ඩර්හම් සරසවියේ රසායන විද්‍යා උපාධිධාරියෙකු වන 27 හැවිරිදි ජේම්ස් ලොන්ක්‍රොෆ්ට්  විසින් සති තුනක් තුළ ලුණු ජලයෙන් දිරාපත් වන බෝතලයක් නිපදවා තිබේ.

ඔහු විසින් සිදුකරන ලද පර්යේෂණවල ප්‍රතිඵලයක් ලෙස මෙම බෝතලය නිපදවා ඇත.

මෙම බෝතලය සම්පූර්ණයෙන්ම නිර්මාණය කර ඇත්තේ කඩදාසි හා ශාක පදනම් කරගත් අමු ද්‍රව්‍ය වලිනි.

එසේම මෙම බෝතලය සඳහා භාවිතා කර ඇති ලෝහමය වැස්ම වසරක් ඇතුළත දිරාපත් වන ලෙස නිර්මාණය කර ඇත.

මෙසේ ප්‍රතිශක්තීකරණය කරන ලද කඩදාසි විශේෂයකින් නිපදවීමට කිසිදු ෆොසිල ඉන්ධනයක් භාවිතා කර නැත.

මෙම බෝතලය මුහුදු ජීවින්‍ විසින් ආහාරයට ගන්නා අතර දිරාපත් වී පසට තැන්පත් වන බැවින් කිසිදු පාරිසරික හානියක්ද නොවේ.

පරිසර හිතකාමී මෙම නිෂ්පාදනයේ භාවිතය 2050 වන විට මෙට්‍රික් ටොන් මිලියන 500 ඉක්මවා යනු ඇතැයි බලාපොරොත්තු වේ.

ප්ලාස්ටික් භාවිතය නිසා සිදුවන හානිය ගෝලීය අර්බුදයක් වී ඇත. ප්ලාස්ටික් ටොන් මිලියන අටක් පමණ සෑම වසරකම සාගරයට මුදා හරිති. එම ප්ලාස්ටික් ප්‍රමාණය සෑම විනාඩියකටම ට්‍රක් රථයක පිරවූ ප්‍රමාණයට සමාන වේ.

සාගරයට පැමිණෙන ප්ලාස්ටික් ටොන් මිලියන 2.4 ක් පමණ කාර්මික නිෂ්පාදන බහුල චීනය විසින් සාගරයට මුදා හරිනු ලබයි. චීනය, ඉන්දුනීසියාව, පිලිපීනය, වියට්නාමය සහ ශ්‍රී ලංකාව යන ආසියාතික රටවල් වැඩි වශයෙන් ප්ලාස්ටික් මුහුදට මුදා හරී.

කාර්මීකරණයේදී ප්ලාස්ටික් භාවිතා කරන බටහිර රටවල් අතරින් 20 වන ස්ථානයේ සිටින්නේ ඇමරිකාවයි.

- 209