කරන්දෙණිය – එම්. සුසිල් ප්රියන්ත
ලොකුකම් පෙන්වන්න තමාගේ ඔළුව අනුන්ට දන් දී තම ඔළුවට අලුත් ලෙඩක් දා ගත් හිටපු ප්රාදේශීය සභා මන්ත්රීවරයකු ගැන අපූරු කතාවක් දකුණේ ගමකින් වාර්තා වේ.
අඩු වැඩ වැඩි කයිය ඇත්තෙකි. අනුන් කරන වැඩත් තමන් කළා යයි පෙන්වීමේ ද රුසියෙකි. කාට හෝ ඔහු යමක් කරන්නේ ප්රතිඋපකාර බලපොරොත්තුවෙනි. ගමේ මොන හොඳ වැඩක් කිරීමට ගත්තද අංක එක කෑමය. දෙක බීමය. ප්රාදේශීය සභා මන්ත්රීකම ඔහු හිස මුදුනේම තියාගෙන සිටියේය. එය නැතිවුණද එහි වෙනසක් නම් නොවීය. පොලිසිය තමන්ගේ අතේ වගේ පෙන්වීමට ඔහු දැරූ අවස්ථා නැත්තේද නොවේ.
එදා ඔහු සිය යතුරුපැදියෙන් නගරයට ගියේ අවශ්යතාවකටය. එය ඉටුකර ගත් පසු නගරයෙන් ගමට එමින් සිටියේය. ඒ එන අතරමග තමන් දන්නා තරුණයන් දෙදෙනෙක් ද යතුරුපැදියකින් නගරයට එමින් සිටිනු ඔහු දුටුවේය. එම යතුරුපැදියේ එමින් සිටි දෙදෙනාගෙන් ආරක්ෂිත හිස් ආවරණ පැලඳ සිටියේ පැදිකරු පමණි. පිටුපසින් පැමිණි තරුණයා එවැන්නක් පැලඳ නොසිටියේය. වහාම ඔහු ඔවුන් දෙදෙනා අත දමා නතර කර ගත්තේය.
“මල්ලිලා ඉස්සරහා ට්රැෆික්ලා ඉන්නවා. හෙල්මට් නැතිව ගියොත් ඉතිං දඩේනම් ෂුවර් තමයි” ද කීය. එය පිළිගත් තරුණයින් දෙදෙනා ඔහුට ස්තූති කොට ආපසු ඒමට සැරසුණාහ. “නැහැ මල්ලිලා ආපු ගමන යන්න කෝ. මගේ හෙල්මට් එක දාගෙන ගිහිල්ලා එන ගමන් අපේ ගෙදරට දෙන්නකෝ” යයි කියමින් හේ සිය ආරක්ෂිත හිස් ආවරණය කොල්ලන්ට දුන්නේය.
“එතකොට අයියා යන්නේ කොහොමද? පොලිසියට අහුවුණොත් ලෙඩක්නේ“ යයි තරුණයෝ දෙදෙනා කීහ. “පිස්සුද මල්ලී, මට පොලිසිය ඉතින් නතින් තමයි. පොලිසිය මට කොහොමද දඩ කොළ දෙන්නේ” යයි කියමින් වහසි බස් දෙඩීය.
තරුණයෝ දෙදෙනා නගරයට යන්න ගියහ. ඔහු ගම බලා යාමට ගියේය. සිය නිවසට යන මාර්ගයේ කවදාවත්ම නැතිව පොලිස් කණ්ඩායමක් වාහන පරීක්ෂා කරන අයුරු ඔහු දුටුවේය. ඔහු හිස් ආවරණ නැතිව යතුරුපැදිය පදවාගෙන එන අයුරු අතරමග සිටි පොලිස් නිලධාරීහු ද දුටුහ. පොලිස් නිලධාරීන්ගේ සංඥාව අනුව ඔහුට ද සිය යතුරුපැදිය නතර කිරීමට සිදුවූයේ හීන් දහඩිය දමමිනි. ඒ එම ස්ථානයේ සිටි කිසිදු නිලධාරියකු ඔහු නොඇඳිරීමත් සමගමය.
මේ දිනවල ආරක්ෂාව තරකිරීමට පිටින් ආ විශේෂ පොලිස් කණ්ඩායමක් බව හැඟුණු නිසා ඔහු තමාගේ ප්රාදේශීය සභා මන්ත්රී ධුරය ගැන ද කීවත් ඒ වනවිටත් ඔහුට ආරක්ෂිත හිස් ආවරණ නොමැතිව යතුරුපැදියක් පැදවීමේ වරදට දඩ කොළයක් දෙන්න එම නිලධාරීහු කටයුතු කළහ.
විහාරස්ථානයක් අසල කාත්කවුරුවත්, හව් හරණක් නැති අසරණයන් පුදුම කරන්නට ගිය අයෙකුට තමාට පුදුමයෙනුත් පුදුමවෙන්නට සිදුවූ අපූරු පුවතක් දකුණේ නගරයකින් අසන
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හෙල්මටය යාළුවකුට දී පලා බබා දඩ කාලා