පෙම්වතා තම පෙම්වතියට බිය වී පණ එපා කියා දිවි බේරා ගැනීමට පලා ගිය පුවතක් කන්ද උඩරට ප්රදේශයෙන් වාර්තා වෙයි.
ගැටවර වියේ පසුවන දෙදෙනා එකම ගමේ පදිංචි අය වෙති. කාලය ගෙවී යාමෙන් දෙදෙනා පෙම්වතුන් බවට පත් වූහ.
ගමේ අහුමුලුවල දී හමු වී පෙම්බස් දොඩන දෙදෙනාගේ ජවනිකාව පෙම්වතියගේ නිවසේ අයට එහෙන් මෙහෙන් දැන ගන්නට ලැබුණි.
එහෙත් ඒ බවක් පෙම්වතාගේ පාර්ශවයේ කිසිවකුත් දැන සිටියේ නැත.
දෙදෙනා දිනක් උදේම ගමනක් යාම සඳහා තනි තනියෙන් නිවෙස්වලින් පිටත් වූහ.
ඒ සඳහා දෙපාර්ශවයේ මිතුරන්ගේ ද සහයෝගය ලැබුණි.
අතර මගට ගිය දෙදෙනා හා නඩය එක්ව දවස විනෝදයෙන් ගත කළහ.
කෙසේ වෙතත් ගමේ තරුණ යුවළ නැතිවීම ගැන පෙම්වතාගේ පාර්ශවයේ අය විමසිල්ලෙන් සිටින බවට නඩයේ සිටි අයට ද දැන ගන්නට ලැබුණි.
එම දැන ගැනීම බාධාවක් කර නොගත් ඔවුන් රෑට රෑ වී නිවෙස් කරා පැමිණියහ.
පෙම්වතිය පළමුව ඇයගේ නිවස අසලින් ගිය වෑන් රියෙන් බැස්සාය.
ඊට යාබද දුරකින් පෙම්වතා ද බැස්සේය.
ඔහු එතැන් සිට මීටර් කිහිපයක් අතුරු මාවතක් දිගේ තම නිවස කරා තනියම ගමන් කළ යුතුවිය.
අලින් පැමිණෙන ප්රදේශයකි. පෙම්වතා කලුවරේ යනවා දුටු පෙම්වතියගේ මව ඔහුට රැගෙන යන්නට තම අත තිබු විදුලි පන්දම දෙන ලෙසට දැනුම් දුන්නාය.
එය ඇසු ඇය එක පයින් විදුලි පන්දම ගෙන එය දෙන්නට ඔහු පසු පස දිව ගියාය.
කිසිවකු හෝ රැක සිට තමා පසු පස පන්නා ගෙන එන බව වටහා ගත් පෙම්වතා පණ එපා කියා නිවසට යාම පසෙක තබා අවට ඇති කඳු ගැට පෙදෙසකට දිව ගියේය.
‘දුවන්න එපා කිය කියා පෙම්වතිය ද ඔහු පසු පස ලුහු බැන්දාය.’
කෙසේ හෝ දිව ගොස් කැලෑවේ සැඟවුණු ඔහු පිටුපසින් පන්නාගෙන එන්නේ කවුදැයි කියා විපරම් කර බැලුවේය.
ඒ තම පෙම්වතිය යැයි හඳුනාගෙන “ඇයි ඔයා ගෙදර ගියේ නැත්තේ. මං පස්සේ ඔයා එන බව දන්නේ නැතිවනේ මං පණ එපා කියල දිව්වේ. ඔයා කියලා දන්නවා නම් දුවන්නේ නැහැනේ” යැයි ඔහු පැවසීය.
“අපේ අම්මා ඔයාට කලුවරේ යන්න එපා කියලා විදුලි පන්දම දෙන්න කීවා. ඒක දෙන්නනේ මං පස්සෙන් දිව්වේ” ඇය කීවාය.
අවසානයේ බිය වූ තරම ගෙදර පෙනි පෙනී හැරෙන්නේ නැතිව දෙදෙනා කිලෝ මීටරයකට වැඩි දුරක් දිව ගොස් ඇති බව වටහා ගෙන හිමින් සීරුවේ අන් අයට නොපෙනෙන ලෙසට අලි වෙසෙන පෙදෙස් අතරින් ගමන් කරන අතරවාරයේ විදුලි පන්දම දෙන්නට ගිය තම දියණියට වූ අකරතැබ්බය සොයන්නට ඇයගේ මව ඇතුළු තවත් පිරිසක් ඒ වන විටත් දිවගිය ඉසව්ව පීරන්නට පැමිණෙමින් සිටි නිසා එය පසුදා සිට පෙම්වතාගේ පවුලේ අයටත් දැන ගන්නට ලැබුණු බවත්, ඇති වූ ආරවුල විසඳා ගැනීමට නොහැකි තැන පෙම්වතා තම පවුලේ අයට අභියෝග කරමින් පෙම්වතියගේ නිවසේ බින්න බැස ගත් බවත් දැන ගන්නට ලැබුණි.
මොරගොල්ලාගම සිසිර කැලේගම
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මහ රෑ පස්සෙන් එන පෙම්වතියට බියවූ පෙම්වතා පණ එපා කියා දුවලා
Hemantha Monday, 28 August 2023 03:08 PM
කන්ද උඩරට කොහේද අනේ අලි ඉන්නේ...? මහියංගනේද? බින් තැන්න කියන්න එපැයි එහෙනම්... !