල්ලමින් තර්ජනාත්මකව දුරකතන ඇමතුම් ලබා දුන් අදාළ දේශපාලනඥයාගේ පැටිකිරියත් එම ජංගම දුරකතනය අදාළ ඇමැතිවරයාගේ බව තහවුරු කරගත් පුවතක් ඉකුත් කාලයේ ඉරිදා ලංකාදීපය ඔස්සේ අපි අනාවරණය කළෙමු. එමෙන්ම රාජ්‍ය සේවකයන් අල්ලස් ඉල්ලා හිදීමේ ප‍්‍රවණතාව ඉහළ යමින් තිබෙන බවත් එහි පසුබිම පිළිබඳවත් අපි තොරතුරු හෙළිදරව් කළෙමු එහිදී අල්ලස් ඉල්ලා සිටින පුද්ගලයන් අතර රජයේ ඇමැතිවරුන්, පාර්ලිමේන්තු මන්ත‍්‍රීවරුන් නගර සභා සභාපතිවරුන් හා මන්ත‍්‍රීවරුන්, ප‍්‍රාදේශීය සභා සභාපතිවරුන් හා මන්තී‍්‍රවරුන් පොලීසියේ නිලධාරීන් හා රාජ්‍ය සේවකයන් ප‍්‍රමුඛස්ථානයේ සිටින බව අනාවරණය විය. දේශපාලනඥයන්ට අදාළ අල්ලස් පිළිබඳව මේ ක‍්‍රියාදාමයේ අලූත්ම තත්ත්වය පිළිබඳව ඉකුත් සතියේ දී හෙළදරුව් කෙරිණි. අල්ලස් හෝ දුෂණ චෝදනා විමර්ශන කොමිෂන් සභාව පැවසූ ආකාරයට අදාළ දේශපාලනඥයන්ට එරෙහිව තමන්වෙත මෙම පැමිණිලි ලැබී ඇත්තේ හේතු කිහිපයක් පසුබිම් කරගනිමිනි. අල්ලස් ගැනීම, දුෂණ හා අයථා ලෙස වත්කම් ඉපැයීමේ චෝදනා සම්බන්ධව මෙම දේශපාලනඥයන්ට එරෙහිව පැමිණිලි ඉදිරිපත් වී තිබේ. මෙසේ අල්ලස් හෝ දුෂණ චෝදන විමර්ශන කොමිෂන් සභාව ඉදිරියේ වග උත්තර කරුවන් බව බවට පත්ව ඇති අතර දේශපාලනඥයන්ගේ සංඛ්‍යාව හැත්තෑ පහකි.   එම දේශපාලනඥයන්ගේ තනතුරු සහ සංඛ්‍යව මෙසේය. ඇමැතිවරු - 08 නියෝජ්‍ය ඇමැතිවරු - 05 පාර්ලිමේන්තු මන්ත‍්‍රීවරු - 10 පළාත් සභා ඇමතිවරු හා මන්ත‍්‍රීවරු - 12 නගරාධිපතිවරු ප‍්‍රාදේශීය සභා සභාපතිවරු ඇතුළු පළාත් පාලන මන්ත‍්‍රීවරු -  40   මේ ඇතැම් දේශපාලනඥයන් මීට පෙර අවස්ථාවල දී අල්ලස් ගැනීම්, අල්ලස් ඉල්ලීම්, දුෂණ හා අයථා ලෙස වත්කම් ඉපැයීම් සම්බන්ධව විවිධාකාරයේ චෝදනාවලට ලක්වූ සහ එකී චෝදනාවලට වගකිවයුත්තන් බවට නීතිය හමුවේ නොවුණත් ඔවුන්ගේ පැටිකිරිය හා සිදුවූ සමාජ සංසිද්ධී හමුවේ තහවුරු වූ පසුබිම් ඇති දේශපාලනඥයන්ය. එහෙත් මේ දේශපාලනඥයන් පිරිවරාගත්, චණ්ඩින්ට හා පතාල සාමාජිකයන්ට හා අදාළ දේශපාලනඥයන්ගේ මැර්කම් හා බියවැද්දීම් වලට ඇති බිය නිසා බොහෝ අවස්ථාවලදී ජනතාව කළේ ඔවුන්ගේ අල්ලස් දුෂණ හා අයථා ක‍්‍රියා පිළිබඳව දැන දැනත් මුනිවත රැකීමය. එක් පැත්තකින් ජනතාව එසේ මුනිවත රැකීම පවා සාධාරණයැයි සිතෙන්නේ බොහෝ අවස්ථාවලදී ජනතාව එසේ නීතිය හමුවට ගියත් ඒ හැම අවස්ථාවකම පාහේ සිදුව ඇත්තේ අදාළ දේශපාලනඥයන් තම බලපුළුවන්කාරකම් පාවිච්චි කරමින් නීතියෙන් බේරී යද්දී නැවත ඔවුන්ට එරෙහිවූ මිනිසුන්ටම නොයෙක් අකාරයෙක් මේ දේශාපාලන හෙන්චයියලාට අඩත්තේට්ටම් වලට හා හිංසන වලට ලක්වීමටය. මෙවැනි සාධක පසුබිම්ව අදාළ දේශපාලනඥයන් විසින් කාන්තාවන් දුෂණයට කරනු ලබන පුද්ගලයන්ට කපා කොටා හිංසා කිරීම් සහ ඝාතනය කිරීම් පවා සිදුවී ඇති බව ඒ සම්බන්ධ ඉතිහාසය විශ්ලේෂණය කිරීමේදී පැහැදිළි වෙන්නකි. අවසානයේ එවැනි මැරවරයන්ට එරෙහිව කි‍්‍රයාත්මක වූ නීතියකුත් නැත. පීඩාවට හා අසාධාරණයට පත්වූවන් විෂයෙහි සිදුවූ සාධාරණයකුත් නැත. ඇතැම් දේශපාලනඥයන් මෙවැනි අමනෝඥ හා අත්තනෝත්මතික ක‍්‍රියා හා හැසිරීම්වලට එරෙහිව ජනතාව අද ඇස්කන් පියාගෙන සිටින වාතාවරණයක් ඇති වී තිබෙන්නේ ද මෙවන් පසුබිමකදීය. එහෙත් වැවක් වූවද ජලය පිරී ඉතිරී යන මට්ටමට ළඟ වූ පසු ඒවාට වාන් දමන්නාක් මෙන් ජනතාව මත ඇතැම් දේශපාලනඥයන් මුදා හරින පීඩනය දරාගතම නොහැකි වූ විට එම පීඩනයට එරෙහිව ප‍්‍රතිචාර දක්වන්නට ජනතාව පෙළ ගැසෙයි. අල්ලස් හෝ දුෂණ චෝදනා විමර්ශන කොමිෂන් සභාවට දේශපාලනඥයන් හැත්තෑ පස් දෙනෙකුට එරෙහිව පැමිණිලි ඉදිරිපත්වීම ද එවන් එක් අවස්ථාවක් ලෙස අර්ථකතනය කළ හැකිය.මෙම දේශපාලනඥයෝ බහුතරය බස්නාහිර පළාතේ පදිංචිකරුවෝය. අල්ලස් හෝ දුෂණ චෝදනා වලට ලක්වෙන රාජ්‍ය සේවකයෝ බහුතරය ද බස්නාහිර පළාතේ පදිංචිකරුවෝය. දේශපාලනඥයන්ට එරෙහිව අල්ලස් හෝ දුෂණ විමර්ශන කොමිෂන් සභාව වෙත පැමිණිලි ලැබීම අද ඊයේක නොව මීට පෙරද සිදුවූවත් ඒ කිසිදු දේශපාලනඥයකුට අවසානයේ දඬුවම් හිමි වූ අවස්ථාවක්නම් එකී ඉතිහාසයේ කවර තැනකදීවත් හමුනොවේ. එය එසේ වන්නේද දේශපාලඥයන් නීතිය හමුවේ පවා කරන අදිසි බලපැම් හේතුවෙන්දැයි යන්න අප විචාරයට ලක් කළ යුත්තක් වෙයි. අල්ලස් හෝ දුෂණ විමර්ශන කොමිෂන් සභාව දක්වා ඇති කරුණු අනුව චෝදනා ලද දේශපාලඥයන්ට එරෙහිව නඩු පැවරීම් කටයුතු මේ දිනවල දී සිදුවෙයි. රජයේ කිසිවිටෙකත් අපරාධකරුවන් සම්බන්ධයෙන් නිසි ක‍්‍රියාමාර්ග ගැනීම මොනයම් ආකාරයක හෝ දේශාපලන බාලපැමක් මත නොනවත්වන බවත්, අපරාධකරුවන්ගේ තරාතිරම නොබලා ඔවුන් නීතියේ රැහැනට ගෙන ඒමට කටයුතු කරන බවත් ඉකුත් 19 වැනිදා පාර්ලිමේන්තු සභාවාරය ඇමැති නිමල් සිරිපාල ද සිල්වා විසින් ප‍්‍රකාශ කරනු ලැබිණි. එමෙන්ම දේශපාලනඥයන්ට එරෙහිව නීතිය ක‍්‍රියාත්මක කිරීමේදි දේශපාලඥයන් විසින්ම ඊට බලපෑම් කිරීම හා නීතිය ක‍්‍රියාත්මක කරන්නන් මත ප‍්‍රචණ්ඩත්වය මුදාහැරීම ද තවදුරටත් සිදු නොවිය යුතු බව අවධාරණය කළ යුතුව ඇත. ජනතා ඡුන්දයෙන් ඇමැති නි/ඇමැති ඇතුළු නොකී දේශපාලන තනතුරු ලැබ, ඊට මුවාවී සියලූ වරප‍්‍රසාද භුක්ති විඳිමින්, අවසානයේ තමන් ඉහළ පුටුවල හිඳුවාලූ ජනතාවටම පහර ගසන දේශපාලනඥයන් වෙත්නම් ඔවුන්ට එරෙහිව නීතිය ක‍්‍රියාත්මක කිරීම, නීතිය බලගැන්වීම කිසිවිටෙකත් තවදුරටත් සිදු නොවිය යුත්තක්ව ඇත.    

නඩු ගොනු කිරීම මේ දිනවල සිදු කරනවා

අල්ලස් හෝ දුෂණ විමර්ශන කොමිෂන් සභාවේ සභාපති ජගත් බාලපටබැඳි
අල්ලස් හෝ දුෂණ විමර්ශන කොමිෂන් සභාව වෙත ඇමැතිවරුන්, නියෝජ්‍ය ඇමැතිවරුන් ඇතුලූ දේශපාලනඥයන් 75කට එරෙහිව පැමිණිලි ඉදිරිපත් වී තිබෙනවා. එම පැමිණිල වලට අදාළව නීතිය ක‍්‍රියාත්මක කළ හැකි ආකාරය හා චෝදනා ලැබූ දේශපාලනඥයන්ට නඩු ගොනු කිරීම පිළිබඳව කටයුතු අප මේ වන විට කරගෙන යනවා. එහෙත් පවත්නා නීතිය අනුව ඔවුන්ගේ රහස්‍ය භාවය සුරැකීමටත් ඒ කිසිවකු පිළිබඳව උසාවිය හමුවේ නීතිමය විනිශ්චයන් ලබා දෙන තුරු කරුණු හෙළදරව් නොකිරීමටත් අප බැඳී සිටිනවා. අපට ප‍්‍රකාශ කළ හැක්කේ අප දේශාපලන බලපැම් වලින් තොරව අපක්‍ෂපාතීව කටයුතු කරන බව පමණයි.
සටහන සංජීවිකා සමරතුංග
අල්ලස් හෝ දුෂණ විමර්ශන කොමිෂන් සභාවේ සභාපති ජගත් බාලපටබැඳි