පෞද්ගලික ආයතනයක සේවය කර විශ්රාම ලැබ සිටි පිරිසක් වට්ස්-ඇප් මාර්ගයෙන් නැවත එකතුවී ප්රියසම්භාෂණයක් පවත්වා ඇති අතර සාදය අතරතුර දී එයට සහභාගී වූවකු මීළඟ සාදය තම නිවසේ පවත්වන බව පවසා දිනයක් ද ලබාදී කළ ආරාධනයකට අනුව මිතුරන් නිවෙසට ගියවිට ඔහුගේ නිවෙසේ දොර ජනෙල් වසා තිබීමෙන් ගිය පිරිසට යන එනමං නැතිවූ පුවතක් බස්නාහිර පළාතේ කළුතර නගරාසන්න ගම්මානයකින් වාර්තා වෙයි.
මෙහි පළමු සුහද හමුව දකුණු පළාතේ වෙරළාසන්න අවන්හලක දී පවත්වා ඇති අතර ඒ සඳහා ඔවුන් සේවය කළ ආයතනයෙන් ද උපරිම සහයෝගය ද ලැබී ඇත. සාදයට අවශ්ය මධුපාන හා කටගැස්මද ආයතනයෙන් සපයා දෙමින් එහි හිමිකරු හා ඔහුගේ බිරියද එයට සහභාගිවී ඇත. මෙම සාදය පැවැත්වෙන අතරතුර එයට සහභාගිවී සිටි කළුතර පදිංචිකරුවකු මීළඟ සාදය තමා සංවිධානය කරන බවත් ඒ වෙනුවෙන් හෝටල් සඳහා මුදල් ගෙවීම අනවශ්ය බවත්, අක්කරයක් පමණ වූ තම ගෙවත්ත ඒ සඳහා යොදාගත හැකි බවත් පවසා ඇත. සාදය අතරතුර අවස්ථා කීපයකදීම ඔහු සාදය සංවිධානය කරන ආකාරයත්, ඒ සඳහා ඔහු ලබාදෙන මස් මාළු ගැන පවා විස්තර කර ඇත.
සාදය අවසානයේ පැවැත් වූ ස්තුති කතා වාරයේදී, කළුතර දී මීළඟ හමුව පැවැත්වෙන බව ඔහු මිතුරන්ගේ අත්පොළසන් හඬ මධ්යයේ ප්රකාශ කර ඇත. එහිදී ඒ සඳහා දිනයක් ද යෝජනාවී ඇත. එම දිනය ආසන්නයේ දී මිතුරන් කීප දෙනකුම සාදයේ කටයුතු පිළිබඳව ඔහුගෙන් විමසා ඇති අතර එහි දී ඔහු පවසා ඇත්තේ තමා දිවා ආහාරය හා කටගැස්ම සූදානම් කරන බවය. පැමිණෙන පිරිස අනුව අවශ්ය මධුපාන එදිනට ලබාගනිමු යැයි ද ඔහු යෝජනා කර ඇත. සියල්ල හොඳින් සංවිධානය වෙමින් පවතින බැවින් එදිනට අනිවාර්යයෙන්ම සහභාගී වන්නැයි ඔහු ඇරයුම් කර ඇත.
සාදය පවත්වන දින මිතුරන් කණ්ඩායම් වශයෙන් ඔහුගේ නිවෙසට පැමිණි අතර ඔවුන්ට දැක ගැනීමට ලැබී ඇත්තේ ගේට්ටුව හා දොර ජනෙල් ද වසා ඇති නිවෙසකි. අක්කරයක් පමණ වූ ගෙවත්තක් නොව පර්චස් 10 ක් පමණ වූ ගෙවත්තකි.
මිතුරන් කීප දෙනකුම ඔහුගේ දුරකතනය හරහා සම්බන්ධ වෙමින් ඔහු ඇමතීමට උත්සාහ කළද එය විසන්ධි වී තිබුණි. පසුව ඔවුන් අසල්වැසි නිවෙස්වලින්ද විමසීම් කළද ඔහු ගිය තැනක් ගැන ඒ කිසිවෙක්ද දැන සිට නැත.
දැඩි අපහසුතාවයට පත් වූ මිතුරන් පිරිස එම ස්ථානයෙන් පිටත්ව නගරයට පැමිණ ‘‘ලාවට” සප්පායම්වී යහළුවාගේ මවුපියන්ට ද පින් දෙමින් ගම්බිම් බලා පිටත්ව ගිය බව ආරංචිය.
පෝද්දල සරත් ආනන්ද ගමගේ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සාදයේ බරපැනට බලෙන් කරගසා රජ පොල්ලක් තියලා