තම පුතු විසින් කරන ලද ‘ක්ලේ’ ආශ්රිත සර්ප නිර්මාණයට බියවූ අම්මා නිවසේ තරප්පු පෙළෙන් ඇද වැටී රෝහල්ගතවීමට සිදුවූ පුවතක් බස්නාහිර පළාතේ පස්දුන් කෝරළයේ ගම්මානයකින් වාර්තා වේ.
සිද්ධිය සැකවින් මෙසේය. ඇඟලුම් කර්මාන්ත ශාලාවක ඉහළ නිලයක් දරන එක් දරු මවක වූ මෙකී කාන්තාව සේවයට යන්නේ සේවා මුර අනුවය. තම එකම පුතු ප්රදේශයේ පාසලක පහළ බාලාංශයේ අධ්යාපනය ලබයි. සුපුරුදු පරිදි මෙදිනද තම පුතු පාසලට යවා පාසල අවසන් වූ පසු නිවසට කැඳවා පියාට බාරදී ඇය රාත්රී සේවයට ගියා ය.
පියා සමග කාලය ගත කළ පුතු දහවල් පාසලේදී තම යහලුවකුගෙන් අසා දැනගත් පරිදි පියාගේද සහය ඇතිව සර්පයෙකුගේ අනුරුවක් නිර්මාණය කළේය. ඉතා අලංකාර ලෙස කර ඇති නිර්මාණය පිළිබඳව සතුටට පත් පියා රාත්රියේ නිවසට පැමිණෙන තම මවටද පෙන්වන්නට පරිස්සමට තබන ලෙස පුතාට උපදෙස් දුන්නේය. සේවා මුරය අවසන්වන මව රාත්රී 12ට කර්මාන්ත ශාලාවේ ප්රවාහන සේවයෙන් නිවසට පැමිණෙන ඇය සතුව නිවසේ ඉදිරි දොරේ යතුරක්ද ඇති නිසා වැඩ කටයුතු අවසන් කළ පිය පුතු දෙදෙනා තම නිවසේ ඉහළ මාලයේ නිදන කාමරයට ගොස් නින්දට වැටුණහ.
මහ රෑ ඇසුණු කෑගැසිල්ලක් නිසා අවදිවූ සැමියා වහා පහළට දිව විත් බලනවිට තම බිරිඳ නිවසේ ඉහළ මාලයට නගින පඩි පෙළ පාමුල ඇද වැටී ‘සර්පයෙක්, සර්පයෙක්, එන්න එපා’ යනුවෙන් කෑගසමින් සිටියාය.
වහා ක්රියාත්මක වූ සැමියා නිවසේ විදුලි පහන් සියල්ල දල්වා විපරම් කර බලද්දී ඔහුට කාරණය වැටහුණ අතර තම බිරිඳ එදින රාත්රියේම රෝහල් ගත කිරීමට ඔහුට සිදුවිය.
සිද්ධිය වී ඇත්තේ තම පුතු විසින් දහවල් කාලයේ ක්ලේ ආශ්රයෙන් කරන ලද සර්ප නිර්මාණය තම මවට පෙන්වීම සඳහා නිවසේ ඉහළ මාලයට නගින පඩිපෙළට සවිකර ඇති අත්වැලේ අලංකාර ලෙස රඳවා තබා තිබීමයි. රාත්රී සේවය නිම කර නිවසට පැමිණි බිරිඳ නිවසේ ඉහළ මාලයට නගිද්දී අත්වැල මත තිබූ සර්ප අනුරුව සීතලට අතට අසුවීම නිසා බියවී තම අත ඇති ජංගම දුරකථනයේ විදුලි පන්දම දල්වා බලද්දී සර්ප අනුරුව දැක කලබලවීම නිසා ඇය පහළට ඇද වැටී මෙම අනතුරට මුහුණපා තිබේ.
සුමති කුඩලිගම
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රෑ වැඩෙන් පසු ගෙදර ආ ඇඟලුම් සේවිකාවගේ අතේ ‘නයෙක්’