මොරගොල්ලාගම සිසිර කැලේගම.
සාස්තර ඇසීමට ගිය පියකු සාස්තර කියන විලාසය දැක කෝපයට පත්ව තම ආරූඪ පුත්රයාට කනේ පහරක් ගසා එතැනින් නික්ම ගිය පුවතක් ගල්කිරියාගම පොලිස් වසමට අයත් ගම්මානයකින් අසන්නට ලැබුණි.
පුත්රයා ආරක්ෂක අංශයේ සේවයේ නියුතු අයෙකි. නිසි කල වයස සපිරුණු ඔහු පසුගියදා විවාහ වුණි. මවුපියන් වෙසෙන නිවසට පුත්රයා මනාලිය කැඳවාගෙන පැමිණියේය.
ඔහුගේ යුග දිවි ගමනට සුබ පතන්නට අවට මිතුරෝ එක්ව සිටියහ.
රාත්රියේ මිතුරන්ගෙන් වෙන්ව තනි වූ පුත්රයා සිය සහකාරිය සමග මවුපියන් වෙසෙන නිවසේ ඔවුනට වෙන් වූ කාමරයට ගොස් සිටින අතරේ පුත්රයාගේ කතා බහා වෙනස් වුණි.
එය දැක බිය වූ නවක මනාලිය කාමරය අතරින් එළියට පැන සිද්ධිය නිවසේ සිටි නැන්දා මාමාට පැවසුවාය.
ඔවුහු වහ වහා කාමරය දෙසට දිව ගියහ.
පුත්රයාට දේව ආරූඪයක් වැහී එන බව ඔවුන්ට වැටහිණි.
තම පියා එකල උඩැක්කි කවි කීමට සමතෙකි. මෙම නිවසේ එකල වාර්ෂිකව බත් මාලා පවා තිබූ නිවසකි.
මේ නිසා දේව විශ්වාසය ගැන පියාට ද ඇත්තේ පුදුමාකාර භක්තියකි.
පියා වහා පුටුවක් ගෙනැවිත් තැබීය. ඒ මත සුදුපාට රෙද්දක් අතුරා තම පුතුට වාඩි වීමට ඉඩ සලසා දුන්නේය.
එහි වාඩි වූ පුතා පියාගේ අත අල්ලා ගත්තේය.
බුලත් අතක් අරගෙන ඇවිත් සාස්තරයක් ඇසීමට සූදානම් වෙන ලෙසට ආරූඪව සිටි පුතා පියාට අණ කළේය.
අවට කඩේකට දිව ගිය පියා බුලත් අතක් රැගෙන විත් කහ වතුරෙන් සෝදලා පුතු පුටුවේ වාඩි වී සිටියදී බිම පැදුරක් දමා එකත් පසෙක වාඩි වුණේය.
පුතා දේව භාෂාවෙන් කතා කරන්නට විය.
“තමාගේ ගෙදර අය දැන් ලෙඩ වෙනවා නේද?
ඉස්සර බත් මාලාව දුන්නා. ඒ කාලේ ගෙදරට විතරක් නෙමෙයි ගමටම තිබුණු පිහිට දැන් කොයි. ඒ හින්දා වෙච්චි වැරදි හදා ගනින් දරුවා. නැවතත් බත් මාලා දෙනවා, කියා පඬුරක් ගැට ගහලා මා ඉදිරියේදී පොරන්දු වෙයන්” යනුවෙන් ආරූඪයෙන් පියාට පැවසීය.
සියල්ලට ළෙන්ගතුව යටහත්ව අණ පවතියි, කියා උත්තර දුන් පියා කාසියක් ගෙන සුදු රෙදි කැබැල්ලක පඬුර ගැට ගසන්නට දුම් අල්ලන අතරවාරයේ සවස් යාමයේ වෙන්ව ගිය මිතුරෝ ද එය බැලීමට එතැනට රැස්ව සිටියහ. ඔවුන්ගේ ද හැසිරීම් රටාවන් වෙනස්ය. ඒ ගැන විපරම් කරන පිරිසට දැන ගන්නට ලැබුණේ මොවුන් සවස් යාමයේ එක්ව මත්වෙන යමක් කාලා සිහි විකල් භාවයෙන් පසුවෙන බවයි.
සිද්ධිය වටහා ගෙන ලැජ්ජාවට පත් පියා ‘‘තෝ පිස්සු විකාරයෙන් මත් වෙලාද බොල ඒකට බයිට් එකට මාව අල්ලා ගත්තේ” යනුවෙන් රැස්ව සිටි පිරිස ඉදිරියේම ආරූඪව සිටි පුත්රයාට කනේ පහරක් ගසා දොස් නගමින් නැගිට ගියාලු. ඒ සමගම පුත්රයාගේ ආරූඪයත් ඉවත්ව ගියාලු.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මත් ආරූඪයෙන් පියා “බයිට්’’ එකට අරන්