අගෝස්තු මස විවාහ මංගල්යයට සියල්ල සූදානම් කර තිබිය දී හදිසි කෝපයක දී බැන වැදුණා යැයි පවසා මනාලිය එපා යැයි තරුණයකු හා මවක කෑගල්ල මූලස්ථාන පොලිසියෙන් බැස ගිය බව කෑගල්ල පොලිසිය පැවසීය.
මෙලෙස මනාලිය එපා යැයි පවසා ගොස් ඇත්තේ කෑගල්ල ප්රදේශයේ පදිංචිව සිටින 57 හැවිරිදි දෙදරු මවක හා ඇගේ එකම 24 හැවිරිදි පිරිමි දරුවා බව පොලිසිය පැවසීය.
පොලිසියෙන් බැස ගොස් ඇති කාන්තාව ගුරුවරියකි. ඇගේ සැමියා කෑගල්ල ප්රදේශයේ ආයතනයක සේවය කරන්නේය. මෙම යුවළගේ වැඩිමල් එකම දියණිය විවාහ වී යුරෝපා රටක පදිංචිව සිටින්නීය. 24 හැවිරිදි එකම පිරිමි දරුවා පියා සේවය කරන ආයතනයේ රැකියාවක් කරන්නේය.
මෙම 24 හැවිරිදි තරුණයා කලකට ඉහත දී විවාහ මංගල්යය උත්සවයක දී මහනුවර ප්රදේශයේ 23 හැවිරිදි තරුණියක හඳුනාගෙන දෙපාර්ශවයේ ආශිර්වාද මධ්යයේ 2022 ජූලි මාසයේ දිනක ඔවුන්ගේ විවාහය ද ලියාපදිංචි කළහ. එළඹෙන අගෝස්තු 11 වැනිදා විවාහ මංගල්යය අති උත්කර්ෂවත් අයුරින් සිදු කිරීමට මේ දිනවල ලහි ලහියේ වැඩ කටයුතු සිදු කරන්නේය. මනාලයාගේ මවුපියෝ තම එකම දරුවාගේ විවාහ මංගල්යයට කෑගල්ල ප්රදේශයේ හෝටලයක් ද වෙන් කළහ.
විවාහ මංගල්යය සිදු කර ගැනීමට සිටි තරුණ යුවළ අතර මාසයකට පමණ ඉහත දී දෙදෙනා අතර දුරකතනයෙන් යම් වචන හුවමාරුවක් සිදුව තිබේ. එහිදී තරුණිය තරුණයාට දුරකතනයෙන් මව හා යුරෝපා රටක පදිංචිව සිටින වැඩිමල් සහෝදරියගේ එකම පුතා ඝාතනය කරන බවට පවසා තිබේ. පසුව තරුණයා ඒ සම්බන්ධයෙන් සිය මවට කීවේය.
පසුව තරුණයාගේ මව ඉකුත් දා කෑගල්ල මූලස්ථාන පොලිසියට පැමිණ මනාලියගේ ප්රකාශය ඉදිරිපත් කර ඇය තම පුතාට එපා යැයි පවසා පැමිණිල්ලක් ඉදිරිපත් කර තිබුණි.
පැමිණිල්ලට අනුව පොලිසිය විසින් දෙපාර්ශ්වය කෑගල්ල මූලස්ථාන පොලිසියේ විවිධ පැමිණිලි අංශයට කැඳවා තිබුණි.
එහිදී තරුණයාගේ මව පොලිසිය හමුවේ තමන්ගේ පවුල ආර්ථික දුෂ්කරතා හමුවේ ගොඩ ආ පවුලක් බවත් එකම දියණිය විවාහ වී යුරෝපා රටක දැනට පදිංචිව සිටින බවත් පැවසුවාය. සැමියා හා එකම පුතා රඹුක්කන ප්රදේශයේ ආයතනයක සේවය කරන බවත් තමන් ද ගුරුවරියක බවත් පැවැසුවාය.
පුතාගේ කැමැත්තට මනාලියක සොයා ගත් බවත් 2022 විවාහය ලියාපදිංචි කර විවාහ මංගල්යය ඉදිරියේ දී ගැනීමට සිටි බවත් පැවසුවාය. පසුව එළඹෙන අගෝස්තු 11 වැනිදා විවාහ මංගල්ය උත්සවය සිදු කිරීමට සියල්ල සූදානම් කර සිටිය දී දෙදෙනා අතර යම් බහින් බස් වූ අවස්ථාවක මනාලිය තමා හා විදේශ ගතව සිටින දියණියගේ පුතා ඝාතනය කරන බවට දන්වා ඇති බවත් පැවසුවාය.
කැන්දාගෙන යෑමට පෙර එලෙස කතා කරනවා නම් කැන්දාගෙන ගියාට පසුව කොහොම තියෙයි ද යන්න පිළිබඳ හැඩූ කඳුළින් පැවසුවාය. තමාට මනාලිය එපා බව ද වැඩිදුරටත් කීවාය.
එහිදී තරුණිය පොලිසිය හමුවේ කියා සිටියේ තමන් එවැනි දෙයක් කිව්ව බවත් සමාව ලබාදෙන ලෙසත් බැගෑපත්ව පොලිසිය ඉදිරියේ දී ඉල්ලීමක් කළාය.
පසුව පොලිසිය දෙදෙනාට වැඩි වයසක් නොමැති බවත් ජීවිතය ගැන අවබෝධ ඇති කරගෙන දෙදෙනා ජීවත් වෙන ලෙස දැන්වීය. එහිදී තරුණයා තමන් මුලදී පෙම්වතියට ආදරය කළ බවත් ඒ ආදරය හා සමාන ආදරයක් තම මවට ද ඇති බවත් පැවැසීය. තමාට පෙම්වතිය දැන් එපා වූ බවත් වැඩිදුරටත් පැවසීය. පසුව තරුණයා හා තරුණයාගේ මව ද මනාලිය එපා යැයි පොලිසියෙන් පිටව ගියහ.
කෑගල්ල අධිකරණ චමින්ද වැවතැන්න
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මනාලිය බැන්නැයි මනාලයා පොලිසි ඇවිත්