සිතාසියක් භාරදීම සඳහා මාතලේ පැත්තේ පොලිසියක පොලිස් නිලධාරියකු යතුරු පැදියකින් අදාළ ගම්මානය පුරා ගියේය. ඒත් අවශ්‍ය පුද්ගලයා හමුනොවීම නිසා නිලධාරියා දැඩි වෙහෙසටත් මානසික පීඩාවටත් පත්විය.
කාලය ගෙවී ගියත් කෙසේ හෝ රාජකාරිය කළයුතු නිසා හෙතෙම යළි උත්සාහයක යෙදෙමින් ගමපුරා යතුරු පැදිය මෙහෙයවීය. ගමේ අතුරු මාර්ගයක කොන්ක‍්‍රීට් අතුරමින් සිටි පිරිසක් ළඟට ගියා.
මේ නිලධාරියා එතැන සිටි පුද්ගලයකුට කිට්ටුවී සිතාසිය පෙන්නා එහි සඳහන් පුද්ගලයා හඳුනන්නේදැයි විමසීය.
එවැනි අයකු තම ගම් පළාතේ නැති බවත් වෙනත් ප‍්‍රදේශයක ඇද්දැයි සොයා බලන ලෙසත් අර පුද්ගලයා නිලධාරියාට පවසා නැවත තමා කරමින් සිටි වැඩෙහි යෙදුනේය.
‘‘මොකක්ද රාලහාමි ඇසුවේ’’ යයි වැඩපලේ සිටි යහළුවන් අදාළ පුද්ගලයාගෙන් විමසීය. ඔහු සිනාසෙමින් කියා සිටියේ එයා සිතාසියක් භාර දෙන්න හොයන්නේ මම. එහෙම අයෙක් මේ ගමේ නෑ කියලා එයාට මම කීව නිසා රාලහාමි බයිසිකලය හරවාගෙන යන්න ගියා.’’