බඩඉරිඟු හේනක පැලක් තුළ රාත්රි කාලයේ සිදුවුණු ප්රේම ජවනිකාවක දෙබස් තොගයක් ජංගම දුරකතනයකින් රහසේ පටිගත කිරීම හේතුවෙන් දරු තිදෙනකු සිටින මනමාල පියකුගේ පටි රෝල් වූ පුවතක් කැබිතිගොල්ලෑවත්, පදවියත් අතර ගම්මානයකින් අසන්නට ලැබුණි.
සිද්ධිය මෙසේය.
ඔහු දරු තිදෙනකුගේ පියෙකි. සිවිල් ආරක්ෂක භටයෙකි. වයසට වඩා තරුණ පෙනුමක් ඇති උපන්ගෙයි මනමාලයෙකි. ගොවිතැනට ද දක්ෂයෙකි. මෙවර ඔහුගේ බඩ ඉරිඟු හේන සරුසාරව වැවී තිබුණි.
මෙදා රාත්රි පැල් රැකීමට ඔහු නිවෙසින් පිටව යන්නේ වෙනදා නැති උද්දාමයකින් බව බිරියට ඉවෙන් මෙන් වැටහී තිබුණි. බිරිය සමග වැඩි අල්ලාප සල්ලාප නොපැවැත්වීමට ඔහු වග බලා ගෙන ඇති බව බිරිය දැන සිටියාය.
සැමියාට හොස්ස ළඟින් මැස්සා යන්න බැරි තරමට නිතර කේන්ති ගියේය. තම සැමියා කොහේ හරි ‘‘සක්කර වට්ටමක්’’ සමග පැටලී ඇතැයි ඇය අනුමාන කළාය.
සැමියාගේ මේ ‘‘වෙනස’’ සහ ‘‘හොරය’’ කෙසේ හෝ සොයා ගන්නවා යැයි කල්පනා කළ බිරිය ඒ සඳහා අපූරු උපක්රමයක් යෙදුවාය. ඇය සැමියා නොමැති දවල් කාලයේ පැලට ගොඩ වී සැලසුම ක්රියාත්මක කොට පැලෙන් බිමට බැස ගෙදර ගියාය.
සුපුරුදු පරිදි සැමියා වෙනදා මෙන්ම මහත් උජාරුවෙන් රාත්රි කාලයේ පැල කරා ගමන් කළේය.
පසුදා උදෑසන සැමියා නිවෙසට පැමිණ දත කට මැද, කහට තේ කෝප්පයක් බී දහවල් රැකියාවට යෑමට ලක ලෑස්ති වෙද්දී, ගෙවත්ත ආසන්නයේ තිබුණු බඩ ඉරිඟු හේනේ පැළ වෙත බිරිය ලහි ලහියේම දිව ගොස් නැවත නිවෙසට පැමිණියාය. ඇය දරු තිදෙනාටම සාලය මැදට කතා කළාය. සැමියාට ද එතැනට අඬ ගැසූ බිරිය එදින රාත්රියේ පැල තුළ පිදුරු වහලයේ තමා සඟවා තිබූ ජංගම දුරකතනය ක්රියාත්මක කළාය.
ජංගම දුරකතනයේ එහා කෙළවරින් ඇසුණේ ඔවුන් හොඳින් හඳුනන අල්ලපු ගමේ තවත් දරු තිදෙනකුගේ මවකගේ කටහඬකි.
සැමියාගේත් අනියම් බිරියගේත් අමන්දානන්දයට පත්වන අපූරු දෙබස් ඛණ්ඩ සහිත ප්රේම ජවනිකාව සහ සිනා හඬ සහ ඔවුන්ගේ ඉදිරි සැලසුම් සාලය මැද දරු තුන් දෙනා සහ බිරිය අභිමුව මෙලෙස දිග හැරෙද්දී, මනමාල පියාගේ රෙදි ගැලවුණේය.
පැය කීපයකට පසු කාන්තාවන් දෙදෙනා කෙහෙවලු පටලවා ගෙන ඊළඟට නැවතුණේ ඉස්පිරිතාලයේ ය. ඊටත් පසුව පොලිසියේය. ඊළඟට උසාවියේය.
මේ අතර මනමාල සැමියා ‘‘ස්පෙෂල් ඩියුටි’’ හදාගෙන කොළඹට පැන්නේය.
සියල්ල සන්සුන් වී ඇතත්, සිවිල් ආරක්ෂක පියා පාරේ ගමන් කරනවිට කොල්ලො කුරුට්ටන් ඔහුට ඇසෙන්නට ‘‘ඔබෙ දුරකතනයේ අංකය මතකද එහෙනම් කතා කරන්න’’ යන ගීතය ගායනා කර මනාල පියා අවුස්සා ගන්නවලු.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ෆෝන් එකෙන් ‘චූන්වෙලා’ නෝනා හොරේ අල්ලාගෙන