මව්පියන් දෑවැද්දට දීමට පොරොන්දු වූ ත්රිරෝද රථය නොගෙනාවයි ලේලියත් සමග වචන හුවමාරුවකින් විරසක වී ඇතැයි කියන කාන්තාවක පිළිබඳ පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තා වන අන්දමට සිද්ධිය මෙසේය.
කෑගල්ල ප්රදේශයේ කාන්තාවක රජයේ රැකියාවක් කරන 29 හැවිරිදි පිරිමි දරුවාට රජයේ රැකියාවක් කරන රුවැති මනාලියක සොයනවා යැයි පවසා පුවත්පතක මංගල දැන්වීමක් මීට වසර දෙකකට පමණ ඉහතදී පළ කර තිබේ. මෙම මංගල දැන්වීමට දිවයිනේ නන් දෙසින් ලිපි 60 ට වැඩි සංඛ්යාවක් මනාලයාගේ මවට ලැබුණි.
ගැලපෙනවා යැයි කියන හොඳම ලිපි කිහිපයක් තෝරාගත් කාන්තාව ඒ අතරින් දකුණු පළාතේ මනාලියකගේ මව්පියන් විසින් එවා තිබුණු ඡායාරූපයකට හා විස්තරවලට කාන්තාවගේ හිත ඇදී ගියේය. එවා තිබුණු කේන්ද්ර පිටපත හා පිරිමි දරුවාගේ කේන්ද්ර පිටපත කෑගල්ලේ ජෝතීර්වේදියකු ළඟට රැගෙන ගිය කාන්තාව කේන්ද්ර පිටපත් දෙක බලා දෙදෙනා විවාහයට සුදුසු බව ජෝතීර්වේදියා කාන්තාව හමුවේ විස්තරාත්මකව සනාථ කර දී තිබුණි.
පසුව කාන්තාව ඥාතීන් කිහිප දෙනෙකු සමග මනාලිය බැලීමට පිරිමි දරුවා සමග දකුණු පළාතට දිනක ගියෝය. එහිදී මනාලයා මනාලිය හඳුනාගෙන මනාලිය මනාලයාටත් මනාලයා මනාලියටත් දෙපාර්ශවයේ මව්පියන් ඉදිරියේදී කැමැත්ත ප්රකාශ කෙරිණ.
එහිදී මනාලියගේ මව මනාලයාගේ පාර්ශ්වයට කියා සිටියේ දියණිය ගුරුවරියක බවත් ලක්ෂ 20 ට වැඩි රන් භාණ්ඩ පමණක් ඇය සතුව තිබෙන බවත් ඊට අමතරව නිවසට අවශ්ය ලී බඩු හා ඇයට අයත් අලුත්ම ත්රිරෝද රථය දෑවැද්දට දෙන බවටත් පොරොන්දු වූවාය.
පසුව දෙපාර්ශවයේ කැමැත්ත අනුව විවාහ මංගල්යය ඉකුත් මැයි මාසයට යොදාගැනිණි. මනාලියගේ නිවසේ චාරිත්රානුකූල පළමු දින විවාහ මංගල්යය පවත්වා මනාලයා මනාලිය කැන්දාගෙන කෑගල්ලට පැමිණ විවාහ මංගල්යයේ දෙවැනි දින මනාලයාගේ පාර්ශවයේ උත්සවය කෑගල්ල නගරයේ විවාහ මංගල්යය උත්සව ශාලාවක මහ ඉහළින් පැවැත්විණ.
මනාලියගේ මව්පියන් දෑවැද්දට ගෙනා ලී බඩු ගෘහ උපකරණ බඩු ලොරිය කෑගල්ලේ සිට කිලෝමීටර් පහක් පමණ ඈතින් පිහිටි මනාලයාගේ නිවසට රැගෙන ගොස් නිවසේ සිටි මනාලයාගේ ඥාතියෙක් ලොරි රථය විවාහ මංගල්යය උත්සව ශාලාව අසලට රැගෙන ආවේය.
විවාහ මංගල්යය අවසන් වී දින කිහිපයකට පසුව මනාල යුවළ මනාලියගේ දකුණේ නිවසට ද ගොස් දින කිහිපයක් ගත කර යළි කෑගල්ලේ නිවසට පැමිණ තිබේ. මනාලියගේ මව්පියන් ඊට දින කිහිපයකට පසුව ඇඹුල් තියල් මාළු උයාගෙන බත් ද මී කිරි හට්ටි කිහිපයක් ද රැගෙන යළි දියණිය බැලීමට වෑන් රථයකින් කෑගල්ලේ නිවසට පැමිණ බලා ගොස් සිව් මසකට වැඩිය.
සති දෙකකට පමණ ඉහතදී මනාලයාගේ මව ලේලිය ගෙන් “ දෑවැද්දට අම්මා ත්රිරෝද රථයක් දෙනවා කිව්වා කෝ ත්රිරෝද රථය ” යැයි විමසුවාය.” ‘අම්මා ත්රිරෝද රථයක් දෙනවා කිව්වා තමයි ඒ ත්රිරෝද රථය මගේ. මගේ අම්මා ටිකක් අසනීපෙන් මේ දවස්වල ඉන්නේ. හදිස්සියක් වුණොත් අම්මා රෝහලකට රැගෙන යන්න කියලා මම ඒක තාත්තාට දීලා ආවා’ යැයි ලේලිය නැන්දම්මාට පැවසුවාය.
‘ඇයි අම්මා අසනීප වුණොත් අයියාගේ ත්රිරෝද රථයක් තියෙන්නේ. එ්කෙන් රෝහලකට අරන් යන්න කියා ත්රිරෝද රථය අද හෙටම පුතත් එක්ක ගිහින් අරන් එන්න. නැති නම් පස්සට පස්සට යන කොට තාත්තා දෙන එකක් නෑ. දුව දැන් දරුවෙක් ලැබෙන්න නේද ඉන්නේ. හදිසියේ බෙහෙත් ටිකක් ගන්න යන්න තියෙන්න එපැ යැයි’ පැවසුවේ තරමක් කේන්තියෙනි. ‘අපේ තාත්තා එහෙම කරන කෙනෙක් නෙමේ අම්මේ. මගේ අම්මාට ටිකක් දුරට අසනීප සුව අතට හැරුණාම අරන් එන්නම්’ යැයි පැවසුවාය. දෙදෙනාගේ වචන හුවමාරුව හේතුවෙන් දින කිහිපයක් තිස්සේ ලේලිය හා නැන්දම්මා විරසකව ජීවත්වෙමින් සිටින බව වාර්තා වෙයි.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මඟුලේදී පොරොන්දුවූ ත්රිරෝද දෑවැද්ද නොගෙනාවට නැන්දයි ලේලියි ඇනගෙන