IMG-LOGO

2024 අප්‍රේල් මස 20 වන සෙනසුරාදා


අපි ජනපති මහින්ද පරාජය කරනවාමයි - අතුරලියේ රතන හිමි


kalina-01

DSC_2817

 

විධායක ජනපති ක‍්‍රමය අහෝසි කළ යුතුය යන්න මේ මොහොතේ විපක්‍ෂයේ විවිධ දේශපාලන පක්‍ෂ ගෙනයන විශාල අරගලයක්ය. ඒ වෙනුවෙන් පිවිතුරු හෙටක් උදෙසා වූ ජාතික ව්‍යාපාරයේ කැඳවුම්කරු අතුරලියේ රතන හිමියන් හා හෙළ උරුමයේ නායක පූජ්‍ය  ඕමල්පේ සෝභිත හිමියන්ගේ මුලිකත්වයෙන් විවිධ විපක්‍ෂ දේශපාලන කණ්ඩායම්වල නායකයින් ඇතුළු ජ්‍යෙෂ්ඨ සාමාජිකයන් එකම වේදිකාවකට කැඳවා විශාල ජනකායක් මධ්‍යයෙහි ජනහමුවක් පැවැත්වූයේ පසුගිය 12 වැනිදාය. ඒ කොළඹ නවම් මාවතට යාබද මුත්තයියා පිටියේදීය.

මේ වෙනුවෙන් සාධාරණ සමාජයක් සඳහා වූ ජාතික ව්‍යාපාරයේ කැඳවුම්කරු පූජ්‍ය මාදුළුවාවේ සෝභිත හිමි, විපක්‍ෂ නායක රනිල් වික‍්‍රමසිංහ, එජාපයේ නියෝජ්‍ය නායක සජිත් පේ‍්‍රමදාස, ප‍්‍රජාතන්ත‍්‍රවාදී පක්‍ෂයේ මන්ත‍්‍රී අර්ජුන රණතුංග, ජවිපෙ දේශපාලන මණ්ඩල සභික කේ.ඞී. ලාල්කාන්ත, හිටපු අගවිනිසුරු සරත් එන්. සිල්වා, කරු ජයසූරිය, රවි කරුනානායක, මංගල සමරවීර සහ ඒකාබද්ධ වෘත්තීය සමිති මධ්‍යස්ථානයේ කැඳවුම්කරු සමන් රත්නපි‍්‍රය යන මහත්වරු ඇතුළු දේශපාලනයට සම්බන්ධ අය රැුසක් එදින සවස 4.00 පමණ වන විට එම වේදිකාවට එක්රොක් වූහ. වැඩි ඉඩකඩක් නොතිබුණද මුත්තයියා පිටියේ ඉදිවූ දැවැන්ත වේදිකාව වටාත්, නවම් මාවත ඇතුළු යාබද මාර්ග දෙපස එක් රොක්වූ ජනතාවගෙන් එම කලාපය පිරිණි.
සවස 4.00 පමණ වන විට පූජ්‍ය අතුරලියේ රතන හිමි හා පූජ්‍ය  ඕමල්පේ සෝභිත හිමියන් මුලින්ම වේදිකාවට ගොඩවූයේ පැමිණ සිටි ජනතාවගේ ජය ඝෝෂා මධ්‍යයේය.


ඉන් අනතුරුව සෙසු ආරාධිතයන් වරින් වර වේදිකාවට ගොඩවූ අතර ඉන් සමහරකුට ජනතාව ප‍්‍රීතිඝෝෂා නැගූහ. අර්ජුන රණතුංග මහතාටද ජනතාව එවන් වූ ප‍්‍රතිචාරයක්ම ලබා දුන්හ.සජිත් පේ‍්‍රමදාස මහතා පැමිණි වාහනය වේදිකාව පිටුපස නවතා ඔහු ඉන් බැස ගත්තද වේදිකාවට ගොඩනොවී ඒ අසලම රැුඳී සිටියේ කිසිවකුගේ පැමිබිම බලාපොරොත්තුවෙනි. මොහොතකින් විපක්‍ෂනායක රනිල් වික‍්‍රමසිංහ මහතාගේ වාහනය ඒ අසල නවත්වද්දී ඉන් විපක්‍ෂනායකවරයා සමග අනෙක් පස දොරටුවෙන් බැස ගත්තේ මංගල සමරවීර මන්ත‍්‍රීවරයාය. ඔහු එජාපය අතැර සන්ධානයට එක්වන බවට පැවැති කටකතාවලට එය පැහැදිලි පිළිතුරක් සැපයීමක් ලෙස ඇතැමෙක් දිටීයහ. 


සජිත් පේ‍්‍රමදාස මහතා ඔවුන් දෙදෙනා පෙරටුකොට ගනිමින් තිදෙනාම වේදිකාවට ගොඩවද්දී ජනතාව ඔල්වරසන් නැගූහ. කරු ජයසූරිය, රවි කරුණානායක, අර්ජුන රණතුංග, සරත් එන්. සිල්වා යන මහත්වරු අසුන්ගෙන සිටි අසුන්වලට යාබද අසුනකින් විපක්‍ෂනායකවරයා අසුන් ගනිද්දී සජිත් පේ‍්‍රමදාස මහතාද ඒ අසලින්ම අසුන් ගත්තේය. සභාව ඇරැුඹිණි. ඉන්පසු එළැඹියේ කථිකයන්ගේ අවස්ථාවය.

 

DSC_2762

DSC_2802

 


හිටපු අග විනිසුරු සරත් එන්. සිල්වා මහතා විධායක ජනාධිපති ක‍්‍රමය අහෝසි කළ යුත්තේ මන්ද යන්න පිළිබඳව කරුණු පැහැදිලි කෙළේය.

sarath-n-de-silva”විධායක ජනපති ක‍්‍රමය වර්තමානයේ වැරැදි අතට ගමන් කරමින් තිබෙනවා. ඒ උවදුරින් රට බේරාගැනීමට එජාපය එක්සත්ව නැගී සිටීම ගැන සතුටුයි.

ජේ.ආර්. ජයවර්ධන මහතා මේ විධායක ධුරයෙන් බලාපොරොත්තු වූයේ රටේ ශීඝ‍්‍ර සංවර්ධනයක්. එදා ජනපති මැදුරට මම අභියාචනාධිකරණයේ විනිසුරුවරයෙක් ලෙස දිවුරුම් දෙන්න යද්දී එහි සිටියේ කිහිප දෙනයි. නමුත් අද විධායක ජනපති ක‍්‍රමයේ බලතල දරන අයගේ ආරක්‍ෂකයෝම එහි 6000ක් පමණ ඉන්නවා.


අද හැමෝම පොදු අපේක්‍ෂකයකු ගැන කතා කරනවා.  ඕනෑ තරම් පොදු අපේක්‍ෂකයෝ මේ වේදිකාවෙ ඉන්නවා. මේ  ඕනෑ කෙනකුට මහින්ද රාජපක්‍ෂ මහතාව ගෙදර යවන්න පුළුවන්. මේ විධායකය ඉතා බලසම්පන්නයි. ඒකයි එය දෙවතාවකට සීමා කළේ. ජේ.ආර්. ජයවර්ධන මහතා වගේම චන්ද්‍රිකා ජනපතිනියත් ඊට ගරුකර මහත්මා ගතියෙන් ගෙදර ගියා. මහින්ද රාජපක්‍ෂ මහතා ජනපති ධුරයට තුන්වරක් තරඟ කළ හැකිදැයි යන්න අගවිනිසුරුවරයාගෙන් විමසීම හොරාගේ අම්මාගෙන් පේන අහනවා වගෙයි.

 


අනතුරුව මයික‍්‍රපෝනයට පැමිණි ජවිපෙ දේශපාලන මණ්ඩල සභික කේ.ඞී. ලාල්කාන්ත මන්ත‍්‍රීවරයාගේ හඬද ඉතා දැඩි ස්වරයක් ගත්තේය.

lal-kantha”වත්මන් ජනපතිවරයා එම තනතුරින් පන්නා දමන මෙහෙයුමට අද අපි සැවොම එක්වී සිටිනවා. සන්ධාන රජයේ ප‍්‍රධාන හවුල්කාර පක්‍ෂය වන ජාතික හෙළ උරුමය එහි ප‍්‍රධාන භූමිකාවක් මේ මොහොතේ ඉටුකරනවා. හෙට අනින්දා වන විට ඔවුන් ආණ්ඩුවෙන් මුළුමනින්ම ඉවත්වීම අනිවාර්යයි. ශ්‍රේෂ්ඨාධිකරණයේ මතය අප පිළිගන්නේ නැහැ. ආණ්ඩුක‍්‍රම ව්‍යවස්ථාවට අනුව මහින්දට තෙවරක් පුළුවන්ද කියා හැකිනම් කැබිනට් සංවාදයකට එන්න කියා අපි අභියෝග කරනවා. දැඩි අව් රශ්මියෙන් ගිනියම් වූ එම භූමියේ හුන් ජනතාව විවිධ සටන්පාඨ කියමින්, සටන්පාඨ රැුගත් පුවරු අත දරමින් ආවේගශීලි ස්වභාවයකින් හැසිරුණද කිසිදු කලබලකාරී සිදුවීමක් ඇති නොවන අයුරින් ඔවුන්ව පාලනය කිරීමට ආරක්‍ෂක අංශ නිලදරුවෝ සීරුවෙන් සැදී පැහැදී සිටියහ. 

 


ප‍්‍රජාතන්ත‍්‍රවාදී පක්‍ෂ මන්ත‍්‍රී අර්ජුන රණතුංග මහතා මධ්‍යස්ථව තම අදහස් ගෙනහැර පෑවේය.

”විධායක ජනපති ක‍්‍රමයේ හානිය ගැන නගරයේ ජනතාවට වගේම ගම්බද ජනතාවටත් හොඳින්ම දැනී තිබෙනවා. අද පොදු අපේක්‍ෂකයා ගැන හැමෝම කතා කරනවා. මෙතනදි වැදගත් වන්නේ පාට, පක්‍ෂ නොවෙයි. මොන පුද්ගලයා ඉදිරිපත් කළත් මෙතනදි වැදගත් වන්නේ ප‍්‍රතිපත්තියයි. අද රටට අවශ්‍ය මේ විධායක ජනපති ක‍්‍රමය ඉවත්කර අගමැති ධුරයට බලතල ලබාදීමයි. මම දේශපාලනයට ආවෙත් එම බණ්ඩාරනායක ප‍්‍රතිපත්ති සමගයි. අපි කාටත් එක් එක් න්‍යාය පත‍්‍ර තිබෙනවා. නමුත් මේ සියල්ල අමතක කර අද රට වෙනුවෙන් අප එක වේදිකාවකට එක්රොක් විය යුතුයි.


එළැඹෙන ජනපතිවරණයේදී පොදු අපේක්‍ෂකයකු ලෙස ඉදිරිපත් වෙතැයි ජනතාව යම් මතයක් පවතින චරිත ලෙස කතාබහට ලක්වන මාදුළුවාවේ සෝභිත හිමියන් වත්මන් ජනපතිවරයාගේ කි‍්‍රයා කලාපය දැඩි ලෙස හෙළා දකිමින් අදහස් ඉදිරිපත් කරද්දී ජනතාවගෙන් ලැබුණේ ප‍්‍රශංසාත්මක ප‍්‍රතිචාරයකි.
”මේ රැුස්වීම එජාපයේ, ශ්‍රීලනිපයේ හෝ ජවිපෙ රැුස්වීමක් නොවෙයි. මෙය රටට යහපාලනයක්, සාධාරණ සමාජයක්, පිවිතුරු හෙටක් ප‍්‍රාර්ථනා කරන සියලූ පක්‍ෂවල, නියෝජිතයින්ගේ රැුස්වීමක්. විධායක ජනපති ක‍්‍රමය පිහිටවූ පසු ඊට තදින්ම එදා විරුද්ධ වූ පුද්ගලයකු තමයි වත්මන් ජනපතිවරයා. ඔහු එදා කතරගම සිට කොළඹට පා ගමනින් ආවේ මෙය වහා අහෝසි කළ යුතුයි කියලයි. ඔහු එදා එහෙම ආවේ ඔහුගේ ඇෙඟ් සීනි තිබුණු නිසා නොවෙයිනෙ.
එහෙත් ඔහු එදා එපා කියූ දේ අද බදාගෙන දඟළනවා. මේ ක‍්‍රමය එපා කියලා මේ රජයේම ඩිව් ගුණසේකර, දිනේෂ් ගුණවර්ධන හා රෙජිනෝල්ඞ් කුරේ යන ඇමැතිවරුන් පවසනවා. අද පොලීසිය, පක්‍ෂ කාර්යාල බවට පත්වෙලා. පාර්ලිමේන්තුවේ සියලූ පක්‍ෂ එකඟ වූ 17 වැනි සංශෝධනය යළිත් ගේන්න. අද තිබෙන මනාප ක‍්‍රමයට හැමෝම විරුද්ධයි. ඒ නිසා මේ මැතිවරණ ක‍්‍රමය වෙනස් කරන්න සියලූ දෙනාම එක්වන්නැයි උන්වහන්සේ ඉල්ලා සිටියහ.

 


අනතුරුව මේ කටයුත්ත සංවිධානය කළ පිවිතුරු හෙටක් උදෙසා වූ ජාතික ව්‍යාපාරයේ කැඳවුම්කරු අතුරලියේ රතන ස්වාමීන් වහන්සේ අදහස් දැක්වූ අතර එය ඉතාමත් ආවේගශීලි ස්වභාවයක් ගත්තේය.

rathana-himiවිවිධ දේශපාලන පක්‍ෂ හා නියෝජිතයින් අපට එකම වේදිකාවකට ගෙන ඒමට ලැබීම අප ලැබූ ජයග‍්‍රහණයක්. දුෂණයට වංචාවට එරෙහිව මේ රැුස්වීමට ජනතාව එන්නෙ රැුකියා බලාගෙන නොවෙයි. අපි කසිප්පු බොන්න දීලා ජනතාව ගේන්නෙ නැහැ. අද හැමෝගෙම ප‍්‍රශ්නය පොදු අපේක්‍ෂකයා කවුද කියලයි. ඒ අපේක්‍ෂකයා ඉදිරිපත් කිරීමට අවශ්‍ය සමාජ බලවේගය මේ වනවිට ගොඩනැගී තිබෙනවා. ජනතාවගේ මතවාදය නොසලකා ජනපතිවරණයක් පවත්වනවා නම් ජනපතිවරයා පරාජය කිරීමට අවශ්‍ය ජනතා ශක්තිය දැන් ඒකරාශි වී තිබෙනවා. අපි මේ සියලූ දෙනා එකතු කළේ දින හතරකින්. රජය කියනවා යුද්ධය ජයග‍්‍රහණය කළේ, යුද්ධ කළේ ඔවුන් කියලා. නමුත් යුද්ධයේ ජයග‍්‍රහණය වෙනුවෙන් පදනම දැම්මේ අපියි. අද අපිත් එක්ක බොහෝ පක්‍ෂ එක්වී සිටිනවා. මේ කියාපාන්නේ වෙනසක ඇරැුඹුමයි.


අපි මහින්ද රාජපක්‍ෂ මහතා පරාජය කරනවාමයි. එය ධර්මයේ හඬයි. මිනිසුන්ගේ පපු කැවුතු තුළින් එන හඬ එයයි. ජනපතිවරණය ප‍්‍රකාශ කළ පසු රජයේ ඇමැතිවරු පහක් දහයක් නොව විස්සකට වැඩි ප‍්‍රමාණයක් අප වෙත පැමිණෙනවා. අපි එකතුවී ඉදිරියට ගමන් කරමු. මහින්ද ජනපතිතුමනි, ඔබ ජනපතිවරණයට යන්න. ඔබේ පැරදීම අනිවාර්යයි. අපි ප‍්‍රතිපත්තිමය ආණ්ඩු මාරුවක් කරනවාමයි.’’ උන්වහන්සේ තිරහඬින් පැවසූහ.


වේදිකාව ඉදිරිපස පනවා තිබූ අසුන්වල මීට සහයෝගය දක්වන මන්ත‍්‍රීවරු, මන්ත‍්‍රීවරියන් රැුසක් වූහ. රුවන් විජයවර්ධන, අඛිල විරාජ්, ජෝශප් මයිකල් පෙරේරා, තලතා අතුකෝරාල, රෝසි සේනානායක හා පාලිත තෙවරප්පෙරුම ඇතුළු බොහෝ මන්ත‍්‍රීවරු හා මන්ත‍්‍රීවරියෝ දැඩි උනන්දුවකින් මෙම කතාබහට සවන් යොමු කරමින් සිටියහ. වත්මන් ධීවර අමාත්‍ය රාජිත සේනාරත්න මහතාගේ පුතණුවන්ද මේ පිරිස අතර සිටියේය. විපක්‍ෂ නායක රනිල් වික‍්‍රමසිංහ මහතාගේ කතාබහටද බොහෝ දෙනෙක් දැඩි උනන්දුවකින් සවන් දුන්හ.


”විධායක ජනපති ක‍්‍රමය මේ රටට හඳුන්වා දුන් අවස්ථාවේදී කැබිනට් මණ්ඩලයේ සිටි අයගෙන් අද කි‍්‍රයාකාරී දේශපාලනයේ සිටින්නේ මම විතරයි. සමහරු එකඟ වුණත් නැතත් මේ විධායක ජනපති ක‍්‍රමය යටතේ රටේ විශාල සංවර්ධනයක් ඇති කිරීමට හැකිවූ බව කිව යුතුයි. මහවැලිය හා කර්මාන්ත ශාලා ආදිය රටේ ස්ථාපිත කිරීමට මෙය ඉවහල් වුණා. 77 මේ ක‍්‍රමය අපි හඳුන්වා දුන්නේ රටේ සංවර්ධනය වෙනුවෙන්. 2010 න් පසුව මේ ක‍්‍රමය යටතේ සිදුවන්නේ රටේ සංවර්ධනය නොවෙයි, ඒකාධිපති රාජපක්‍ෂ රෙජිමයේ පුද්ගලික සංවර්ධනයයි.


”අද අධිකරණය සම්පූර්ණයෙන්ම විනාශ කරලා. රාජ්‍ය සේවය හා පොලීසිය දේශපාලනීකරණය කර තිබෙනවා. රජය සිය ජඩවැඩ කරගැනීම සඳහා ගැලපෙන කොටසක් රජයේ සේවයට පත්කරගෙන තිබෙනවා. අපි 19 වැනි සංශෝධනය රජයේ පැත්තෙන් ඉදිරිපත් කර ගැනීමට ජාතික හෙළ උරුමය හා අතුරලියේ රතන හිමියන්ට පූර්ණ සහාය ලබාදිය යුතුයි. එය සාර්ථක වුවහොත් සියලූ දෙනාම ඒකරාශී වී විධායක ජනපතිට එරෙහි සටන ඉදිරියට ගෙන යමින් ඒ ක‍්‍රමය අවසන් කරන්නට පෙළ ගැහෙමු. සියල්ලන්ගේම ප‍්‍රීතිඝෝෂා මැද එම දේශපාලන කටයුත්ත අහවර වූයේ දැඩි සාමකාමී වාතාවරණයක් ඔස්සේය.

 

DSC_2627

DSC_2698

 

dushyantha-kumaara



අදහස් (0)

අපි ජනපති මහින්ද පරාජය කරනවාමයි - අතුරලියේ රතන හිමි

බන්දුල ‍ද සිල්වා Wednesday, 19 November 2014 11:49 PM

හෙළ උරුමය 2004දි යු.එන්.පියට කිවුවෙත් ඔහොමම තමයි. දැන් ආයෙත් පරණ පදේම ගහනවා. (නි)

:       0       0

නිශාන් Wednesday, 19 November 2014 02:46 AM

අපි නම් ඔය කතාවලට බයවෙන්නේ නැහැ (නි)

:       0       0

දයා -නිව්සිලන්ඩ් Thursday, 20 November 2014 03:01 AM

ග‍ඟෙන් වතුර බී මුහුදට ආවැඩීම අපි නම් අනුමත නොකරමු (නි)

:       0       0

ලාංකිකයෙක් Saturday, 22 November 2014 05:43 PM

බොරු නොකර ඔබ කරුණාකර දේශපාලනෙන් ඉවත්වෙලා බුදුදහමේ දියුණුවට වැඩකරන්න. (ස)

:       0       0

අපොන්සු Thursday, 20 November 2014 08:23 PM

දැන් නම් හොඳටම පැටලිලා වගෙයි තියෙන්නේ. කොතනින් ලිහාගන්නද කියලා තේරෙන්නෙ නැහැ (නි)

:       0       0

කුමාර් Saturday, 22 November 2014 07:06 PM

අනේ නිකම්ම හුළං ගිය පුස්සක් බවට පත්ත්වන විපක්ෂයේ දවල් හීනය ! (ස)

:       0       0

ක්‍රිස් Thursday, 20 November 2014 03:49 AM

මේ ඔක්කොම හොරු. (අ)

:       0       0

බන්දුල ‍ද සිල්වා Wednesday, 19 November 2014 04:10 PM

ආයෙත් පරණ පදයම අලුත් විදියට ගහන්න හදනවා. ජනතාවට ඕවා මතක නැතිවුණොත් තමයි ඕවට රැවටෙන්නේ. කන්න හිතුනාම කබරයා තලගොයා වෙනවලුනේ? ඒ වගේ තමයි 2014 අලුත් ප්‍රවණතාවයත්. කොහොම වුණත් මෙදා පාර සද්දෙත් වැඩියි. බලයත් වැඩියි. කාට කාටත් ඕවා හොඳ පාඩම්. (නි)

:       0       0

රුවනි Sunday, 23 November 2014 01:21 PM

ඔබ රට රැකගත්තා සේම ජාතිය රැක ගන්න.ආගම රැක ගන්න.එයට මේ කාලයයි මැතිඳුනි.ඔබට තුණූරුවන් සරණයි.....!!!!(දිල්)

:       0       0

දිල්ශාන් Thursday, 20 November 2014 04:24 AM

හොරු ඉන්නේ පාර්ලිමේන්තුවේ. ජනාධිපති ධුරය පමණක් නොවෙයි මුළු පාර්ලිමේන්තුවම රටට වග කියන තත්වයකට ගෙනෙමු. මේ සේරටම ලැබිල තියෙන බලය අවශ්‍ය ප්‍රමාණයට වඩා වැඩියි. (අ)

:       0       0

ඇසළ Monday, 24 November 2014 12:05 PM

කවුරු දිනුවත් අපිට ඇති වැඩක් නැහැ එදා වෙලා අපිමයි හොයා ගත යුත්තේ. දෙමල ඡන්ද ටික ගන්න ටි. එන්, ඒ එක්ක ගිවිසුමක් තියනවා කියල අාරංචියි. හමුදාව අයින් කරගන්න හිරේ ඉන්න කොටි නිදහස් කරන්න. උතුරට නැගෙනහිරට වෙනම පාලනයක් දෙන්න. ජනාධිපති අගමැති වෙයි කොටි අවතාර අපිට ආයිත් අරියි. එක පාරක් රනිල් ගහපු ගිවිසුම අපිට මතකයි. අපිට වවුනියාවට තියා අනුරාධපුරේට වත් යන්න බැරි වෙයි ගිවිසුම් ගැහුවොත්. අන්තිමට හමුදාවේ පිහිට තමයි. (නදී)

:       0       0

සමන් Wednesday, 19 November 2014 05:12 PM

කාලේ හරි ජනතාව මේ බලවේග සමගයි!!! (ස)

:       0       0

ලෙස්ලි ජයවර්ධන Tuesday, 18 November 2014 06:55 PM

1978 සිට විදායක ජනපති ක්‍රමයට විරුද්දව පාරට බැස සටන් කළ මහින්ද අද මේ විදියට වෙනස්වීම ගැන කනගාටුයි.(නදී)

:       0       0

කුමාරි Wednesday, 19 November 2014 06:17 PM

හාමුදුරුවනේ, දේශපාලනයෙන් ඉවත්වෙන්න. බුදු දහමට අනුව කටයුතු කරන්න. (නි)

:       0       0

කුමාරි Wednesday, 19 November 2014 06:20 PM

කවුරු කොහොම පිල් මාරුකළත් ගම්නියම් ගම් වල මිනිසුන් ජනපති සමඟයි. (නි)

:       0       0

අන්දරේ Monday, 24 November 2014 08:10 AM

මේ හැමෝම විධායක ජනාධිපති ක්‍රමය යටතේ වැඩිච්ච අය. විධායක ජනාධිපත් කෙනෙක් යටතේ ඈමතිකම් කරපු අය. ඒ තුලින් හම්බ කරගත්තු අය. මේ හැම කෙනෙක් ගේම හිත ඇතුලේ පුද්ගලික අභිලාශයක් තියෙනෙව. ඒක රට නෙවෙයි, ජාතිය නෙවෙයි, ප්‍රජාතන්ත්‍රවාදය නෙවෙයි. ඒ තමයි බලය ලබා ගැනීම ......! (අ)

:       0       0

අනුරාධ Wednesday, 19 November 2014 07:28 AM

අනිවාර්යෙන්ම අපි පාරට බහින්න සූදානම් (නි)

:       0       0

කේ. සිරි Wednesday, 19 November 2014 09:02 PM

මට නම් පෙනෙන්නේ මේ හැමෝගෙම ඊර්ෂ්‍යාව, ක්‍රෝධය සහ වෛරයයි. (නි)

:       0       0

ප්‍රියන්ත Sunday, 23 November 2014 10:43 AM

මෙවර ඒ හැකියාව තිබේ.(හේ)

:       0       0

ඔබේ අදහස් එවන්න

විශේෂාංග

ප්‍රගති මාවතේ අභියෝග
2024 අප්‍රේල් මස 19 143 0

සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්‍රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල


විදේශ සංචාරකයන්ට රට එපා කරවන අඳබාලයෝ
2024 අප්‍රේල් මස 19 281 1

ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො


ආර්ථිකය නොතකන අධ්‍යාපනය කුමකටද?
2024 අප්‍රේල් මස 18 351 1

රටේ පවත්නා ආර්ථික අර්බුදය මෙරට අධ්‍යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක


ඓතිහාසික මිහින්තලය රැකගැනීම ජාතියේ වගකීමක්
2024 අප්‍රේල් මස 18 86 0

අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම


ඇත්ත නැත්තට ගොතන කතා අතේ පත්තුවීම
2024 අප්‍රේල් මස 17 527 0

ජාතියේ මහා සංස්කෘතික මංගල්‍යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්‍රිය


මුලින් රට ගොඩ ගනිමු ඉන්පසු වරප්‍රසාද ඉල්ලමු
2024 අප්‍රේල් මස 17 290 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 220 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1536 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1431 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site