IMG-LOGO

2024 ජුලි මස 14 වන ඉරිදා


පොහොර ටිකෙනුත් ගසාකන මොවුන්ට දඬුවම් නැද්ද?

රජයේ පොහොර සහනාධාර වැඩපිළිවෙළින් කෝටි ගණනක් ගසාකෑ බවට චෝදනා ලැබ සිටින පොහොර සමාගම් හතකට සහ ඊට අනුබල දුන් කොළඹ පෙට්ටි කඩ පහකට එරෙහිව අධිකරණයට කරුණු වාර්තා කර ඇතැයි අපි හෙළීකර සිටියෙමු. මෙරට ගසාකෑම් හමුවේ සහනාධාර වැඩපිළිවෙළවල් පවා බේරා ගැනීමට නොහැකි තත්වයක් උද්ගතව පවතින බවට මේ සිද්ධිය කදිම උදාහරණයකි.

ගොවි ජනතාවට සහනයක් වශයෙන් රජයෙන් ලබා දුන් පොහොර මිටියෙන් ගසාකෑමට පෞද්ගලික සමාගම් මේ ආකාරයට ඉදිරිපත් වීම පිළිබඳ අපට දැනෙන්නේ මහත් කනගාටුවකි. එහෙත්, මේ සිදු වී ඇතැයි කියන වංචාවට එවැනි සමාගම්වල සබඳතාවක් තිබීම අහම්බයෙන් සිදු විය නොහැක්කක් බව ද පෙන්වා දිය යුතුය. බොහොමයක් මහා පරිමාණ ගසාකෑම් බලවත් චරිත මගින් හසුරු වන බව ද එම ගසාකන කෝටි ගණනින් කෝටි කිහිපයක් ඔවුන්ගේ සාක්කුවලට ද වැටෙන බව ද ප්‍රසිද්ධ රහසකි.

අදාළ සිද්ධියට හේතු වූ පොහොර සහනාධාර වැඩපිළිවෙළ 2018 වසරේදී ජාතික පොහොර ලේකම් කාර්යාලය මගින් ආරම්භ කෙරුණු ලැබූ ව්‍යාපෘතියකි. ඒ යටතේ මෙරට පොහොර සමාගම් 18කට රුපියල් 2,500 බැගින් ආනයනය කරන ලද පොහොර මිටි ලබා දී ඇත්තේ රුපියල් 1,100 බැගින් ගොවීන්ට අලෙවි කිරීම සඳහාය. එම එකඟතාව කඩ කළ එකී සමාගම්, සහනාධාරය කුණු බක්කියට දමා එක මිටියක් රුපියල් 3,500 බැගින් වෙනත් නිෂ්පාදන සමාගමකට විකුණා ඇතැයි සඳහන්ය. එයින් නොනැවතී තමන් ගොවීන්ට එකී පොහොර මිටි රුපියල් 1,100 බැගින් අලෙවි කළ බවට ව්‍යාජ තොරතුරු ඉදිරිපත් කර මිටියකට රුපියල් 1,400 බැගින් රජයෙන් මුදල් ලබා ගනිමින් තවත් රුපියල් කෝටි ගණනක් ලබාගැනීමට ද එම සමාගම් කටයුතු කර ඇතැයි ද උසාවියට ඉදිරිපත් කළ තොරතුරු මගින් හෙළි වී තිබේ.

මේ ආකාරයට දෙකොණින්ම කෝටි ගණන් මුදල් ගරා ගැනීමට ඉඩකඩ සලසමින් සිදු කළ බව කියන මහා වංචාවක් හෙළි කිරීම අමාත්‍යාංශයේත්, ජාතික පොහොර ලේකම් කාර්යාලයේත් ඉහළ නිලධාරීන්ගේ සහ එම අමාත්‍යාංශය භාරව කටයුතු කළ අමාත්‍යවරුන්ගේත් අනුදැනුමකින් තොරව සිදු විය හැකි ද? මේ තරමට ව්‍යාජ ලෙස සකස් කර ඉදිරිපත් කළ ඉන්වොයිසිවල සත්‍ය බව තහවුරු කරගැනීමට එකී අමාත්‍යාංශයේත්, පොහොර ලේකම් කාර්යාලයේත් නිලධාරීන් අසමත් වීම පිළිබඳව විශේෂයෙන් සොයා බැලිය යුතු නොවේ ද? එම පොහොර ව්‍යාපෘතිය සම්බන්ධව විගණන වාර්තා මගින් ප්‍රශ්න කර ඇති බවක් ද වාර්තා නොවේ. එසේ නම්, මේ මහා පරිමාණ වංචාව සැලසුම්සහගත ලෙස දියත් කර, එයින් ගෙඩි පිටින්ම ලාබ බෙදා ගැනීමට බලධාරීන් පිරිසක් කටයුතු කර ඇති බවට සාධාරණ සැකයක් පහළ වෙයි. එසේ නැති නම්, පෙට්ටි කඩවලින් ලබාගත් ඉන්වොයිසිවලට කෝටි ගණන් මුදල් ගෙවීමක් සිදු විය නොහැක.

කෘෂිකර්ම අමාත්‍යාංශයේ ලේකම්වරුන් වශයෙන් කටයුතු කළ සුමේධ පෙරේරා සහ රුවන් චන්ද්‍ර යන මහත්වරුන් රහස් පොලිසියේ මූල්‍ය අපරාධ විමර්ශන අංශයට කළ පැමිණිල්ලක් අනුව මෙම විමර්ශන ආරම්භ කර ඇත. අප මේ නිලධාරීන් දෙදෙනාගේ නම් දෙක විශේෂයෙන් සඳහන් කරන්නේ, ඔවුන් මේ වංචාව සම්බන්ධව කරුණු සොයාගෙන, ඒ පිළිබඳව නොබියව ගත් පියවර අගය කිරීමක් වශයෙනි. කෙසේ වුව ද, අදාළ වංචාව සිදු වූ කාලසීමාවේ කෘෂිකර්ම අංශය භාරව සිටි නිලධාරීන්ට සහ මැති ඇමැතිවරුන්ට ද මෙහි වගකීමක් තිබෙන බව ද පැවැසිය යුතුය. ඔවුන් සියලු දෙනා මගහැර එම වංචාව පිළිබඳ සොයා බැලීම පලක් නොවේ. එයින් සිදු වන්නේ සිද්ධිය යට ගැසීමට අනුබලයක් ලැබීම පමණි. මේ වංචාවට සම්බන්ධ සියලු දෙනාට තරාතිරම නොබලා දඬුවම් ලබා දීමට ආණ්ඩුව වහාම පියවර ගත යුතුය. මෙවැනි වංචා බාධාවකින් තොරවම සිදු විය හැක්කේ චෞර රාජ්‍යයක් තුළ පමණි. ශ්‍රී ලංකාව එසේ විය යුතු නැත.

(***)



අදහස් (0)

පොහොර ටිකෙනුත් ගසාකන මොවුන්ට දඬුවම් නැද්ද?

ඔබේ අදහස් එවන්න

කතුවැකිය

පැනියාවලින් රටට දුන් අගනා ආදර්ශය
2024 ජුලි මස 13 239 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 164 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 88 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1158 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 181 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 362 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 7 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1786 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site