IMG-LOGO

2024 අප්‍රේල් මස 12 වන සිකුරාදා


අධිකරණය තර්ජනවලින් රැකගැනීම ජාතියේ යුතුකමකි

පාතාලයට සම්බන්ධකම් පවත්වන සංවිධානාත්මක අපරාධකරුවන් සම්බන්ධයෙන් දුන් නියෝග හේතුවෙන් කොටුව මහේස්ත්‍රාත් තිළිණ ගමගේ මහතා ඝාතනය කිරීමට උත්සාහ කිරීමක් පිළිබඳ ලැබුණු තොරතුර මෙරට පාතාලය සම්බන්ධ සිද්ධීන් නව මානයකට යොමුකර තිබේ. මේ තොරතුර නිසා තිළිණ ගමගේ මහතාගේ ආරක්ෂාව තර කරන ලෙස මහජන ආරක්ෂක අමාත්‍ය ටිරාන් අලස් මහතා විසින් ලබාදෙන ලද උපදෙස් මත පොලිස්පති දේශබන්දු තෙන්නකෝන් මහතා මේ වන විට ඊට අවශ්‍ය පියවර ගෙන ඇතැයි ද වාර්තා වේ. විනිසුරුගේ ආරක්ෂාවට සියලු පියවර නොපමාව ගත යුතු බව අපි ද සඳහන් කරමු.

මෙම සිද්ධිය සම්බන්ධයෙන් සියලු විමර්ශන සිදුකර සිද්ධියට අදාළ සියලු සැකකරුවන් අත්අඩංගුවට ගැනීමට වහාම ක්‍රියාත්මක වීම අවශ්‍ය ය. මේ සිද්ධිය හුදෙක් මහේස්ත්‍රාත්වරයකුට එරෙහිව එල්ලවූ ඝාතන තර්ජනයක් වශයෙන් නොසලකා එය සමස්ත අධිකරණ ක්‍රියාදාමයට එල්ලවූ තර්ජනයක් වශයෙන් සැලකිය යුතුය. එම තර්ජනයට හේතු සාධක වශයෙන් සඳහන් වන්නේ පෞද්ගලික ක්‍රියාවක ප්‍රතිඵලයක් වශයෙන් නොව අධිකරණය විසින් ලබා දෙන ලද නියෝග හේතුවෙන් වීම වඩාත්ම බරපතළ කාරණය යි.

මීට පෙර අවස්ථාවකදී අපරාධකරුවකුට  එරෙහිව දුන් අධිකරණ තීන්දුවක් හේතුවෙන් කොළඹ හිටපු මහාධිකරණ විනිසුරු සරත් අඹේපිටිය මහතා ඝාතනය කරනු ලැබූ බවද මෙහිදී සිහිපත් කරනු වටී.

එම ඝාතනයට එරෙහිව ඉතා ඉක්මනින් පොලිසිය ක්‍රියාත්මක වූ අතර කෙටි කලකින්ම එකී ඝාතන කුමන්ත්‍රණයේ සියලු විස්තර අනාවරණය කරගැනීමට පොලිසිය සමත්විය. ඒ සමග සැකකරුවන්ද අත්අඩංගුවට ගනු ලැබූ අතර ඝාතනයට පෙර එම සැකකරුවන් ආහාර ගත්  හෝටල්වල තොරතුරු පවා සොයාගෙන ඇත. එම සැකකරුවන් නොපමාව අධිකරණයට ඉදිරිපත් කරනු ලැබ නඩු විභාගය ද වැඩිකල් නොගොස් අවසන් වූයේ සැකකරුවන් පෝරකයට නියම කිරීමෙනි.

මෙරට අධිකරණ ඉතිහාසය තුළ ලබාදුන් අධිකරණ නියෝග හේතුවෙන් විනිසුරුවරයකු ඝාතනය කිරීමක් පිළිබඳ සඳහන් වන්නේ එකී ඝාතනය පමණි. මේ නිසා අධිකරණ නියෝග හේතුවෙන් විනිසුරුවරයකුට මරණ තර්ජන එල්ල වීම බරපතළ කරුණක් වශයෙන් සලකා ඒ සම්බන්ධ සියලු තොරතුරු හැකි ඉක්මනින් අනාවරණය කරගැනීමට පොලිසියට හැකිවිය යුතුය.

විනිසුරුවරයාට ආරක්ෂාව සැලසීම වැදගත් වන්නාසේම මෙම ඝාතන කුමන්ත්‍රණයේ සැබෑ වැරැදිකරු හැකි ඉක්මනින් අත්අඩංගුවට ගැනීම ද එකසේ වැදගත් වෙයි.

මේ සිද්ධිය පිළිබඳව මහජන ආරක්ෂක අමාත්‍ය ටිරාන් අලස් මහතා දැනුම්වත් වී ඇත්තේ ඔත්තුකරුවකු විසින් යොමුකරන ලද ලිපියක් හේතුවෙනි.  මහේස්ත්‍රාත් තිළිණ ගමගේ මහතා ඝාතනය කිරීමට එක්තරා පුද්ගලයකු තවත් අයකුගෙන් දුරකථන මාර්ගයෙන් ගිනි අවිය ඉල්ලා ඇති බවට එම ඔත්තුකරු ලබා දී ඇති තොරතුරු සම්බන්ධයෙන් රහස් පොලිසිය ඔහුගෙන් තොරතුරු විමසා ඇතැයි ද ඒ අවස්ථාවේදී ගිනි අවිය ඉල්ලූ පුද්ගලයා සම්බන්ධව සියලු තොරතුරු හෙළිවී ඇතැයිද එමගින් සියලු සැකකරුවන් අනාවරණය කරගැනීමට හැකිවනු ඇතැයි ද බලාපොරොත්තු වෙමු.

පාතාලයන්ගේ මරණීය තර්ජන සමාජයේ විවිධ පැතිකඩ ඔස්සේ විහිදී තිබිණි. තමන්ගේ විරුද්ධ කල්ලිවල සාමාජිකයෝ ද ව්‍යාපාරිකයෝ ද පොලිස් නිලධාරීහු ද දේශපාලනඥයෝ ද මේ පාතාලයන්ගේ මරණ තර්ජනවල ගොදුරු බවට පත්ව සිටියහ. ඒ ඇතැම් අය තර්ජනවලින් නොනැවතී පාතාලයේ උණ්‍ඩවලින් ජීවිත අහිමි කර ගත්හ. සමහරු මිලියන ගණන් වන්දි ගෙවා පණ බයේ හෝ ජීවත් වීමට අවස්ථාව ලබාගත්හ.

සෙසු පුද්ගලයන්ට එල්ල වන පාතාල මරණ වරෙන්තු අධිකරණයට එල්ල වීමට ඉඩ තැබිය යුතු නැත.

එම ඉඩ කඩ අහුරා දැමීමට කොළඹ මහේස්ත්‍රාත් තිළිණ ගමගේ මහතාට එල්ලවූ මරණ තර්ජනයට එරෙහි විමර්ශන මගින් පොටක් පාදා ගැනීමට හැකිවනු ඇතැයි අපි තරයේ විශ්වාස කරමු.

(***)



අදහස් (1)

අධිකරණය තර්ජනවලින් රැකගැනීම ජාතියේ යුතුකමකි

Perera Monday, 01 April 2024 07:38 AM

එක එක්කෙනාගෙන් තුවක්කු ඉල්ල ඉල්ලා පණිවිඩ යවනවද ඔහොම?

:       0       3

ඔබේ අදහස් එවන්න

කතුවැකිය

අලුත් අවුරුද්දේ සැබෑ අරුත හඳුනාගෙන කටයුතු කරමු
2024 අප්‍රේල් මස 11 52 0

සිංහල–දෙමළ අලුත් අවුරුදු මහා සංස්කෘතික මංගල්‍යයට දින දෙකකි. සාමය, සමගිය, සතුට හා සෞභාග්‍යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත


පාතාලයට අවි සපයන්නන් අල්ලා දඬුවම් දිය නොහැකිද?
2024 අප්‍රේල් මස 10 170 0

පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස


පාසලක දුවා දරු ඉරණම දරුවන්ටම බාරදිය යුතුද?
2024 අප්‍රේල් මස 10 103 0

විෂය කටයුතුවලට අදක්ෂ දරුවන් හැඳින්වීම සඳහා පොදුවේ සමාජය තුළ ව්‍යවහාර වන විශේෂණ පදයක් වන්නේ ‘‘මැටි ගුලියක්’’ යන්නය. එහෙත් එය නිවැරැදි නොවේ. දක්ෂ, අදක්


ජ්‍යෙෂ්ඨ පුරවැසියන් අසරණ කරන්න එපා
2024 අප්‍රේල් මස 08 812 6

ජ්‍යෙෂ්ඨ පුරවැසින්ගේ ප්‍රධානම ආදායම් මාර්ගයක් වන ජ්‍යෙෂ්ඨ පුරවැසි ගිණුම් ක්‍රමය කාටත් නොදන්වා අක්‍රියකර දැමීම හේතුවෙන් එම පිරිස දැඩි අසීරුතාවකට පත


කෝටි 97,800ක බදු මුදල් අහිමි කළවුන්ට දඬුවම් නැද්ද?
2024 අප්‍රේල් මස 05 794 2

2022 අප්‍රේල් මාසයේ සිට 2023 මාර්තු මාසය දක්වා වූ මූල්‍ය වර්ෂය තුළදී ශ්‍රී ලංකාවට රුපියල් කෝටි 97,800 ක බදු මුදලක් අහිමි වී ඇතැයි රජය පසුගියදා ප්‍රකාශයට පත් කළේ


දරුවන් අකුරු කරන පාසලක මර උගුල්
2024 අප්‍රේල් මස 04 455 1

මෙම තීරුවේ අප බොහෝවිට ලියා ඇති වැකියක් තිබේ. එනම් අධ්‍යාපන ක්ෂේත්‍රය තුළ තරම් පන්ති බේදය ඇති වෙනත් ක්ෂේත්‍රයක් නොමැති බව ය. අප එසේ ලියා තැබුවේ එය සනාථ ක


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 93 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1332 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1290 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site