කෑගල්ල අධිකරණ - චමින්ද වැවතැන්න
ප්රේම සම්බන්ධතාවක් මුල්කරගෙන එක කෙල්ලක වෙනුවෙන් කොල්ලන් තුන් දෙනකු කෑගල්ල ප්රදේශයේ නගරයක දී ගුටි බැට හුවමාරු කර ගැනීමේ සිද්ධියක් වාර්තා වෙයි.
සිද්ධිය මෙසේය.
ඇය මෙවර අධ්යාපන පොදු සහතික පත්ර උසස් පෙළ විභාගයට දෙවැනි වරට පෙනී සිටීමට නියමිතව සිටින කෑගල්ල ප්රදේශයේ ග්රාමයක පදිංචි 20 හැවිරිදි සිසුවියකි. ජීව විද්යා අංශයෙන් උසස් පෙළ විභාගයට පෙනී සිටීමට නියමිතව සිටින මෙම සිසුවිය කෑගල්ල ප්රදේශයේ තරුණයන් තිදෙනකු සමග ප්රේම සම්බන්ධතා පවත්වා ගෙන ගියේ එකිනෙකාට හොර රහසේය.
එක තරුණයෙක් යුද හමුදා සෙබළෙකි. තව තරුණයෙක් කොළඹ සමාගමක කෑගල්ල දිස්ත්රික්කයේ අලෙවි ප්රවර්ධනකරුවෙකි. සෙසු තරුණයා විශ්වවිද්යාල සිසුවෙකි. සිසුවිය තරුණයන් තිදෙනාම වෙන වෙනම ඇසුරු කළාය.
මීට මාසයකට පමණ ඉහතදී සිසුවිය යුද හමුදා පෙම්වතාට යැයි සිතා යැවූ කෙටි පණිවුඩයක් විශ්ව විද්යාල ශිෂ්යයාගේ දුරකතන අංකයට යැවුණේ අත් වැරදීමකිනි. කෑගල්ල දිස්ත්රික්කයේ අලෙවි ප්රවර්ධන පෙම්වතාට යැවිය යුතු කෙටි පණිවුඩය ද යුද හමුදා පෙම්වතාගේ දුරකතනයට යැවුණි.
පසුව තරුණයන් තිදෙනාට වැටහී ඇත්තේ තම පෙම්වතියට තවත් පෙම්වතුන් කිහිප දෙනකු සිටින බවය. ඒ බව මීට සති දෙකකට පමණ ඉහතදී තරුණයෝ තිදෙනා පෙම්වතියගෙන් ද විමසීමක් කළහ. එහිදී සිසුවිය පෙම්වතුන් තිදෙනා එල්ල කර ඇති චෝදනා තරයේ ප්රතික්ෂේප කළාය.
ඉකුත් දිනක දී යුද හමුදා සෙබළා දින කිහිපයක් නිවාඩු ලබා නිවෙසට පැමිණියේය. විශ්වවිද්යාල ශිෂ්යයා ද නිවෙසට පැමිණ සිටියේ දින කිහිපයක් ලැබුණු නිවාඩුවටය. ගෙවල්වලට පැමිණ සිටි පෙම්වතුන් දෙදෙනාට එකම දිනක දී වේලාවන් දෙකක දී නගරයේදී එක් තැනක දී හමුවීමට තරුණිය වේලාවන් දෙකක් දුන්නාය. ඒ දහවල් 12 ට යුද හමුදා පෙම්වතාට ද සවස 2.00ට විශ්වවිද්යාල පෙම්වතාටය.
දහවල් 12 ට යුද හමුදා පෙම්වතාට වේලාව වෙන් කර තිබුණ ද ඔහු පැමිණියේ පැයක් පසු කර සවස 1.00ටය. සවස 1.00 ට පැමිණි යුද හමුදා පෙම්වතා පෙම්වතියගේ දුරකතන අංකයට ඇමතුම් කිහිපයක් ගත්ත ද කිසිම ප්රතිචාරක් දක්වා නොමැත. පසුව යුද හමුදා සෙබළා තරුණිය හමු වීමට හැකි බව කියා තිබුණු ගුරු පාර දිගේ ගමන් කරමින් සිටියදී පෙම්වතිය තරුණයකු සමග දොඩමළුවෙමින් සිටින අයුරු නෙත ගැටුණේය.
හමුදා සෙබළා ඔවුන් දෙදෙනා අසලට ගිය අවස්ථාවේ දී විශ්වවිද්යාල ශිෂ්යයා හමුදා සෙබළාට තමුන් කවුද... ඇයි මෙතනට ආවේ... යැයි විමසුවේය. පසුව තරුණයන් දෙදෙනා අතර ඇතිවීයේ උණුසුම් වචන හුවමාරුවකි. තරුණයන් දෙදෙනා බේරීමට තරුණිය කෑ ගසමින් මැදට පැන්නාය.
අසල පිහිටි වෙළෙඳසල් කිහිපයක සිටි තරුණ පිරිසක් ද එතැනට රොක් වූහ. මේ අපේ අලෙවි ප්රවර්ධන කොල්ලාගේ කෙල්ල නේද මේ අඬ අඬ ඉන්නේ...? යැයි තරුණ වෙළෙන්දෙක් අලෙවි ප්රවර්ධන තරුණයාට සිද්ධිය සම්බන්ධයෙන් දුරකතන ඇමතුමක් දුන්නේය.
පසුව අලෙවි ප්රවර්ධන තරුණයා ද පැමිණ තිදෙනා අතර වචන හුවමාරුව පසුව ගුටි බැට හුවමාරුවක් දක්වා දික් ගැසුණි. තරුණිය හෙමින් සැරේ එතනින් මාරු වී ගියාය. පසුව තරුණයෝ තිදෙනා සන්සුන් වී සිදු වූ ගැටලුව සම්බන්ධයෙන් එකිනෙකා අතර අදහස් හුවමාරු කර ගත්හ. එහිදී ඔවුන් තිදෙනාට වැටහී ඇත්තේ තරුණිය හොර රහසේ තිදෙනාටම පෙම් කර ඇති බවය. කරුණු වටහාගෙන ඇති තරුණයෝ තිදෙනා පසුව අතට අත දී යළි දවසක හමු වෙමු යැයි පවසා පිටව ගියහ.
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිසුවියගේ ප්රේම ජාලය ටවුම මැද ගුටි කෙළියක
fairoos Thursday, 28 December 2023 01:32 PM
එහෙනම් කෙල්ලට ළඟදීම සම්බුව හම්බවෙයි...
Pweerasinghe Saturday, 30 December 2023 07:59 AM
කෙල්ල ඇඳගෙන නාලා තියෙන්නේ. ඕවා තමයි මරණයට අත වනන්නේ...?