හක්මණ විශේෂ - දෙනගම යසන්ත ආරියසේන
නිවෙසින් බැහැරට ගොස් රාත්රී කාලයේ නැවත පැමිණි දියණියගේ සැමියා හොරකු යැයි කෑගසා පොලිසියට අල්ලා දුන් නැන්දණියක පිළිබද අපූරු කතාවක් දකුණු පළාතේ ග්රාමීය ප්රදේශයකින් වාර්තා වේ.
රූමත් දියණියක සිටින මැදිවිය පසුකරමින් සිටි අඹුසැමි යුවළකි. බිරිඳ නිවෙසේ සියලු කටයුතු පාලනය කළාය.
දියණිය පාසලට සහ උපකාරක පන්තිවලට යන එන සෑම අවස්ථාවකම මවද ඇය සමග ගියාය.
මාර්ගගත ක්රමයට අධ්යාපන කටයුතු සිදුකිරීමට යැයි දියණියට නවීන ජංගම දුරකතනයක්ද මවුපියෝ ගෙනවිත් දුන්හ.
විභාගය අවසන් වී සතියක් පමණ ගතවූ පසු දියණිය තරුණයකු සමග පැනගොස් අගනුවර ප්රදේශයේ ජීවත් වූ අතර මාස කිහිපයක් ගතවීමත් සමග තරුණිය සැමියා සමග නිවෙසට පැමිණියාය.
බිරිඳගේ මහගෙදර පදිංචියට පැමිණි තරුණ යුවළ මව්පියන් සමග සතුටින් ජීවත් වූ අතර තරුණ සැමියාට ප්රසිද්ධියේ නිවෙසින් බැහැරට යාමෙන් වැළකී සිටින ලෙස නැන්දණිය උපදෙස් දී තිබූ නිසා අසල් වැසියන් සහ ප්රදේශවාසීහු ආගන්තුකයා පිළිබඳව වැඩි දෙනෙක් දැන නොසිටියහ.
නිරන්තරයෙන්ම වාගේ සවස් කාලයේ නිවෙසින් පිටව යන තරුණ සැමියා රාත්රී කාලයේ නිවෙසට පැමිණියේය. සැමියා පිළිබද තොරතුරු ගමේ අයට හෙළිවේ යැයි බියට පත්ව තරුණ බිරිය සැමියාගේ ගමන් බිමන් වලට නිතරම විරෝධය පළ කරමින් සැමියා පිළිබද සැලකිලිමත් වූවාය.
ඒ මොනවා වුණත් තරුණ සැමියාගේ රෑ ගමන් නතර වන පාටක් නොවිණි.
එක් දිනක් නිවෙසින් පිටතට ගොස් සිටි තරුණ සැමියා රාත්රී කාලයේ පැමිණියේය. බිරිඳගේ නොසැලකිලිමත් බවට උරණ වී නැන්දම්මා ඇයට බැණ වදිමින් දැඩිව දෝෂාරෝපණය කරන්නට වූවාය. තරුණයාද විවිධ දේවල් මේ අතර පවසන්නට වූ අතර අන්තිමේදී නැන්දම්මා බෑනාට බැන වදිමින් සොරෙක් පැන්නා යැයි විලාප තැබුවාය.
කාන්තාවගේ කෑගැසීම නිසා අසල්වැසියන් පැමිණ නිවෙසේ සිටි තරුණයා සොරකු යැයි සිතා පොලීසියට බාරදුන්නේ හොඳවායින් දෙක තුනක්ද අනිමිනි.
පොලිසියට රැගෙන ආ තරුණයට පොලිස් කුඩුවේ ලගින්නට සිදුවූ අතර නැන්දම්මා මෙන්ම බිරියටද කරන්නට දෙයක් නොවීය. පසුදින සිද්ධිය විමර්ශනයට ලක්කළේය.
නිවෙසේ සිටි තරුණයා සොරෙකු නොවන අතර තරුණියගේ සැමියා වන බවත් පවුල් ආරවුලක් හේතුවෙන් බොරු චෝදනාවක් කර ඇති බව හෙළිවිය. තරුණියත් තරුණයාත් අඹුසැමියන් ලෙස ජීවත් වුවත් ඔවුන් නීත්යනුකූලව විවාහ වී නොමැති බවත් විමර්ශනයේ දී අනාවරණය විය.
පොලිසිය සියලු දෙනාට තරයේ අවවාද කරමින් පිරිස මුදාහළ අතර තරුණ සැමියා බිරිඳ හැර දමා ගෙදර ගියේ යළි කෙදිනකවත් පැත්ත පළාතක පස් නොපාගන බව පවසමිනි.
දින කිහිපයක් ගතවන විට සිද්ධිය ගම පුරා පැතිර ගිය අතර හොරු පැමිණ රැගෙන ගියේ මොනවාදැයි ගමේ තරුණයන් විමසීම නිසා තරුණිය සහ මව ප්රසිද්ධියේ ගමන් බිමන් යාමෙන් වැළකී සිටින බව ද සැලවේ.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රෑ ගෙදරට ආ බෑනා හොරෙක් කියා පොලිසියට අල්ලා දීලා