2025 ඔක්තෝබර් මස 23 වන බ්‍රහස්පතින්දා
ආයතනයක සීසීටීවි කැමරා කිහිපයක් සවිකර තිබිණි. දිනක් ආයතනයේ නිලධාරියෙක් කැමරා දසුන් පරීක්ෂා කරන විට පිටත සවිකර ඇති කැමරාවක දසුන් වෙනදා මෙන් නොව වෙනත් දිශාවකට යොමුවී ඇති බව පෙනී ගියේය.
කලබලවූ ඔහු කළමනාකරුට ඒ බව දැන්වීය. පසුව ඔවුන් කැමරාවේ දසුන් පරීක්ෂා කළත් කිසියම් හෝඩුවාවක් ලබාගැනීමට නොහැකි විය. ඔවුන්ගේ සැකය යොමුවූයේ ආරක්ෂක නිලධාරීන් වෙතය. ”සර් ඒ අය කැමරාව පහත් කරලා හොර වැඩක් කරනවා ඇති” එක් නිලධාරියෙක් පැවසීය. කළමනාකරුගේ උපදෙස් අනුව නිලධාරියෝ දෙදෙනෙක් ඉදිරිපස ගොඩනැගිල්ලේ හිමිකරුගේ අනුදැනුම මත රාත‍්‍රියේ එයට නැග කුමක් සිදුවන්නේ දැයි පරීක්ෂාවෙන් එළිවෙන තුරු බලා සිටියහ. සැකයට තුඩුදෙන කිසිවක් වුණේ නැත. නිදි මැරීමෙන් හොඳටම හෙම්බත්වී සිටි ඔවුන් දෙදෙනා කාර්යාලයට පැමිණ විස්තරය හොර රහසේ කළමනාකරුට දන්වා නිවෙස් කරා පියනැගුවේ හොඳ නින්දක් බලාපොරොත්තුවෙනි. කළමනාකරු කැමරා සවිකළ ආයතනයට කතාකොට කවුරු හෝ කැමරාව පහත් කර ඇති බව දැන්වීය. සීසීටීවි ආයතනයේ නිලධාරීන් වහා පැමිණ ඉනිමගකට නැග කැමරාව පිරික්සූවිට කැමරාව උඩ තිබූ කුරුළු වසුරු දැකගත හැකිවිය. කැමරාව නැවත සකස් කළ ඔවුහු කළමනාකරු හමුවී, ”සර් කැමරාව කවුරුවත් වෙනස් කරලා නැහැ. ඒක උඩ රෑට ලොකු කුරුල්ලෙක් ඉන්නවා. ඒ නිසයි කැමරාව පහත් වුණේ” යනුවෙන් පැහැදිලි කළහ. අපි බොරුවටනේ ඒ අයව සැක කළේ. කළමනාකරු තවකෙකුට පැවසීය.
(ක‍්‍රිස්ටෝපර් සීපියන්)
2025 ඔක්තෝබර් මස 08
1303
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1239
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
452
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
වහලයේ සිටි කුරුල්ලෙක් සීසීටීවී කැමරාවේ දිසාව මාරු කරලා
දිශාන්ත Saturday, 04 April 2015 02:10 PM
මාර වැඩේ තමයි (නදී) .
නන්දලාල් Saturday, 04 April 2015 04:47 PM
හැමදේටම පළමු කැමරාව ගැන බලන්න මේ අයට හිතුනේ නැද්ද? අහිංසක ආරක්ෂක නිලධාරීන් සැකකළා. තව දෙන්නෙක් පිනිබාමින් වහළක් උඩ නිදිමැරුවා.ඒ වුණත් අපි දන්නේ නැහැ රෑට එන ලොකු කුරුල්ලා මොකාද කියා. (නි)
සරත් Monday, 06 April 2015 12:40 AM
නන්දලාල්, බකමුණා එන්නේ රෑටනේ. (නි)
ඉසුරන්දි Sunday, 05 April 2015 04:31 AM
කොහොමත් ප්‍රධාන කරුණු දෙකක් වන අවධානයත් සැකයත් මේමගින් දුරුකරගන්න පුළුවන් වෙලා තියෙනවනේ.(ම)
යසිත් Thursday, 02 April 2015 10:45 PM
අනේ ඉතින්. මේ වගේ දෙයක්වත් තේරුම්ගන්න තරම් එයාලට මොළයක් නැද්ද? (නි)
සමන්ති Friday, 03 April 2015 12:04 AM
කැමරාව සවිකළ ආයතනය ඔංචිල්ලා සවිකරන එකක් වෙන්න ඇති. ළඟ එන අවුරුද්දට වැඩ ගොඩක් තියේවි ඒ ආයතනයට. (නි)
සරත් Friday, 03 April 2015 12:26 AM
අද කාලේ ගොඩක් ආයතන ප්‍රධානීන්ට ප්‍රායෝගික දැනීම ඉතාම අඩුයි. (නි)
දුමින්ද Monday, 06 April 2015 05:32 AM
ගහකොළ නැති රටේ-කුරුල්ලන් කොහේ ලගින්නේ. (ස)
මුදියන්සේ Friday, 03 April 2015 03:09 PM
ඔව් කවුරුන් කොහොම කිව්වත් අසන්නා සිහිබුද්ධිමත් විය යුතුයි. නැත්තම් තවත් අහිංසකයෙක් සැකයක් නිසා වන්දි ගෙවනවා (ස)