බෙන්තොට ජේ. ඉඳුරුවගේ
පන්සලේ කඨින දානය සඳහා කට්ලට් පිසූ උපාසිකාවකගේ අතැඟිල්ලේ පැලඳි රන් මුදුවේ අල්ලා තිබී හැලුණු රතු මැණික් ගලක් සෙවීමට ඇය විසින් පිසූ සහ නොපිසූ සියලු කට්ලට් කඩා දැමූ බව කියන පුවතක් දකුණු පළාතේ මුහුදු බඩ ගම්මානයකින් වාර්තා විය.
කඨින පින්කමේ දානයට මෙම උපාසිකාව බාර ගෙන තිබුණේ කට්ලට් සාදා දීමයි. කට්ලට් සැකසීමට අවශ්ය තැම්බූ අල සහ මාළු ඇතුළු ආහාර ද්රව්ය අවශ්ය පරිද කලවම් කර අනා සකස් කළේ ඇයගේ දෑතිනි.
ඉන් පසු කලවම් කළ ආහාර මිශ්රණයෙන් සකසා ගත් ගුලි එකින් එක තෙල් තාච්චියට දමා කට්ලට් බදින්නට පටන් ගත්තේ ඉමහත් ශ්රද්ධාවෙනි.
ඒ අතරේ ඇය තම අතැඟිල්ලේ පැලැඳ තිබූ මුදුවේ සවිකර තිබූ කුඩා රතු මැණික් ගල නොමැති බව දැක කලබල වී කට්ලට් බැදීමත් නතර කර මැණික් ගල සොයන්නට වූවාය. නක්ෂත්රකරුවෙකුගේ උපදෙස් පරිදි එම මැණික් ගල මුද්දට සවිකර තිබුණේ ඇයට බලපා තිබූ ග්රහ අපලයක් දුරු කරගැනීමටය.
ඒ වන විට නිවසේ සිටි තම දියණියකද සමගින් මුලුතැන්ගෙයි ඇතුළු ගෙය හැමතැනම සොයා බැලුවත් මැණික් ගල හමු නොවිණි.
අවසානයේ මවත් දුවත් තීරණය කරන ලද්දේ අතින් කට්ලට් මිශ්රණය සැකසීමේදී මුදුවෙන් ගල ගැලවී එම මිශ්රණයට කලවම් වන්නට ඇතැයි කියාය.
ඒ අනුව දෙදෙනාම එකතුවී ඒ වන විට බැද නොතිබූ කට්ලට් සහ බැද තිබූ කට්ලට් සියල්ල කඩා කුඩු කර පරීක්ෂා කළේ තරගයට මෙනි. නමුත් මැණික කට්ලට්වල නොතිබිණි.
මේ වන විට දානයට කට්ලට් ගෙන යා යුතු වෙලාවද ළංවී තිබුණෙන් මැණික් ගල සෙවීම පසෙකලා දෙදෙනාම එක්ව කඩා දැමූ කට්ලට් යළිත් වතාවක් ගුලි කරමින් ලහි ලහියේ කට්ලට් සාදන්නට පටන් ගත්හ. නමුත් කාලය මදි වූයෙන් බාර ගත් කට්ලට් ප්රමාණයෙන් අඩක් පමණක් දානයට ගෙන යාමට උපාසිකාවට සිදුවූවාය.
උපාසිකාව දියණියද සමග හිත අසතුටෙන් මෙන් කට්ලට් රැගෙන පන්සලට යද්දී අම්මේ හිත නරක් කර ගන්න එපා. ගල නැතිවුණේ අපලේ ඉවර නිසා වෙන්න ඇතැයි කියමින් දියණිය මව අස්වැසුවාය.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මුද්දේ මැණික් ගල හොයන්න දානෙට හැදු කට්ලට් කඩා දාලා