කරන්දෙණිය එම්. සුසිල් ප්රියන්ත
සුද්දා අන්දා ගන්න හැදූ ලාබය මෙන් තුන් හතර ගුණයක පාඩුවක් සුද්දාගේ ඔළුව නිසා විඳින්නට සිදුවූ මුදලාලි කෙනෙකු පිළිබද පුවතක් ගාලු දිසාවේ නගරයකින් අසන්නට ලැබේ.
ඔහු කැනඩාවේ සුද්දෙකි. ලංකාවට දැඩි ඇල්මක් දැක්වූවෙකි. නිවාඩුවක් ලැබූ සැණින් ඔහු ලංකාවට ආවේ ගියේ ඒ නිසාය. ඔහු ලංකාවට පැමිණි වාර ගණන සුළුපටුනම් නොවේ. ඒ නිසාම ලංකාවේ බොහෝ දේ ඔහුට හුරුය පුරුදුය. මෙරට රුපියල් ශත හඳුනන්නේ කාලයක පටන්මය. ලංකාවේ ඇත්තන්ගේ ඇසුර නිසා එහෙන් මෙහෙන් සිංහල කතා කෙරුමටද ඔහුට හැකිය.
මෙවර ලංකාවට ආ සැණින් ඔහු අපේ දුප්පත් ඇත්තන් සියයකට සහල් මලු සියයක් ලබාදීමට තීරණය කළේය. ඒ අනුව තමා ලැගුම් ගෙන සිටි හෝටලය පිහිටි නගරයේ තොග වෙළඳ සලකට ගොස් සහල් මලු සියයකට මුදල් බැන්දේය. තමා ගත් සහල් මලු සඳහා ඔහු මුදලාලිගෙන් බිල් පතක්ද ඉල්ලා ගත්තේය. එක සහල් මල්ලක මිල සහ සහල් මලු සියය සඳහා මුළු මුදලද එහි සඳහන් කෙරුණේ සුද්දා මුදලාලිගෙන් කරනු ලබන ඉල්ලීමකට අනුවය.
සහල් බෙදා දීම පොදු ස්ථානයක පැවැත්වීමට පියවර ගෙන තිබිණ. වෙලාව හරිය දුප්පතුන් හාල් මල්ල ගැනීමට පෝලිමේය. සුද්දා ඇණවුම් කළ හාල් තොගය එම ස්ථානයට මුදලාලි ගෙනවිත් බෑමට කටයුතු කළේය. සුද්දා සහල් මල්ලේ ගසා තිබූ මිල තමාට ලැබුණු බිල් පත සමග සංසන්දනය කළේය. සහල් මල්ලේ සඳහන් මුදලට වඩා බිල්පතේ මිල රුපියල් පනහකින් වැඩිවී තිබිණ. සමහර හාල් මලුවලින් ගුල්ලන් එකා දෙන්නා තරගයකට මෙන් එහා මෙහා යමින් සිටියේය. එවිටම සුද්දාගේ මුහුණ රතුවූවේය.
සිංහලෙන් හා ඉංග්රීසියෙන් සුද්දා තමා ගොනාට ඇන්දවීම ගැන මුදලාලිට බැන්නේය. තමාට කළ මේ වංචාවෙන් මිදීමට නම් බිලේ සඳහන් මිලටම හොඳ සහල් ලබාදිය යුතුය බව කීවේය. සිය වෙළඳ සලේ අලෙවි නොවී මුල්ලක ගොඩ ගසා තිබූ පරණ සහල් තොගය අහක නොදමා එය වැඩි ගාණකට ලංකාවේ මිල මුදල් ගැන සුද්දා නොදන්නවා ඇතැයි සිතූ මුදලාලි සුද්දා ගොනාට ඇන්දවීමට යන බව සහල් ගැනීමට පැමිණ සිටි ගමේ අයටද ඒත්තු ගියේය. ඒ කසුකුසුව මුදලාලිට ද ඇසුණේ ඔහුගේ වත සුදුමැලි කරවමිනි.
මේ සහල් මලු සියයේ මිලට දෙන්න හොඳ සහල් මුදලාලි ළග නොතිබිණි. තිබුණේ වැඩි ගණනේ හොඳ සහල් වර්ගයකි. සුද්දාගේ කේන්තියාමත් ගමේ ඇත්තන්ගේ කටකැඩිච්ච කතා නිසාත් තමාටවූ මේ අවනම්බුව සහ ඒ සම්බන්ධයෙන් සුද්දා නීතියට යාමෙන් වළක්වා ගැනීමට තමා මිල නියම කළ සහල් මල්ලට වඩා දෙගුණයක් වන හොඳ හාල් මල්ල බැගින් ලබාදීමට මුදලාලි පියවර ගත්තේය.
තමාගේ මේ කූට වැඩෙන් අපේක්ෂා කළ ලාබයට වඩා අනපේක්ෂිත ලෙස ළඟාවූ අලාභයෙන් මුදලාලිගේ ඉහමොළ රත්විය.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සුද්දා අන්දන්න ගිහින් මුදලාලි ඇදගෙන නාලා
Bunny Preena Thursday, 24 August 2023 01:56 PM
මේවගේ හොර තක්කඩියන්ට වෙනම නරකාදියක් හදන්න ඕනේ
නිමල් Saturday, 26 August 2023 02:07 PM
සුද්දො රවටපු කාලෙ ඉවරයි...