හාරිස්පත්තුවේ මොහොමඩ් ආසික්
මාස කිහිපයකට පමණ පෙර මිය ගිය තම හොඳම මිතුරාගේ ජංගම දුරකථනයෙන් මහ රෑ ලැබුණු දුරකථන ඇමතුමක් නිසා මහා කලබගෑනියක් ඇති වූ පුවතක් කන්ද උඩරට ප්රදේශයක ගම්මානයකින් වාර්තා විය.
සිද්ධිය මෙසේය.
ඔවුන් ඉතා දීර්ඝ කාලයක් තිස්සේ ළඟින්ම ඇසුරු කළ මිතුරන් දෙදෙනෙකි. මොවුන්ගේ මිතු දමට ප්රධාන හේතුව වූයේ දෙදෙනාම එකම කාර්යාලයක දීර්ඝ කාලයක් එක ළඟ මේස දෙකක සේවය කිරීමයි. කාර්යාලයේදී ආහාර ගන්නේද සේවය අවසන් කර කාර්යාලයෙන් පිටව යන්නේද එකටමය. එපමණක් නොව හවස නිවෙසට යාමට පෙර නගරයේ මත්පැන් හලකින් මධුවිත තොල ගාන්නේද එකටමය. එයිනුත් නොනැවතුණු මොවුන්ගේ මිතු දම රාත්රි කාලයේ දෙතුන් වරක් දුරකථකනයෙන් අමතා තොරතුරු කතා කර ගැනීම දක්වා දුරදිග ගොස් තිබිණ.
මෙසේ තිබියදී මෙම මිතුරෝ දෙදෙනා වසරකට පමණ පෙර ළඟ ළඟ දින දෙකකදී කාර්යාලයෙන් විශ්රාම ගත්හ. විශ්රාම යාමෙන් පසුව පෙර මෙන් දිනපතා හමුවීමට අවස්ථාව නොලැබුණද ලැබෙන සෑම අවස්ථාවකදීම මිතුරන් දෙදෙනා හමු වී සුවදුක් කතා කර ගත්හ. පෙර මෙන් එකටම ගොස් ඉඳ හිට මධු විතද තොල ගෑහ.
මෙසේ සිටියදී මාස කිහිපයකට පෙර එක් මිතුරෙක් හදිසියේ අභාවප්රාප්ත වූයේ හදිසියේ හට ගත් රෝගී තත්වයක් උත්සන්න වීම හේතුවෙනි. හොඳම මිතුරාගේ වියෝව නිසා අනෙක් මිතුරා දැඩි චිත්ත පීඩාවකට පත්ව සිටියේය. ඔහුගේ දුරකථනයේ මිතුරාගේ නම සටහන්ව ඇති අංකය නිතර පරීක්ෂා කරන්නට විය. දිනපතා නින්දට යන්නේ ඔහු සිය බිරිය සමඟ තම මිතුරා පිළිබඳව කතා කර දුක බෙදා ගැනීමෙන් පසුවය.
මෙසේ සිටියදී එක් දිනක් රාත්රී කාලයේ මොහුගේ දුරකථනය හදිසියේ නාද වන්නට විය. වහා දිව ගොස් දුරකථනයෙන් කතා කරන්නේ කවුදැයි අංකය බැලූ විට මිතුරාට තරු පෙනෙන්නට විය. ඒ ඇමතුම ලැබී තිබුණේ වසර ගණනාවක් තිස්සේ තමන් සමඟ ඇසුරු කළ මාස කිහිපයකට පෙර මිය ගිය තම හොඳම මිතුරාගේ දුරකතනයේ අංකයෙනි. කෙතරම් මිතුරකු වුවද මිය ගිය අයකුගේ දුරකථනයෙන් ඇමතුමක් ලැබීම ඇඟ කිලිපොලා යන සිදුවීමකි. වහාම ඔහු සිය බිරිඳටද කතා කර මේ බව කීවේ දැඩි බියකින් යුක්තවයි.
බිරිය මේ ගැන එතරම් බියක් නොදැක්වු අතර ඇය පෙරළා එම අංකයට ඇමතුමක් ගෙන බැලුවාය. එහා කොනෙන් කතා කළේ මිය ගිය මිතුරාගේ වැඩිමල් පුතාය. ඔහු පවසා ඇත්තේ තම පියාගේ දුරකතන සිම් පත තමන් භාවිත කරන බවත් මෙම අංකයෙන් නිතර මඟ හැරුණු ඇමතුම් ලැබෙන බැවින් කුමක් හෝ අවශ්යතාවකට ඇමතුම් ගනු ඇතැයි සිතා ඇමතුමක් ගෙන බැලූ බවයි.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැරුණු මිතුරාගෙන්් මහ රෑ ‘කෝල්’ ඇවිත්