(කමල් ශ්‍රී ලියනගේ - කොස්ගොඩ)
 බස් රථයක් තුළදී තරුණියන් පිරිසකට නිරුවත  පෙන්වූ 58 හැවිරිදි  අනංගයකු ගුටිබැට පූජාවක්ද දී පොලීසියට බාරදීමේ සිද්ධියක් අම්බලන්ගොඩ ප‍්‍රදේශයෙන් වාර්තා විය.


මෙම බසය අම්බලන්ගොඩ බස් නැවතුමේ සිට බද්දේගම දක්වා ධාවනය කිරීමට සුදානම්ව තිබුණි. බසය පිටත් වීමට තවත් විනාඩි කීපයක් තිබූ අතර සෑහෙන සෙනගක් එයට  ගොඩවී සිටියහ.


 පිටුපස අසුනේ දඟකාර තරුණියෝ කීපදෙනෙක් උසුළු-විසුළු කරමින් විනෝදයෙන් සිටියහ. ඉදිරි අසුනක වාඩිවී සිටි පුද්ගලයකු හිටි හැටියේම සරම බුරුල් කොට තරුණියන්ට නිරුවත පෙන්වා තිබේ. මේ අශෝභන සිද්ධියෙන් බියට පත් තරුණියක් කෑ ගසා බසයෙන් එළියට  පැන බස් නැවතුමේ සිටි අයට සිද්ධිය පවසා ඇත.


පිරිමින් කීපදෙනෙකු එකතුවී ඔහුට හොඳ ගුටිබැට පූජාවක් දී ඔහු  අම්බලන්ගොඩ පොලීසියට බාර දෙනු ලැබීය.
කළ වරදට ඔහුට පොලිස් සිර මැදිරියේ පැය  කීපයක් ගත කිරීමට සිදුවිය.