IMG-LOGO

2024 ජුලි මස 18 වන බ්‍රහස්පතින්දා


තෙල් සංස්ථා වංචාව වසර 8 ක්ම යටගැහීම

වංචාවක් සිදුකිරීම බරපතළ වැරැද්දකි. එයින් රජයට සිදුවන පාඩුව මකා ගැනීමට එම පාඩුව ජනතාවගේ කර මතට බද්දක් වශයෙන් පැනවීම තවත් වංචාවකි. මේ දෙකම තෙල් සංස්ථාවේ සිදු  වී ඇතැයි අනාවරණය වී ඇත්තේ කෝප් කමිටුව පසුගියදා රැස් වූ අවස්ථාවේදීය. වසර 08 ක කාලයක් තිස්සේ සිදුවූ මේ අසික්කිත වංචාවට හවුල් වූ බව කියන නිලධාරීන් දැන් රටෙත් නැති බවද  අනාවරණය වීම ලොකුම ඛේදවාචකයයි.

ශ්‍රී ලංකාව වංචාවට දූෂණයට නමගිය රටක් බවට හංවඩු ගැසීම ගැන පුදුම විය යුතු නැත. වංචාව සහ දූෂණ එතරම් සුලබය. ඒවා සිදුකරන නිලධාරීන්ට කිසිදු හිරිහැරයකින් හා කරදරයකින් තොරව පිටරටට පැනගෙන තමන්ගේ රටට කොකා  පෙන්වීමට අවස්ථාවක් ලබාදෙන  එකම රට ශ්‍රී ලංකාවද යන සැකය ද මේ සිද්ධියත් සමග අප තුළ මතුවෙයි. වසර 08ක් තිස්සේ තෙල්  සංස්ථාවේ අලෙවි අංශය මූලික  වී සිදුවූ  මේ වංචාව හෙළිකර ගැනීමට සංස්ථාවේ පාලනාධිකාරිය අසමත්වීම ද සියලු දෙනාගේ දෙබැම ඉහළ නංවන තත්වයකි. එය ඇතැම් ඉහළ නිලධාරීන් පිළිබඳ බරපතළ සැකයක් උපදවන්නකි. මේ බොහොමයක් ඉහළ නිලධාරීන් දේශපාලන පත්වීම් ලැබුවෝ වෙති. මෙවැනි ගඳ ගසන හෙණ ගහන අපරාධ කාලයේ වැලි තලාවේ සැඟවී යන්නේ එවැනි සබඳතාවල බලවත්කම් හේතුවෙන් බවද පෙන්වා දිය යුතුය. 

මෙම වංචාව හොඳින් සැලසුම් සහගතව  කළ බව එහි ක්‍රමවේදයෙන් පැහැදිලි වෙයි. කෝප් කමිටුවේ දී අනාවරණය වී ඇති පරිදි එහිදී මුලින්ම සිදුකර ඇත්තේ පිරවුම්හල් හිමියන්ට චක්‍රලේඛයක් නිකුත් කිරීම සිතාමතා වසර 08කට ප්‍රමාද කිරීමයි. එහි ප්‍රතිඵලය කොමිස් මුදල වැඩිපුර ගෙවීමට සිදුවීමය. එහි පාඩුව රුපියල් කෝටි 341ක් බවද එය පියවීම සඳහා ජනතාව ලබාගන්නා ඉන්ධනවලට රුපියල් 05 සිට 07 පමණ දක්වා වන බද්දක් පැනවූ බවද සඳහන්ය. මෙය හෙණ ගහන ගඳ ගසන අපරාධයක් බව අප ප්‍රකාශ කරන්නේ මේ හේතු නිසාය. තමන් සිදු කළ වංචාව මහජනතාවගේ මුදලින් පියවා ගැනීමට කටයුතු කළ නිලධාරීන් සිටිනවා නම් දැන් හෝ ඔවුන්ට එරෙහිව නීති මගින් කටයුතු කිරීමට සිදුවන්නේ මේ වංචනික අපරාධය සිදුකර  ඇත්තේ ඔවුන්  සියලු දෙනාගේම අනුමැතිය ඇතිව නිසාය. එම අපවාදයෙන් ගැලවීමට නම් මේ වංචාව සම්බන්ධ සියලු තොරතුරු හෙළි කිරීම එම නිලධාරීන් විසින් සිදුකළ යුතුය. තොරතුරු දැන දැනම නිහඬව සිටීම අපරාධයට ආධාර සහ අනුබල දීමක් බැවිනි.

මෙම වංචාවට සම්බන්ධ පුද්ගලයන්ගේ නම් ලැයිස්තුව ඇතුළත් සවිස්තර වාර්තාවක් සති දෙකක් තුළ ඉදිරිපත් කරන ලෙසට කෝප් කමිටුව සංස්ථාවට නිර්දේශ කර තිබේ. ඒ අනුව කටයුතු සිදුවන්නේ දැයි රටේ ජනතාව ද විමසිල්ලෙන්  සිටිනු ඇත. පසුගිය වසර 08ක කාලයේදී තමන් මිලදී ගත් තෙල්වලට වැඩිපුර අයකළ මුදලට සිදුවූ දේ ගැන දැන ගැනීමට ඔවුන්ට ද අයිතියක් තිබෙන බව සංස්ථාව ද වටහා ගත යුතුය.

මෙවැනි මුල්‍ය අපරාධ සිදුකර රටින් පළාගොස් සිටින නිලධාරීන් ආපසු රටට ගෙන්වා ගැනීමට වැඩ පිළිවෙළක් යෙදීම රජයේ වගකීමකි. ඕනෑම වංචාවක් සිදුකර තමන්ට ගැලවිය හැකි බවට ඇතැම් දේශපාලකයන් සහ නිලධාරීන් තුළ පවතින අදහස මෙවැනි සැලසුම් සහගතව සිදුකරන දූෂණ සහ වංචනික ක්‍රියාවලට මූලික හේතුවක් වී තිබේ. රජයෙන් එවැනි වංචනිකයන්ට දැල එළීමක් සිදු නොවන විට රටේ ජනතාවට හැඟී යන්නේ ‘‘වැටත් නියරත් දෙකම ගොයම් කන’’ බවකි. එසේ වීම රජයේ ප්‍රතිරූපයටද සිදුකරන්නේ ප්‍රබල හානියකි.

ජාත්‍යන්තර මුල්‍ය අරමුදල ශ්‍රී ලංකාව සමග ගිවිසුම්ගතවීමේ දී සඳහන් කර තිබූ එක් වගන්තියක් වූයේ ශ්‍රී ලංකාව යනු දූෂණය ඉහවහා යන රටක් හැටියට ජාත්‍යන්තරය තුළ නම්  ලබා සිටින බවය. මෙවැනි අපරාධ සිදුවීම එම වගන්තිය තවදුරටත් සනාථ කිරීමකි.

(***)



අදහස් (0)

තෙල් සංස්ථා වංචාව වසර 8 ක්ම යටගැහීම

ඔබේ අදහස් එවන්න

විශේෂාංග

තරගයේ වීරයා කවුද?
2024 ජුලි මස 17 1180 3

ශ්‍රී ලංකාවේ ව්‍යවස්ථාව අනුව, 2024 වසරේ සැප්තැම්බර් 17 සහ ඔක්තෝබර් 16 අතර කාලය තුළ ශ්‍රී ලංකාවේ ජනාධිපතිවරණය පැවැත්වීමට නියමිතය. අවුරුදු පහක ධුර කාලයට ඡන්ද


ජනතා ප්‍රාර්ථනා අවබෝධයේ යහ දැක්ම
2024 ජුලි මස 17 782 0

රට ඉතා අසීරු තත්වයකට පත්ව සිටියදී හා මහජනතාව විවිධාකාරයේ දුෂ්කරතාවන්ට මුහුණදී සිටින අවස්ථාවක වැඩවර්ජන පැවැත්වීමෙන් රට තුළ ඇතිවන භයානක ප්‍රතිඵල පිළ


විපක්ෂයේ ආණ්‍ඩුවේ මන්ත්‍රීන් දෙදෙනාගේ යෝජනාව අගය කරමු
2024 ජුලි මස 17 362 0

පාර්ලි​මේන්තුවේ ආණ්ඩු පක්ෂ, විපක්ෂ මන්ත්‍රීවරුන් එකම යෝජනාවකට එකඟත්වය පළ කරන්නේ කලාතුරකිනි. එසේ කලාතුරකින් සිදුවන එකඟත්වයක් පසුගියදා පාර්ලිමේන්තු


ඡන්ද කාලේ දේශපාලන යටිසූත්තර
2024 ජුලි මස 16 280 2

බරපතළ ආර්ථික අර්බුදයකින් පසු ශ්‍රී ලංකාව තාවකාලික ස්ථාවර තත්වයක් ළඟාකරගෙන සිටී. සැලැස්මකට අනුව ගමන් කළහොත් අනාගතය පැහැදිලිය. පොදු ජනතාව බලවත් දුෂ්කර


​තිරසර ණය යට කුමන්ත්‍රණ
2024 ජුලි මස 15 297 0

මීට දෙසතියකට පමණ ඉහතින් ඉකුත් 26 වැනිදා ශ්‍රී ලංකාණ්ඩුව ද්විපාර්ශ්වීය ණය දෙන්නන් සමග විදේශ ණය ප්‍රතිව්‍යුහගත කිරීමේ ගිවිසුම් අත්සන් කළ බැව් ප්‍රකාශය


පුරන් කුඹුරු අස්වද්දන ගොවීන් අමාරුවේ දාන්න එපා
2024 ජුලි මස 15 619 1

වසර 15කට වැඩි කාලයක් පුරන්ව තිබූ මීගොඩ වෙල්යායේ අක්කර 20ක පමණ කුඹුරු යායක් යළි අස්වැද්දීමට ගත් උත්සාහයක් වැළකී ගොස් ඇතැයි එම ප්‍රදේශයේ ගොවීන් ප්‍රකාශ කර


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 127 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 993 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1876 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site