මොරගොල්ලාගම - සිසිර කැලේගම
මනාලියක් බැලීමට කපු මහතා සමග ගිය මනාලයා කපුවා අතරමඟ දමා පලා ගිය පුවතක් නිකවැරටිය ප්රදේශයෙන් අසන්නට ලැබුණි.
මෙම නිවසේ මව්පිය යුවළ මෙන්ම වැඩිමල් පුත්රයා ද රාජ්ය සේවකයෙකි.
වැඩිමල් පුතුගේ කලදවස ඉක්ම යන නිසා ඔහුට ගැළපෙන මනාලියක සෙවීමට මව්පිය දෙදෙනාට අවශ්ය විය.
කෙතරම් සොයා බැලුවත් කිසිවක් ගැළපෙන්නේ නැත. ඒ ඒවා බලන්න යාමටත් පෙර ඡායාරූප දැක හා එම පවුල්වල තොරතුරු ඇසීමෙන් එම පුත්රයා ඒ සියල්ලම “ලත් තැනම ලොප් කර” ඇති නිසාය.
මේ තත්ත්වය මත වැඩිහිටියන් පසු වූවේ දැඩි කනස්සල්ලෙනි. ඔය අතරේ පියා සේවය කරන රාජ්ය ආයතනයට නවක සේවකයෙක් කොන්ත්රාත් පදනමට සේවයට පැමිණියේය.
ඔහු සමඟ කුලුපග වූ ලොක්කා නවක සේවකයාටත් තම පුතුට මනාලියක් සොයන්නට යැයි ඇරියුම් කෙරුවේය.
“අයියෝ සර්, මම දන්න කෙනෙක් ඉන්නවා. ඉටි රූපයෙන් මැව්වා වාගේ ලස්සන ගුරුවරියක්. තවම බඳින්න සොයනවා. එයාටත් කපුකමක් කරන්න කියලා මට කියලා තියෙන්නේ.” හෙතෙම කීවේය.
නවක සේවකයාගේ වදන් ඇසූ ලොක්කාට ඉහේ මලක් පිපුණාක් මෙන් විය. ඔහු ඒ පිළිබඳව තම බිරියටත් කීවේය.
සතුට ඉහ වහා ගිය ලොක්කා සේවකයා රැගෙන කඩයකටත් ගියේය. ඔහුට කන්න බොන්න දී එම බිලත් ලොක්කාම ගෙව්වේ එම සේවකයාට තව තවත් සමීප වීමටය.
“මනාලයා එක්ක ඉස්සරලා ගිහින් ඒ ගැන බලමු. පුතා ඒකට කැමැති නම් කට්ටියම ආපසු යමු.” යැයි කපුවා ගෙනා යෝජනාවට ලොක්කා ද කැමැති විය.
වැඩේ කෙරුණොත් කපු ගාස්තුව දෙපැත්තෙන්ම ගැනීමේ අපේක්ෂාවෙන් කපුවා පසු විය.
ඒ අනුව දිනක් මනාලයා ඔහුගේ සඟයකු කැටුව මෝටර් රථයකින් පැමිණියේ රුවැති මනාලිය දැක ගැනීමට යාමටය.
ඔවුහු දුර කතර ගෙවා ඵම ගමට ළඟා වූහ. මනාලියගේ ගෙදර මිදුලේම රථය නතර කෙරුණි.
නිවසේ සිට ගැබිනියක් එබිකම් කර බැලුවාය.
කපුවා මෝටර් රථයෙන් බැස ලහි ලහියේ දිව ගොස් ඇය හමු විය.
“මිස් බැන්දා ද?”
“ඔව් අයියේ, මං බැන්දා. මේ දෙවැනි දරුවා තමයි හම්බ වෙන්න ඉන්නේ. වැඩිමල් දුව මොන්ටිසෝරි ගියා. එයත් දැන් එයි. එයාලා එනකම් එන්න ඇතුළට.” ඇයගේ ආරාධනයට කපුවා ගෙට යන අතරේ මිදුලේ නතර කර තිබුණු මෝටර් රථය පණගැන්වුණි.
සිව් වසරකට පමණ පෙර කියූ ඇරියුමකට අනුව ඇවිත් ඇති කපුවාගේ කෙරුවාව තේරුම් ගත් මනාලයා හා සඟයා කපුවා එහි දමා පවනට බඳු වේගයෙන් නික්ම ගියහ.
වෙච්ච දේ ඔහු එම නිවැසියන්ට කීවේය. “දැන් මට යන එන මං නෑ. බසයෙන්වත් යන්න මට අතේ පිච්චියක්වත් නෑ.”
දන්නා හඳුනන නිසා නිවැසියන් දුන් බස් ගාස්තුව ගෙන කපුවා ඉර අවරට යන හෝරාවක වටරවුමකින් තම ගෙට ගොඩවුණු බවත්, එදා සිට මේ දක්වා වෙච්ච ලජ්ජාවට ආයතනයේ ලොක්කාගේ මුහුණ බලන්නට බැරිව ඔහු දැන් ආයතනයට යන්නෙත් නැතිලු.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මගුලක් කතා කරන්න ගිහින් රස්සාවත් නැති කරගෙන