වියලුව වාර්තාකරු
අසල්වැසි නිවසක පැවැති තෙමස් පූර්ණ ධර්ම දේශනාවක් ශ්රවණය කිරීම සඳහා පැමිණි උපාසක මහතෙකු ධර්ම දේශනය සඳහා වැඩම කළ ස්වාමීන් වහන්සේගේ පාවහන් යුගල සොරකම් කරන්නට ගොස් ධර්ම දේශනාව සඳහා වැඩම කළ ස්වාමීන් වහන්සේටම හසුවීමේ පුවතකි.
සිද්ධිය මෙසේය.
එය වියළුව ප්රදේශයේ තරමක් ග්රාමීය ප්රදේශයක පිහිටි නිවසකි.
නිවැසියන් ගේ පියා මිය යාම නිසා ඔහුගේ දූ දරුවෝ සිය පියාගේ තෙමස් පූර්ණ දානමය පිංකම හැකි අයුරින් සංවිධානය කරනු ලැබුවේ ගමේ කාටත් ඒ සඳහා සහභාගී වන්නැයි ආරාධනා කරමිනි.
'ඒ වෙනුවෙන් කලින් දින රාත්රියේ ධර්ම දේශනාවක්ද සූදානම් කර තිබිණි. ධර්මශ්රවණය සඳහා අසල්වාසීන් මෙන්ම ගමේ තුන් හාර සියයක පිරිසක් සහභාගී වූවේ එය යුතුකමකටත් වඩා දේශනාවෙන් පසුව ලබා දෙන රාත්රී ආහාර වේල ගැන සිතමිනි.
ධර්ම දේශනය සඳහා වැඩම කරනු ලැබූයේ ගමේ විහාරස්ථානයේ නායක හිමියන්ය.
ධර්ම දේශනය සඳහා වැඩම කළ උන්වහන්සේගේ පාවහන් ගලවා දෙපා දෝවනය කොට ධර්මාසනය වෙත කැඳවාගෙන යාම සිදුවූයේ නිවැසියන්ගේ ප්රධානත්වයෙනි.
ධර්ම දේශනාව නිමා කළ ස්වාමීන් වහන්සේ යළි විහාරස්ථානය වෙත වැඩම කිරීම සඳහා නිවසින් පිටතට පැමිණිය ද උන්වහන්සේ පැලැඳ පැමිණි පාවහන් යුගල අතුරුදන්ව තිබිණි.
ධර්ම දේශනය සඳහා වැඩම කළ හිමිනමගේ පාවහන් යුගල අතුරුදන්ව ඇති බව දැනගත් නිවැසියෝ ද එයින් බොහෝ සේ කලබලයට පත්වූ අතර පැමිණි පිරිස හා එක්ව ඔවුන් එය සොයන්නට වූයේ ගරුතර ස්වාමීන් වහන්සේට තමුන් වෙනුවෙන් අනුකම්පාකර මදක් රැඳී සිටින්නැයි ඉල්ලමිනි.
කෙසේ වෙතත් සිද්ධිය දෙස මුල සිටම ඇස ගසා ගෙන සිටි ගමේ තරුණයෙකු ධර්මශ්රවණය සඳහා පැමිණී වැඩිහිටියෙකු දෙස බලමින් ඇඟට පතට නොදැනී කියා සිටියේ ‘මාමා දැන් ඉතින් ඔය සෙරෙප්පු දෙක හාමුදුරුවන්ට දීපන්‘‘ යනුවෙනි.
ධර්ම ශ්රවණය කිරීමට පැමිණි පිරිස තමුන් සිටි තැන් පවා අමතක කර මහ හඬින් හිනා වෙද්දි තම දෙපයේ රඳවාගෙන සිටි පාවහන් යුගල ස්වාමීන් වහන්සේ වෙත ලබාදුන් වැඩිහිටියා හිමින්සීරුවෙ ධර්ම දේශනාව පැවති නිවසින් මාරු වූයේ ධර්ම දේශනාවෙන් පසුව ඔවුන් වෙනුවෙන් පිළියෙල කර තිබූ ආහාර වේල ද ප්රතික්ෂේප කරමිනි.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හාමුදුරුවන්ගේ සෙරෙප්පු ඉස්සූ උපාසකගේ රෙදි ගැලවිලා
Premadasa Wednesday, 25 October 2023 10:55 AM
සෙරෙප්පු කුට්ටම කොහේහරි හංගලා තියන්න තිබුණේ...