IMG-LOGO

2024 ජුලි මස 14 වන ඉරිදා


ප්‍රංශයේ හපන්කම් පෑ ශ්‍රී ලාංකිකයා පසසමු

අපට බොහෝ විට අසන්නට දකින්නට ලැබෙනුයේ දුක්මුසු ප්‍රවෘත්ති වේ. මනුෂ්‍යත්වයේ අසරණකම විදහාපාන, මනුෂ්‍යත්වයට නිගාදෙන රට පිළිබඳව කම්පනයක්, වේදනාවක් ජනිත කරවීමට සමත් එබඳු ප්‍රවෘත්ති එකක් පසුපස එකක් වශයෙන් වාර්තා වන පසුබිමක අසීමාන්තික ලෙස තෘප්තියට පත්විය හැකි පන්නයේ ප්‍රවෘත්තිය ද කලාතුරකින් අසන්නට දකින්ට ලැබේ. එබඳු ප්‍රීතිමත් ප්‍රවෘත්තියක් අප පුවත්පත ඉකුත්දා වාර්තා කළේය.

එකී ප්‍රීතිමත් ප්‍රවෘත්තිය ප්‍රංශ පුවත් සේවා උපුටා දක්වමින් වාර්තා කර තිබුණේ  “ප්‍රංශයේ හොඳම පාන් බේකරිකරු සම්මානය ශ්‍රී ලාංකිකයකුට” යන  සිරස්තලයෙනි. ගේ දොර ඉඩකඩම් උගසට තබා වැලි කතරේ ගෘහ සේවයට යන අපේම සහෝදරියන් මුදලට විකුණමින් ලොව ඉපැරණිම වෘත්තියට ලජ්ජා  විරහිත ලෙස පණපොවන අමන තැරැව්කාර ශ්‍රී ලාංකිකයන් සම්බන්ධ ප්‍රවෘත්ති අඩු නැතිව වාර්තා වන මොහොතක ප්‍රංශයේ හොඳම පාන් බේකරිකරු සම්මානය ශ්‍රී ලාංකිකයකුට හිමි වීමේ ප්‍රවෘත්තිය ඕනෑම ශ්‍රී ලාංකිකයකුගේ පෙනහලුවලට අලුත් හුස්මක්  රැගෙන ඒමට සමත්ය.

සංක්‍රමණිකයකු ලෙස ප්‍රංශයට ගොස් සිටින 37 හැවිරිදි තර්සන්  සෙල්වරාජා නමැති මෙම ශ්‍රී ලාංකිකයා හොඳම  බැගෙත් බේකරි නිෂ්පාදනකරුවා ලෙස සම්මානයට පාත්‍ර වී ඇත. බැගෙත් යනු ප්‍රංශයේ ජනප්‍රිය මෙන්ම සාම්ප්‍රදායික පාන් වර්ගයකි. තුනී පිටි ගුලියකින් එය නිපදවනු ලබයි. බැගෙත් පාන් දිගැටි හැඩයකින් යුක්තය.

ප්‍රංශයේ 30 වැනි වරටත් සංවිධානය කරනු ලැබූ  ගොන් ප්‍රි දෙ ල බැගෙත් දෙ ත්‍රොදිෂනල් ෆ්‍රොන්සේ දෙ ලා විල්ද පරි තරගයෙන් තර්සාන් සෙල්වරාජා එම සම්මානය හිමිකර ගත් බව  ප්‍රංශ පුවත් සේවය මුළු ලෝකයටම අනාවරණය කළේය. පහළොස් දෙනකුගෙන් යුත් ජූරි සභාවක් ඉදිරියේ මෙම තරගය පවත්වා තිබේ. මෙම ජයග්‍රහණයත් සමග සෙල්වරාජා යුරෝ 4000ක මුදලක් සමග පුරා වසරක් ප්‍රංශ ජනාධිපතිවරයාට  බැගෙත් පාන් සැපයීමේ කොන්ත්‍රාත්තුව හිමිවනු ඇති බවද ප්‍රංශ පුවත් සේවය  වාර්තා කර සිටී.

‘නෑ සහ බෑ’ කීම ජාතික සිරිතක්ව ප්‍රගුණ කරන්නක් තරමට අපගේ ජන ජීවිතය හා තදින් ගැට ගැසී තිබේ. අනුන් මත යැපෙන මානසිකත්වය හෙවත් පරපුටු මානසිකත්වය අපගේ සියලු හැකියා සම්පත්ති සැහැසි ලෙස උදුරාගෙන තිබේ.

තර්සාන් සෙල්වරාජාගේ ජයග්‍රහණය අපට මහමෙරක් තරම් බරින් හා උසින් දැනිය යුත්තේ එහෙයිනි. නොරටකට ගොස් එම පරිසරයට හුරු වී කුමක් හෝ රැකියාවක් කර කීයක් හෝ උපයාගෙන පැත්තකට වී සිටීමට සෙල්වරාජ්ට ද ඕනෑ තරම්  හැකියාව තිබිණි. එහෙත් තමන් උපන් රටෙන් ලද  ආභාසයෙන් නන්නාඳුනන දුරු රටක වුවද හපන්කම්   පෑමේ උත්සාහවන්ත මනසක් ඔහුට තිබිණි. සෙල්වරාජා සම්බන්ධයෙන් අපට ආඩම්බර විය හැක්කේද එහෙයිනි.

අපගේ සාම්ප්‍රදායික කර්මාන්තයක්  බවට බේකරි කර්මාන්තය පත්ව තිබේ. දුරාතීතයේ සෑම ගමකම එක බේකරියක්  හෝ අවම වශයෙන් තිබිණි.  එම බේකරි කර්මාන්තය අපගේ සාම්ප්‍රදායික  ආහාර රටාව සමග මුසුවී තිබේ. අපට කුමක් නැත ද අපගේ ආහාර සංස්කෘතියෙන් ලොව දිනිය හැකි බව ඒකාන්ත සත්‍යයකි. සෙල්වරාජ්ට ප්‍රංශයේ  ආහාර අධිරාජ්‍යයට කඩා වැදී හපන්කම් පෑමට හැකියාවක් ලැබුණේද එහෙයිනි.

රටක් වශයෙන් අප බොහෝ දේ අතහැර  පැමිණ තිබේ. සෙස්සන් ඉදිරිපිට ඉමහත් අභිමානයෙන් නැගී සිටීමට හැකි බොහෝ වාසනා ගුණ මහිමයන් අප සතු  වුවද ‘අලියාගේ තරම අලියා නොදන්නා’ යැයි කීවා සේ අපගේ හැකියාවන් අපි නොදැන සිටිමු. එහෙයින් ඒවා වැඩකට නොගෙන ඔහේ දිරාපත්වීමට ඉඩ හැර දී බලා සිටිමු.

ලොව ඕනෑම රටක් සමග තරග කර ජයග්‍රහණය ලැබිය හැකි බව වරින්වර අප පෙන්වා ඇත. ක්‍රීඩා ක්ෂේත්‍රය ඉන් ප්‍රධාන ය. සිනමා කර්මාන්තය ද අද එතැනට පැමිණ තිබේ. දැන උගත්කම මගින්ද අපි බොහෝ සාඩම්බර තැනක පසුවෙන්නෙමු. එහෙත් බොහෝ තැන්වලින්  අප පෙන්නුම් කරමින් සිටින්නේ පසුගාමී ලක්ෂණ මිස ජයග්‍රාහී ලක්ෂණ නොවේ. ඉරණම අපගේ උරුමය ලෙස බාර ගැනීමට සිදුව තිබෙන්නේ එහෙයිනි.

අප රට එබඳු රටක් නොවන බව සෙල්වරාජා ඔප්පු කර තිබේ.  නොරටක සිටියද දිනූ බිමට ජයග්‍රහණ ගෙන ඒමට ඔහු  නොමැලිව ඉදිරිපත් වී සිටී. එය අගනා පාඩමක් ලෙස සෑම ශ්‍රී ලාංකිකයකුම ග්‍රහණය කරගත යුතුය.

(***)



අදහස් (2)

ප්‍රංශයේ හපන්කම් පෑ ශ්‍රී ලාංකිකයා පසසමු

Ajith Saturday, 20 May 2023 11:06 PM

කොටියි කියලා මෙහෙං පන්නලා, දැන් සම්මාන ගන්න කොට ශ්‍රී ලාංකික...

:       1       13

සාගර Tuesday, 23 May 2023 12:58 PM

අමු කැවිලාද? ඒ ශ්‍රී ලංකා කොල්ලෙක්. කොටියෙක් කියන්නේ කව්ද?

:       0       3

ඔබේ අදහස් එවන්න

කතුවැකිය

පැනියාවලින් රටට දුන් අගනා ආදර්ශය
2024 ජුලි මස 13 258 0

අගය කළ යුතු දෙය අගය කළ යුතුමය. මේ ඒ වෙනුවෙන් ලියැවෙන්නකි. වළල්ලාවිට ප්‍රාදේශීය ලේකම් කොට්ඨාසයේ අති දුෂ්කර ප්‍රදේශයක් වන පාරේගම, පැනියාවල ජනපදයේ ජනයා ර


දුම්රිය වැඩ වර්ජනය ජාතික ඇසකින් බලමු
2024 ජුලි මස 12 167 0

දුම්රිය ස්ථානාධිපති සංගමය මගින් දියත් කෙරුණු එක් දින වැඩ වර්ජනය අඛණ්ඩ වැඩ වර්ජනයක් දක්වා දිග් ගැස්සීමත් සමඟ දුම්රිය මගීහු බලවත් පීඩනයකට පත්ව සිටිති.


රාජ්‍ය ඉදිකිරීම්වලට ප්‍රතිපත්තියක් ඕනෑ
2024 ජුලි මස 11 89 0

සංවර්ධනය යනු ඉවක් බවක් නොමැතිව නිසි සැලැස්මකින් තොරව ඉදිකරන ගොඩනැගිලි වලට නොවේ. ඒ බව අවබෝධ කර ගැනීමට බොහොමයක් දේශපාලනඥයෝ සහ ඇතැම් රාජ්‍ය නිලධාරීහු අස


අතුරුගිරිය සිද්ධියෙන් ආරක්ෂක ජාලයට පාඩමක්
2024 ජුලි මස 10 1161 0

රටම භීතියට පත් කළ ‘‘චිකාගෝ පන්නයේ’ වෙඩි තැබීමක් පෙරේදා දහවල් අතුරුගිරියෙන් වාර්තා විය. නාඳුනන වෙඩික්කරුවන් දෙදෙනකුගේ වෙඩි ප්‍රහාරයෙන් කෝටිපති ව්‍ය


වත්කම් බැරකම් නීති තදින්ම ක්‍රියාත්මක කරවමු
2024 ජුලි මස 09 181 0

වත්කම් බැරකම් ප්‍රකාශ ඉදිරිපත් නොකරන මන්ත්‍රීවරුන්ට ඒ පිළිබඳව පවත්වන විමර්ශනවලින් පසුව වසරක සිර දඬුවමක් හෝ මාස දොළහක දළ වැටුපට සමාන දඩයක් හෝ එම දඬුව


තැපෑලේ අතිකාල මගඩි නතර කිරීමට ක්‍රමයක් නැද්ද?
2024 ජුලි මස 08 362 1

අතිකාල දීමනා සම්බන්ධයෙන් ලංකාවේ ඇතැම් රාජ්‍ය දෙපාර්තමේන්තු සහ ආයතනවලට ඇත්තේ වාර්තාගත ඉතිහාසයකි. වර්තමානයේදී එහි වැඩි වෙනසක් නැත. එහෙත්, කනගාටුවට කරු


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 8 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 906 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1788 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site