ආරච්චිකට්ටුව - ලලිත් නවරත්න

ජාත්‍යන්තර රැම්සා තෙත්බිමට ආසන්න ප්‍රදේශයකි. මෙම ප්‍රදේශයේ බහුතරයක් දෙනා කෘෂිකර්මාන්තය මත යැපෙන අතර රිළවුන් දඬු ලේනුන්ගෙන් සහ මොනරුන්ගෙන් වන හානි හේතුවෙන් තමන්ට ලැබෙන අස්වැන්න නාස්ති වී කෘෂිකර්මාන්තය පිළිබඳව කලකිරීමෙන් සිටිති. 
එපමණක් නොව තමන් උයා පිහාගත් ආහාරවේල කෑමට ගන්නා තෙක් එය ආරක්ෂා කර ගැනීමට විශාල පරිශ්‍රමයක් දැරීමට සිදුවන බව ඔවුහු පවසති. ඇසිපිය හෙලූ පමණට බත් මාලු පිනි මුට්ටි රිළවුන් විසින් කුස්සිවලට පැන උස්සා‍ගෙන යන අතර රිළවුන් සහ දඬුලේනුන් විසින් පොල් සහ එළවළු පලතුරු වගා බලාගෙන සිටියදී විනාශ කරන බවත් මොනරුන් වී වගා එළවළු වගා අස්වැන්නෙන් පංගුවකටත් වඩා විනාශ කරන බවටත් ඔවුහු මැසිවිලි නගති.

පසුගියදා තිබූ සත්ව සංගණනයෙන් පසු තමන්ට සතුන්ගෙන් වන හානියට පිළියමක් ලැබෙයි, යන විශ්වාසය මත එයට සහයෝගය දීමට මෙම පවුලේ පිරිස අධිෂ්ඨාන කරගත් අතර එම හේතුවෙන් අක්කරයක් පමණ වපසරියකින් යුත් ඉඩමට වෙනදා වගේ විනාශයට එන සතුන් එළවා දැමුවේද නැත.
ඉඩම පිටුපසට එන සතුන් සංගණනයට යාම හේතුවෙන් මුළුතැන්ගෙයත් උදේට පිසින ලද ආහාර වේලත් අමතක විය.
ඇත්තේ විනාඩි පහකි. පිටුපසට යන වෙනදා එන සතුන් පැමිණ සිටද නැත. නැවත නිවස ආසන්නයට විනාඩි 5 ට කලින් දිව ආ විට කිසිම සතකු දක්නට සිටියේ ද නැත. උදේට උයාගත්ත බත් මාලු‍ පිනි මතක් විය. මොනවා බලන්නද බත් මුට්ටියත් මාලු‍ පිනි ඇතිලිත් රිළවුන් ගෙන ගොස්ය.
කාටද ඉතින් පැමිණිලි කරන්නේ....
නිවාඩු දිනයක් හේතුවෙන් පාසල් නොගිය දරුවොත් ගෙදර අයත් කුසගින්නේ සිටියහ. සංගණනයට 0 දැමීමට සිදුව ඇත.