හක්මණ විශේෂ - දෙන.ම යසන්; ආරියසේන
පන්තියේ දරුවන්ගේ ඉල්ලීමට ඔවුන් ගෙනා කෑම වලින් කුඩා ප්රමාණයක් පන්තිභාර ගුරුතුමිය ආහාරයට ගැනීමට උරණ වූ මව්පියන් කිහිප දෙනකු නිසා පාසලක්ම අමාරුවේ වැටීමට යාමේ සිද්ධියක් පිළිබඳව දකුණු පළාතේ ග්රාමීය ප්රදේශයකින් වාර්තා වේ.
දුෂ්කර ප්රදේශයක සේවය කළ දක්ෂ ගුරුවරියක් ස්ථාන මාරුවීමක් ලැබ සිය ගම් ප්රදේශයට ආසන්න පාසලකට පැමිණියාය.
කුඩා දරුවන්ට ඉගැන්වීමට සහජ හැකියාවක් දක්වන ඇයට පන්තියක භාරකාරත්වය ද නව පාසලේ දි හිමි විය. පන්තියේ දරුවන්ට අම්මා කෙනකු වූ ගුරුතුමියට දරුවෝද අසීමිතව ආදරය කළහ.
ප්රාථමික පන්තිවල දරුවන්ට උපකාරක පන්ති පැවැත්වීම දැඩි සේ විවේචනය කළ ගුරුවරිය පාසල වැසීමෙන් පසුවත් අමතර කාලයක් රැඳී සිටිමන් ඉගැන්වීම් කළාය.
පන්තියේ දරුවන් සමග එක්ව උදෑසන ආහාරය ගන්නා විට තම කෑම පෙට්ටියේ ඇති කෑම වලින් කොටසක් ගුරුවරියට දීමට ළමයින් සෑම දිනකම තරගයක යෙදීම සුලබ දර්ශනයක් විය. මෙම කරුණ ගැටලු සහගත විය හැකි නිසා ගුරුවරිය ඒ සඳහා උපක්රමයක් පාවිච්චි කළාය. ළමයින් කෑම ගන්නා අවස්ථාවේ දී ඔවුන් අසලට ගොස් පෙට්ටියේ ඇති කෑම වලින් ඉතාම කුඩා ප්රමාණයක් ඇය කෑවාය.
සතියේ දින පහ තුළ කණ්ඩායම් පහකට බෙදා මෙම කාර්ය සිදු වූ නිසා ළමයින් ද කිසිදු කලබලයකින් තොරව පිළිවෙළට ආහාර ගැනීම පුරුදු විය.
ටීචර් අපේ කෑම එකෙනුත් කනවා යැයි මහත් ආඩම්බරයෙන් ළමයින් කිහිප දෙනකු නිවෙසට ගොස් පැවැසුවත් සමහර මව්පියෝ එයට උරණ වූහ. කිසිවක් විපරම් නොකළ ඔවුහු ගැටලු විදුහල්පතිවරයාට පැමිණිලි කළ අතර ගුරුවරිය පන්තියෙන් ඉවත් කර සංවර්ධන නිලධාරිනියකට ප්රාථමික පන්තිය බාර දීමට විදුහල්පතිවරයා කටයුතු කළේය.
දින කිහිපයක් ගත වූ පසු ගුරුවරියක වන මවක සිය දියණියගේ පොතක් බැලු අතර ඇයට දෙවියන් සිහිවිය. ළමයාගේ පොතේ ගුරුවරියක විසින් ලියා තිබූ වැකියේ නණ, ලළ, සහ උක්ත ආඛ්යාත දෙකම වැරදිය. සිය දියණියගේ පන්තියේ සිටින තවත් ළමයින් කිහිප දෙනකුගේ මව්පියන්ට කතා කළ එම මව ඒ පිළිබඳව විමසුවාය. තම දරුවන්ගේ පොත් පරීක්ෂා කළ එම මව්පියෝ ද සිද්ධියට මවිතය පළ කළහ.
ගැටලුව පැමිණිලි කරමින් ප්රශ්නයේ බරපතළකම දෙමව්පියෝ විදුහල්පතිවරයාට පැහැදිළි කළහ. ළමයි කිහිප දෙනකුගේ පොත් පරීක්ෂා කළ විදුහල්පතිවරයාගේ දෙලොවම රත්විය.
පන්තිය භාරව පෙර සිටි ගුරුවරිය වරදක් සිදුකර නොමැති බව විදුහල්පතිවරයා හමුවීමට පැමිණි මව්පියෝ පැහැදිලි කළහ.
එම ගුරුවරියගේ කාර්යක්ෂමභාවය නොරිස්සූ පාසලේ වෙනත් ගුරුවරුන් පිරිසක් සහ මව්පියන් සිදුකළ කුමන්ත්රණයක ප්රතිඵල බව පසුව සියල්ලෝම තේරුම් ගත්හ.
පන්ති රැස්වීමක් සහ ගුරුවරුන්ගේ රැස්වීමක් වෙන වෙනම කඩිනමින් කැඳවා විදුහල්පතිවරයා මව්පියන්ට සහ ගුරුවරුන්ට ලුණු ඇඹුල් සහිත දේශනාවක් පැවැත්විය. ආහාර ගැනීම ගැටලුවක් ලෙස මවා පෑම සිදුකළ මව්වරු කිහිපදෙනා සෙසු අයගේ දැඩි දෝෂ දර්ශනයට ලක්වූ අතර සංවර්ධන නිලධාරීනියට වෙනත් කාර්යාලයකට ස්ථාන මාරුවීමක් ද ලැබී ඇති බව පැවසේ.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ළමයින්ගෙන් කෑ ටීචර් අයින් කළාම අනෙක් ටීචර් ඉස්කෝලෙම කාලා
himal Tuesday, 09 May 2023 01:29 PM
මේ ලිපියේ මුල හරියේම ගුරුවරිය හරීම හොඳා...යි කියලා දාලා ඒකෙන් කතාව නොමඟ යවනවා. ළමයි ගුරුවරියට කෑම දෙනඑක වෙනයි, ගුරුවරිය හැම ළමයාගේම කෑම පෙට්ටියෙන් කනඑක වෙනයි. මෙතැන විදුහල්පතිත් වැරැදියි. මුලින්ම හරියට පරීක්ෂණයක් නොකර ගුරුවරිය මාරුකරලා අන්තිමේ එයාගේ වරද දෙමාපියන්ගේ පිටිනුයි අර දාපු අලුත් නිලධාරිනියගේ පිටිනුයි යවලා. මේ කරලා තියෙන්නේ පැමිණිලි දාන දෙමව්පියන්ට එරෙහිව තව දෙමව්පියන් කණ්ඩායමක් කුලප්පු කරන එකයි. තමුන්ගේ ළමයාට හරියට උගන්වන්න ඕනෑ නම් මං කියන විදිහට හිටපල්ලා, කටවල් වහගෙන කියන එක අනියමින් කියලා තියෙන්නේ...
Pradeep Kumara Tuesday, 09 May 2023 01:34 PM
කරුණු හරිහැටි නොවිමසා තීන්දු තීරණ ගත් විදුහල්පති තමයි මෙතැන මූලිකවම වැරැදි. ඕනෑම ආයතන ප්රධානියෙක් කේලාම් මත යැපෙනවිට ප්රතිඵලය ඕක තමයි...