දතක කැක්කුමට තෙල් ගා මතුරද්දී පෙම්වතියගේ මුහුණ අල්ලා සිප ගත්තා යැයි කියන වයෝවෘද්ධ පුද්ගලයකුට අපූරු පාඩමක් උගන්වා ඇතැයි කියන තරුණයකු පිළිබඳ පුවතක් කෑගල්ල ප්රදේශයේ ගමකින් වාර්තා වෙයි.
වාර්තා වෙන අන්දමට සිද්ධිය සැකෙවින් මෙසේය.
කෑගල්ල ප්රදේශයේ ගමක 25 හැවිරිදි අවිවාහක තරුණයෙක් පදිංචිව සිටියි. මෙම තරුණයා අල්ලපු ගමේ 22 හැවිරිදි තරුණියක සමග ප්රේම සම්බන්ධතාවක් මාස කිහිපයක සිට පවත්වාගෙන යන අතර දෙදෙනාගේ සම්බන්ධතාවට දෙපාර්ශවයේ මවුපියන් ද කැමැත්ත ප්රකාශ කර ඇති බව වාර්තා වෙයි.
මේ දිනවල ඇදහැලෙන අධික වර්ෂාපතනය හේතුවෙන් තරුණයාගේ පෙම්වතියට දින ගණනාවක සිට දත් කැක්කුමක් සෑදී තිබේ. තරුණිය වෛද්යවරයකු මුණගැසී දත් කැක්කුමට ප්රතිකාර ලබාගෙන ඇති අතර වෛද්යවරයා දී තිබුණු ඖෂධ පානය කළ අවස්ථාවේ දී දත් කැක්කුම තාවකාලික ලෙස සුවය ලබා ඇති බවත් වාර්තා වෙයි. යළි යළිත් කැක්කුම හට ගැනීමත් සුව නොවීමත් හේතුවෙන් දත් කැක්කුම සම්බන්ධයෙන් ඉකුත් දා තරුණිය පෙම්වතාට තම ජීවිතය පවා එපා වී ඇති බව පවසා තිබේ.
පසුව තරුණයා පෙම්වතියට කියා ඇත්තේ තම පියාගේ පියා සීයා දත් කැක්කුමට තෙල් වර්ගයක් කැක්කුමට දතේ ගා මැතුරුවාට පස්සේ නිට්ටාවට සුව වෙන බව පවසයි..
පසුව තරුණිය ඊට එකඟ වී ඉකුත් දිනෙක පෙම්වතාගේ නිවසට පෙරවරුවේ පැමිණ තිබුණි. පසුව තරුණයා පෙම්වතිය සමග කාමරයේ සිටින සිය 82 හැවිරිදි සීයාට පෙම්වතියගේ දත් කැක්කුම සම්බන්ධයෙන් කරුණු කාරණා පැහැදිලි කර දී කාමරයෙන් පිටව ගොස් ඇත්තේ පෙම්වතියට යමක් කෑමට ගෙනත් දීමේ අරමුණෙනි.
විනාඩියක් යන්න කලින් තරුණ පෙම්වතිය සීයාගේ කාමරය දෙසින් කෑ ගසන ශබ්දය ඇසී තරුණයා දුව ගෙන පැමිණියේය.
තරුණයා තරුණියගෙන් අඬන්නේ ඇයි දැයි විමසුවේය. සීයා මට කට අරින්න කිව්වා. පස්සේ මම කට ඇරියා. කැක්කුම දතේ මොනවා ද තෙල් වර්ගයක් ගා මොනවා ද කියන්න සූදානම් වෙනවාත් සමගම සියාගේ අත් දෙකෙන්ම මගේ මුහුණ අල්ලා සිප ගත් බව පැවසුවාය.
මම යනවා ගෙදර යන්න යැයි පවසා තරුණිය නිවසින් පිටව යන්නට උත්සාහ දැරූ අවස්ථාවේ දී තරුණයා එය වළක්වා තරුණිය ඉදිරියේදී සීයාගේ රෙදි ගැලවෙන්න තරුණ කාලයේ කළ මනමාලකම් ගැන ද හුස්ම නොගෙන එක දිගට කියාගෙන කියාගෙන ගියේය. පසුව සීයා කාමරයේ සිටිය දී පිටතින් දොරගුළු දමා සීයාට කාමරයෙන් පිටව යාමට නොහැකි ආකාරයට දොර වසා තරුණයා හා තරුණිය නිවසින් පිටව ගොස් තිබේ.
පසුව සීයාට කාමරයෙන් පිටතට පැමිණීමට නොහැකි වීම නිසා කාමරයේ සිට කෑ ගසා තිබේ. පසුව වැඩිමහල් පිරිමි දරුවාගේ අල්ලපු නිවසේ පදිංචිව සිටින සීයාගේ වයෝවෘද්ධ බිරිඳ පැමිණ දොරගුළු ඉවත් කර වයෝවෘද්ධ සැමියා එළියට ගෙන කවුද දොර වැහුවේ යැයි විමසා ඇත. මුණුපුරා තමන් කාමරයේ සිටිය දී දොරගුළු දමා ගිය බව සීයා පැවසීය.
මුණුපුරාට මේ ටිකේ තියෙනවා හැදිලා හොඳ පිස්සුවක් යැයි වයෝවෘද්ධ කාන්තාව සිය සැමියා ඉදිරියේදී පැවසුවාය. පසුව තරුණයා මිනිත්තු කිහිපයකට පසුව නිවසට පැමිණෙන අවස්ථාවේ දී වයෝවෘද්ධ යුවළ මිදුලේ තිබුණු බංකුවක හිඳගෙන ඔවුන්ගේ තරුණ කාලය සම්බන්ධයෙන් කතා කරමින් සිට ඇති බව වාර්තා වෙයි.
කෑගල්ල අධිකරණ චමින්ද වැවතැන්න
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සියා මුනුබුරගේ පෙම්වතියට තෙල් ගාද්දී මූනටත් සාත්තුවක් දීලා