තලාතුඔය ටී .එච්. සරත්
අවමංගල්ය උත්සවයක් වෙනුවෙන් මහමඟ දෙපස සිටුවා තිබූ කොඩි කණුවක් මත්පැන් පානයට මුදල් සොයා ගැනීම සඳහා රහසේ ගලවාගෙන ගොස් කැබලිවලට කපා විකිණීම සඳහා රැගෙන යමින් සිටි පුද්ගලයකු පිළිබඳ පුවතක් තලාතුඔය, මාරස්සන ප්රදේශයෙන් වාර්තා වේ.
එය තලාතුඔය, මාරස්සන ප්රදේශයේ මළ ගෙදරකි. අවසන් කටයුතු පැවැත්වෙන දින මඟ දෙපස සුදු කොඩි දමා සැරසුවේ ප්රදේශයේ මරණාධාර සමිතිය මගිනි. ප්රදේශයේ තරුණ පිරිස මේ සඳහා මූලිකත්වය ගෙන කටයුතු කළහ.
එදින සවස් යාමයේ එක් ස්ථානයක සිටුවා තිබූ කොඩි කණුවක් අතුරුදන්ව ඇති බව තරුණ පිරිසට පෙනී ගියෙන් ඒ පිළිබඳව සොයා බැලීමට පිරිස උනන්දු විය. ගැල්වනයිස් බටවලින් සැකසූ කොඩි කණු අඩි හයකට වඩා උසින් යුක්ත වන අතර සෑහෙන බරකින් ද යුක්ත බැවින් රැගෙන යාම එතරම් පහසු නොවන බව තරුණ පිරිස ද දනිති. ඒ නිසාම ඔවුන් කළේ ගමපුරා විමසුම් කටයුතු ආරම්භ කළේ මළ ගෙදරකට කොඩි කණුවක්වත් සිටුවන්න බැරි තරම් ගම පිරිහෙලා දැයි සැකයෙන් යුතුවය.
මේ අතර ඔවුන්ට ගමේ සිටින සුරා ලෝලියකු පිළිබඳව සැකයක් ඇති වුණේ ඔහුගේ කල්ක්රියාව පිළිබඳව දන්නා හෙයිනි. ඔහුගේ ගමන් බිමන් පිළිබඳව විමසිලිමත්වීමේදී ගමන් මල්ලක යමක් දමාගෙන නගරය දෙසට යන ඔහු දැක පරීක්ෂාවට ලක් කළහ.
කැබලි කිහිපයකට කැපූ ගැල්වනයිස් බටය ගමන් මල්ලේ තිබී හමුවීමත් සමග ඔහු අල්ලා ගෙන මරණාධාර සමිතියේ ප්රධානියා වෙත ගෙන ගිය අතර, සියලු දෙනා එක්ව ඔහුගෙන් ප්රශ්න කරද්දී ඔහු පැවසූවේ “අනේ බුදු මහත්තයෝ දවස් තුනකින් රා කට්ටක් බිව්වේ නෑ, ඒකයි කොඩි කණුවක් කැපුවේ, සමාවෙන්න ” යනුවෙනි .
විශ්රාමික විදුහල්පතිවරයකු වූ මරණාධාර සමිති ප්රධානියා “තෝ මැරුණත් අපි කොඩි දානවා, එහෙව් එකේ ඇයි යකෝ කොඩි කණුවක් කපන්නේ ? ගමේ හැමෝටම තියෙන පොදු දේපළක් මේ. දවස් දෙකක් දෙනවා කොඩි කණුවක් ගෙනත් දීපන්, නැතිනම් පොලීසියට යනවායි ” පවසා තිබේ.
‘ගම පිරිහෙන හැටි දැකලා මට මේ සුබසාධක වැඩත් එපා වෙලා’ යි පැවසූ විශ්රාමික විදුහල්පතිවරයා ‘මෙයාට කවුරුත් ගහන්න එපා’ යයි පවසා තරුණ පිරිස පිටත්කර හැරියේය.
කෙසේ වෙතත් සිද්ධිය සම්බන්ධයෙන් පොලීසිය දැනුම්වත් කිරීමට ඔහු පියවර ගත්තේය.
විහාරස්ථානයක් අසල කාත්කවුරුවත්, හව් හරණක් නැති අසරණයන් පුදුම කරන්නට ගිය අයෙකුට තමාට පුදුමයෙනුත් පුදුමවෙන්නට සිදුවූ අපූරු පුවතක් දකුණේ නගරයකින් අසන
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මත්පැන් වඩියට මළ ගෙදර කොඩි කණුවත් හිලව් කරගෙන