උණවටුන – ඩී.ජී. සුගතපාල
ඇය නගරයේ අර්ධ රාජ්ය ආයතනයක සේවය කළ විසි අට හැවිරිදි වියේ පසු වූ කාන්තාවකි. රැකියාවට පැමිණ වසර තුනකින් පමණ ඇය විවාහ දිවියට ඇතුළත් වූවාය. ඇයගේ සැමියා ඇයට අවශ්ය පරිදි සොයාගත් කෙනකු නොව මවුපියන්ට ඕනෑ විදිහට සොයා දුන් කෙනකු විය. එහෙත්, මංගල උත්සවය ජයටම පැවැත්විණ. ආයතනයේ ප්රධානියා ඇතුළු යහළු යෙහෙළියෝ රැසක් ද මංගල උත්සවයට පැමිණ සිටියහ.
මංගල උත්සවයට පැමිණ සිටි ඇයගේ සමීපතම මිතුරියන් විමසා සිටියේ, පැරැණි පෙම්වතා අමතක කොට අලුත් මනාලයකු සමග ආවේ ඇයි ද කියාය. එවිට මංගල ඇඳුම පිටින්ම ඇය කියා සිටියේ, ඔහු කිසි දිනක අමතක නොකරන බවය.
උත්සවයේ කටයුතු අවසන් වීමෙන් පසු නව යුවළ මධු සමය ගත කිරීමට පිටත්ව ගිය අතර, පැමිණ සිටි නෑදෑ හිත මිතුරෝ ද විසිර ගියහ.
දැන් ඇය පදිංචි සැමියාගේ නිවෙසේය. එම නිවෙසේ සිටියේ සැමියාගේ මව පමණි. මව ද බොහෝ දිනවල අල්ලපු ගමේ සිටින දියණියගේ නිවෙසට යාම පුරුද්දක් කරගෙන සිටියාය. මේ අතර ඇය සැමියා නොමැති බොහෝ අවස්ථාවල සිටියේ ජංගම දුරකතනය කනේ ගසාගෙනය.
දිනක් සැමියා නොමැති අවස්ථාවක ඇය සොයා අමුත්තෙක් ආවේය. නිවෙසට ඔහු අමුත්තකු වුව ද ඇයට නම් ඔහු අමුත්තෙක් නොවීය. ඇය මග බලා සිටියේ ද ඔහු කෙදිනක හෝ පැමිණෙන තුරුය. අමුත්තා දෝතින් බදා පිළිගත් ඇය, ඔහු කාමරයටම කැඳවාගෙන ගියාය. ඒ සමගම හතර වටින් කළු කර වැහි වළාකුළු ද පාවී එන්නට විය. සිහිල් සුළං පොද ජනෙල් කවුළු අතරින් කාමරයට රිංගුවේය. ඇය ජනෙල් පියන් වැසුවාය. වසර ගණනාවක සිට පෙමින් වෙලී සිටි දෙදෙනා ආදරයෙන් තුරුළු විය.
එහෙත් බලාපොරාත්තු නොවූ ලෙස සැමියා හදිසියේම පැමිණියේය. වසා තිබූ දොරට සැමියා කිහිප වරක්ම තට්ටු කළත්, දොර ඇරීමට ඇයට ටික වේලාවක් ගත විය. ‘හුළඟේ සද්දෙට මට ඇහුණේ නැහැ’ යැයි ඇය දොර විවෘත කරමින් කීවාය. ඔහු කාමරයට ගොස් ඇඳුම් මාරු කරන විට ඇඳ යටින් කිවිසුමක් පිට විය. ඔහු හතර වටේ බැලුවේය. කාමරයේ මුල්ලක කලිසමක් විය. එය තමාගේ නොවන බව ඔහු දැනගත්තේය.
කුමක් හෝ අසුබ දෙයක් කාමරයේ සිදුව ඇති බව ඔහුට දැනිණ. බිරිඳගේ පැරැණි පෙම්වතා ගැනත් ඔහුට තොරතුරු ලැබී තිබිණ. කලබල නොවූ ඔහු ජංගම දුරකතනයෙන් කිසිවකුට ඇමතුමක් දී, දිගු පොල්ලක් ගෙන ඇඳ යටට දමා ඒ මේ අතට වැනුවේය. පොලු පහර කිසිවකුගේ ඇඟට වදින අයුරු ඔහුට දැනිණ. බිරිඳ දුවගෙන ඇවිත් සැමියාගේ දෙපා ළඟ වැඳ වැටුණාය. එහෙත් ඒ සමගම නිවෙස ඉදිරිපිට පොලිස් ජීප් රියක් නතර විය. පොලිස් නිලධාරීන් පැමිණ ඇඳ යට සිටි පුද්ගලයාට කලිසම අන්දවා ජීප් රථයට නංවා ගත්තේය.
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මනාලියගේ පොරොන්දුව මනාලයාගේ ගෙදර ඇඳ යටින් මතුවෙයි