ඇල්පිටිය - චන්ද්රසිරි ගුණසේකර
අගනගරයක පැවැති උත්සවයක් ආරම්භයේ පොල්තෙල් පහන දල්වන්නට ගොස් සිය සැමියාගේ ඇනුම් බැණුම් අසාගෙන මුහුණ නරක් කරගෙන ආපසු ගෙදර පැමිණ රාත්රියටත් නොකා නොබී නිදාගත් බිරියක ගැන දකුණේ ගමකින් අසන්නට ලැබේ.
එම පවුල ගමේ අනෙක් කාටත් වඩා කැපී පෙනෙන්නට උත්සාහ කළ තරුණ යුවළකි. ගමේ සිදුවන සෑම කටයුත්තකදීම අනෙක් අයට වඩා ඉහළින් සිටීමට නිතරම මේ දෙදෙනා උත්සාහ කළහ. ගමේ සමිති සමාගම්වලද ඉහළ තනතුරු ලබාගන්නට මේ දෙදෙනා උත්සාහ කළහ.
මේ අතර පසුගියදා එම සමිතියක සාංවත්සරික උත්සවයක් අගනගරයේ පිහිටි උත්සවශාලාවක පැවැත්විණි. එය සංවිධානය කළ සංවිධායකයෝ මෙම උත්සවයේ වියදම් සඳහා සමිතියේ සාමාජික සාමාජිකාවන්ගෙන් දායකත්වය පැතූහ. රුපියල් දහස, දෙදහස වැනි මුදල් දායකත්වයක් සාමාජිකයෝ ලබා දුන්හ. සංවිධායකයෝ මෙම කැපී පෙනෙන පවුලේ බිරියගෙන්ද මේ සඳහා දායකත්වය ඉල්ලා සිටියහ.
අනෙක් සාමාජිකයන් මේ සඳහා දුන් දායකත්වය ගැන විමසූ ඇය කියා සිටියේ ‘මම රුපියල් පන්දහසක්ම දෙන්නම්.හැබැයි මට පොල්තෙල් පහන දල්වන්න දෙන්න ඕනෑ’
සංවිධායකයෝ ඊට කැමැති වූහ. ඇය රුපියල් පන්දහසක්ම පරිත්යාග කළාය.
නියමිත දින උත්සවය ඉතා උත්කර්ෂවත් ලෙස පැවැත්වීමට සංවිධායකයෝ කටයුතු කළහ.
“අපි දෙන්නත් එක්කම යමු මේ උත්සවේට. මම පොල්තෙල් පහන දල්වන්නත් ඉන්නවනෙ. මේ ගමේ එකාලට පේන්නත් එක්ක කලින් ගිහින් ඉස්සරහ ආසන දෙකක වාඩිවෙමු” ඇය සැමියාට යෝජනා කළාය.
ඒ අනුව සැමියාද කැපී පෙනෙන ඇඳුමකින් සැරසී ගත් අතර ඇයද ඒ සඳහාම අලුතින් ගත් වටිනා සාරියකින් සැරසී දෙදෙනාම කලින්ම උත්සව ශාලාවට ගොස් දෙවැනිපෙළේ අසුන් දෙකක හිඳගත්හ.
උත්සවය ආරම්භවීමට නියමිත වේලාවට වඩා ටිකක් පමාවිය. ඒ ප්රධාන අමුත්තකු ලෙස අමාත්යවරයාද සහභාගි වූ බැවිණි. මේ නිසා රාජ්ය ආයතන කිහිපයකම ප්රධානියෝද මෙම උත්සවයට පැමිණ සිටියහ. මේ නිසා සංවිධායකයන්ට උත්සවයේ න්යාය පත්රයේද වෙනස්කම් කරන්නට සිදුවී තිබුණි.
උත්සවය ආරම්භ විණි. නිවේදකයා චිරාගත පොල්තෙල් පහන දැල්වීමට අමාත්යවරයාගේ සිට ඊට සහභාගීව සිටි ආයතන ප්රධානීන්ට නම් කියා ආරධනා කළේය. මේ දෙදෙනාම දැන් දැන්ම නම කියැවෙතැයි බලා සිටියහ. පොල්තෙල් පහන දල්වා අවසන්විණි. එතෙක් අසුන්වලින් නැගී සිටි සියල්ලෝම යළි අසුන් ගත්හ.
දෙදෙනාගේම මුහුණු කළුවිය. එහෙත් ඉදිරි අසුනක සිටි නිසා දෙදෙනාටම උත්සවශාලාවෙන් පිටව යාමටද නොහැකිය. ඒ නිසා උත්සවය අවසන්වනතුරුම සිටි ඔවුහු උත්සවය අවසානයේ පැවැති තේපැන් සංග්රහයටද නොසිට ගෙදර පැමිණියහ.
ගෙදර පැමිණි සැමියා “තමුසෙත් කරන ගොන් වැඩ. පිස්සුද ඕයි හරියට දන්නෙ නැතුව එච්චර මුදලක් දුන්නෙ” කියා බිරිඳට ආඩපාලි කියද්දී ඇය රාත්රියටත් නොකාම නින්දට ගියාය.
පසුදා මෙය දැනගත් ගමේ කටකාර ගැහැනු මදැයි සල්ලිත්දීල පොල්තෙල් පහන පත්තුකරන්න ගිහින් වෙච්ච්දේ කියා කියද්දී දැන් ඇය නිවසේ කුස්සියට දිවයනවාලු.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සල්ලි දුන්නත් නම හැලී ගිහින්