ප්රදේශයේ සුප්රසිද්ධ විවාහ මංගල උත්සවයකට පැමිණි විදුහල්පතිවරයකු ඇඳ සිටි කෝට් සාක්කුවෙන් දෙනෝ දාහක් බලා සිටිය දී ලැව් ගින්නක් මෙන් හිටි හැටියේම ගිනි කඳක් මතුවූ පුවතක් දකුණේ සුප්රසිද්ධ හෝටලයකින් වාර්තා වේ.
වාර්තා වන අන්දමට සිද්ධිය මෙසේය.
ඔහු දකුණේ ප්රසිද්ධ විදුහලක විදුහල්පතිවරයකු ලෙස සේවය කර විශ්රාම ගොස් සිටි ප්රදේශයේ ජනතාවගේ හොඳ නමක් දිනා ගත් විදුහල්පතිවරයෙකි. මේ වන විට විශ්රාම ගොස් ටික කලක් ගත වුවද ප්රදේශයේ පවතින සෑම උත්සවයක් සඳහාම ඔහුට ආරාධනා කිරීම සාමාන්ය සිද්ධියක් විය.
ඒ අනුව ප්රදේශයේ ව්යාපාරිකයකුගේ දියණියකගේ විවාහ මංගල උත්සවයකට ආරාධනා ලැබූ ඔහු බිරිඳ ද සමඟ එම අවස්ථාවට සහභාගි වීමට පිටත් වූයේ ජැන්ඩි පහට හැඳ පැළඳ මහත් උජාරුවෙනි. කෙසේ වුවද මධුවිත ටිකකින්ද සප්පායම් වූ ඔහුට දුම් වැටියක අවශ්යතාව තදින්ම දැනුණ අතර එහි කිසිවකු ළඟ සිගරට් නොතිබුණි.
එහෙත් ඔහුගේ සාක්කුවේ එකම එක සිගරට්ටුවක් විය. එය එක්වරම පානය කිරීමට ඔහු කැමැත්තක් නොදැක්වූයේ ආහාර ගැනීමෙන් පසුවද දුම් වැටියක් අවශ්ය බැවිනි. එබැවින් නිස්කලංක ස්ථානයකට ගොස් සිගරට්ටුවෙන් භාගයක් බී ඉතිරිය නිවා කඩදාසි කොළයක ඔතා කෝට් සාක්කුවේ බහාගෙන නැවත ශාලාවට පැමිණ බිරිඳ අසලට වී වාඩිවී සිටියේ කිසිවක් සිදු නොවූ අයුරිනි. එයට හේතුව වූයේ ඔහු සිගරට් පානය කිරීම පිළිබඳ බිරිඳ ද දැඩි විරෝධයක් දැක්වූ බැවිනි.
ටික වේලාවක් මෙසේ සිටින විට එක් වරම විදුහල්පතිවරයාගේ කෝට් සාක්කුවෙන් ලැව් ගින්නක් මෙන් ගිනිදැල්ලක් මතු විය. එය දුටු සියල්ලන්ම කලබල වූ අතර පැමිණි පිරිස මේසයක් මත තිබූ වතුර වීදුරු කිහිපයකින් කෝට් බෑය තෙමීමෙන් පසු ගින්න පැතිරී යෑම වැළකුණි.
මෙය සැමටම ප්රහේලිකාවක් වූ අතර මෙසේ ගින්නක් ඇති වූයේ කෙසේද යන්න ගැන සියල්ලන්ම සිහින මවන විට මෙම සිදුවීම දුටු අයෙකු පැමිණ පැවසුවේ ‘‘සර්, සිගරට් එකක් බීල භාගයක් නිවල කෝට් සාක්කුවේ දාගත්තානේ. එය නිවිල තියෙන්න නෑ. කඩදාසියට ආයි ඇවිළෙන්න ඇති.’’ යැයි පවසන විට විදුහල්පතිවරයාට හීන් දහඩිය දැමූ අතර සියලු දෙනාම මුහුණට මුහුණ බලා ගත්තේ එය පැහැදිලිව තේරුම් ගත් බැවිනි.
මේ අතර බිරිඳ මහත් ලැජ්ජාවෙන් තම ස්වාමියාට දොස් කියන අයුරු දුටු මඟුල් ගෙදරට පැමිණි තවත් වැඩිහිටියකු පැවසුවේ එය ඉතා සුළු සිද්ධියක් බවත් මේවා පිටතට යා යුතු තරම් දේවල් නොවන බවත්ය.
කෙසේ වුවද විදුහල්පතිවරයා හිතවතකු සමඟ පැවසුවේ සුළු ලාභයක් සොයා ගොස් රුපියල් 40,000 ක් වටිනා ඇඳුම නැතිවී යාම දරා ගත නොහැකි බවයි.
මෙම සිදුවීම රහසක් සේ තබා ගන්නා ලෙස පැමිණ සිටි නෑ හිතවතුන් පිරිසේ වැඩි දෙනා කතාකරගත් නමුත් ඇතැමුන් විදුහල්පතිවරයා දුටු විට නක්කල් සිනහවකින් සංග්රහ කරන අතර එවිට කිසිවක් නොකියා විදුහල්පතිවරයා මාරුවී යනවාලු.
රජ්ගම විශේෂ - ධර්මදාස සිරිවර්ධන
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මංගල උළෙලට ආ විදුහල්පතිගේ කෝට් සාක්කුවේ ලැව් ගින්නක්