පෝද්දල සරත් ආනන්ද ගමගේ
ගෙහිමියාට නිවෙස බාරදී බිරිඳත් දියණියත් නිවෙසින් බැහැරව සිටියදී නිවෙසේ යතුර නැතිකරගත් සැමියකු දින දෙකක්ම නිවෙසේ වැරැන්ඩාවට වී පරිප්පුවක් කෑමේ පුවතක් දකුණු පළාතේ ගම්මානයකින් වාර්තා වේ.
බිරිඳ සහ දියණිය දින තුනක සංචාරයක් සඳහා පිටත්ව ගොස් තිබුණේ ප්රදේශයේ ජනප්රිය සුබ සාධක සමිතියක වාර්ෂික චාරිකාව නියෝජනය කරමිනි. නිවෙසින් පිටව යනවිට බිරිඳ තම සැමියාට කියා සිටියේ කෑමට බීමට අවශ්ය සියලුදෑ නිවෙසේ ඇති බවත්, උදේට රෑට අවශ්ය නම් කැමති කෑමක් චූන් පාන් රථයෙන් ලබාගන්නා ලෙසය. එසේම කිසිම හේතුවකට නිවෙසින් බැහැරව නොයන ලෙසත් තරයේ අවවාද කර තිබුණේ මිනිහාගේ තරම ද දන්නා බැවිනි.
පළමු දින බිරිඳගේ අවවාදය පිළිගනිමින් නිවෙසේ රැඳී සිටියත් දෙවැනි දින සවස පාර පැත්තේ රවුමක් යාමට ඔහුට අදහසක් පහළ විය. විශ්රාමිකයකු වූ ඔහුට අවශ්ය නම් බැංකු කාඩ්පතින් මුදල් ලබාගැනීමේ හැකියාවද තිබුණි.
දොර වසා යතුර සාක්කුවේ දමාගෙන පාපැදියේ නැගී නගරයට ගොස් බැංකුවෙන් මුදලක් ලබාගත්තේ යටි සිතේ පැන නැගී තිබුණු අදහසකට අනුවය. ඒ අනුව එක්තරා ස්ථානයකට ගියවිට එතැනදී හමුවූ මිතුරන් දෙදෙනකු යෝජනා කළේ තුන් දෙනාම එකතුව මොනවා හරි කරමු කියාය. ඒ අනුව මිතුරන් තිදෙනා අවශ්ය කළමනා මිලට ගෙන සප්පායම්වීම සඳහා අසල අවන්හලකට ගොඩවීයේ ඉතිරි කළමනාද එතැන තිබෙන බැවිනි.
මිතුරන් තිදෙනාගේ සාදය නිමාවී ඔහු නිවෙසට එන්නට පිටත් වුවද පාපැදිය ඔහුට අවනත නොවන බැවින් එය තල්ලු කරගෙනම ඔහු නිවෙස කරා පැමිණියේය. නිවෙසේ දොර හැරීම සඳහා යතුර සොයා ගැනීමට සාක්කුවට අතදැමුවද යතුර තිබුණේ නැත.
අවන්හල තුළ යතුර වැටෙන්නට ඇතැයි සිතා ත්රීරෝද රථයක් ගෙන්වාගෙන එම ස්ථානයට ගොස් සොයා බැලුවද යතුර එහිද නොවීය.
නැවත නිවෙසට පැමිණ දොර කඩා හෝ ඊට ඇතුළුවෙමියි සිතා දොර කඩන ක්රමයක් කල්පනා කළද බිරිඳට නොදන්වා දොර කැඩුවොත් සිදුවිය හැකි අවනඩුවද ඔහුට සිහිපත් විය.
බිරිඳට දුරකතන ඇමතුමක් ලබාගනිමින්, රෑ කෑමට රයිස් එකක් මිලදී ගැනීමට තමා නගරයට ගිය බවත් නැවත පැමිණ බලද්දී යතුර නැතිවී ඇති බවත් පවසා දොර කඩා තමා නිවෙසට ඇතුළු වෙන්නදැයි විමසීය.
දොර කැඩුවොත් දොරත් අගුලත් දෙකම කැඩෙන බවත්, අද කාලයේ ඒවා නැවත සාදාගැනීමට විශාල මුදලක් වැයවන බැවින් එවැනි විනාශයක් නොකරන ලෙස අවවාද කළ බිරිඳ තමා ළඟ දොරේ අනිත් යතුර තිබෙන බැවින් තමා එනතෙක් නිවෙසේ ඉදිරිපස වැරන්ඩාවට වී සිටින ලෙස අවවාද කළේය. චාරිකාවට සහභාගි වූ අසල්වැසියන්ද සිද්ධිය දැනගත් අතර නිවෙසේ ඉදිරිපස ප්ලාස්ටික් පුටුවකට වී දින දෙකක් ගෙවූ අපහසුවට වඩා ලොකු අපහසුවක් මිනිසුන්ට මුහුණ දීමෙන් සිදුවිය හැකියැයි සිතා ඔහු දැන් වැඩිපුරම නිවෙසටමවී කාලය ගෙවයි.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හොර ගමනක් ගිහින් දවස් දෙකක් ඉස්තෝප්පුවේ ලගින්න වෙලා