හසලක - සුනිල් ඒකනායක
ඉඩම් හිමියා බිය ගන්වා අමුතු පොතක් දමා ගෙවත්තක හොරෙන් කැඩූ පොල් තොගයක් රැගෙන ගිය කාන්තාවක පිළිබඳව පුවතක් මිනිපේ ගොවි ජනපදයට යාබද ජනපද ගම්මානයකින් වාර්තා විය.
ඉතා ගුණ යහපත් මනා චරිතයකින් හෙබි 51 හැවිරිදි වියේ පසු වන ඔහු තිදරු පියෙකි. පළාතේ රාජ්ය ආයතනයක සැලකිය යුතු රැකියාවක් කරන ඔහුට පිය උරුමයෙන් ලැබුණු ගොඩ ඉඩමක් සහ කුඹුරු ඉඩමක්ද හිමිව තිබිණි.
මෙම ඉඩම ඔහු පදිංචි ඉඩමේ සිට කිලෝ මීටරයක පමණ දුරින් පිහිටා ඇති අතර එම ඉඩම්වල කටයුතු කිරීමට ඔහුට ප්රමාණවත් වේලාවක් නොමැතිකම නිසා අඳ පංගුවට කුඹුරු ඉඩම හිතවතකුට වගා කිරීමට ලබාදුන්නේය. ගොඩ ඉඩමේද පොල් පුවක් කෙසෙල් ගම්මිරිස් වැනි වගා ඇති අතර සති දෙක තුනකට වරක් එහි ගොස් වගා කටයුතු සොයා බැලීම ඔහුගේ පුරුද්දකි.
මෙහි ඇති වගාවල බොහොමයක් අස්වනු අසල්වාසීන් භුක්ති විඳින්නේ හොර රහසේය. විවේකයක් ලද ඔහු මෙදින දිවා කාලයේ සිය ඉඩමට යද්දී ඈත තියාම දැකගත හැකි වූයේ කාන්තාවක ඉඩමේ ඇති පොල් ගස්වලින් ගෙඩි කඩා ඒවා අහුලමින් සිටින අයුරුය.
ඔහු එම ස්ථානයට ගියත් ඇය තම ඉඩමකින් ගෙඩි කඩා අහුලා ගන්නා විලසින් එම කාර්යයේ නිරතව සිටියාය. ඇය අසල ඉඩමක පදිංචි 55 හැවිරිදි වියේ පමණ පසුවන තමන් දන්නා හඳුනන කාන්තාවක බව ඔහු හඳුනා ගත්තේය.
ඔහු කැඩූ පොල් අහුලමින් සිටි කාන්තාව ආසන්නයට ගියේය. “මේවා තමන්ලාගේ අම්මාගේ අප්පගේ දේපළ කියලා හිතාගෙනද අපි නැති අතරේ මේවා කඩා වඩා ගන්නේ...? කැත වැඩ කරන්න එපා. අද අහුලාගත්තු පොල් ටික අරන් ගියාට කමක් නැහැ... මින් මත්තට මේ වාගේ හොරකම් කළොත් බඩුත් එක්ක පොලිසියට අල්ලා දෙනවා.” ඔහු ඇයට අවවාද කළේය.
“පුළුවන්නම් අද පොලිසියට අල්ලා දෙන්න... එහෙම කළොත් මුළු ගමටම ඇහෙන්න ‘මෙන්න මේ මිනිහා මට ඉඩමට එන්න කියලා මට අතවර කරන්න හදනවා’ කියලා කෑගහනවා....” අවවාදයෙන් උරණ වූ ඇය ඔහුට දැඩි ස්වරූපයෙන් පැවැසුවේ ඇඟිල්ල ද දිගු කරමිනි.
ඇය එසේ පවසනවාත් සමගම ඔහු ඉදිරියට තැබූ පය අඩියක් පස්සට ගෙන ආපසු හැරී නිවෙසට විත් සිය බිරිඳට සිද්ධිය විස්තර කර පැවැසුවේ නැවත ඉඩමට යන කොට මාත් එක්ක යන්න එන්න. එහෙම නොවුණොත් මේ හොරු හින්දා මට හිරෙත් ලගින්න වෙනවා යැයි කියමිනි.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හොරෙන් පොල් කැඩූ කත ඉඩම් හිමියාට ගෑනු ගැටයක් දමා පැනලා
Janii Thursday, 28 December 2023 09:50 AM
අපරාදේ. උසාවියේ හරස් ප්රශ්න වලින් ගෑණු කෙනා ලේසියෙන්ම කොටු කරන්න පුලුවන්. වන්දියකුත් ගන්න තිබ්බා..!