සොහොයුරියගේ නිවස සොරු බින්ද ආකාරයටම සිය නිවසද සොරු බිඳ ඇති බව පෙන්වීමට සාධක ඇති කරමින් භාර්යාවගේ මුදල් සහ රන් භාණ්ඩ සොරාගෙන බූරුවා ගැසූ සැමියකු පිළිබඳ පුවතක් අම්බලන්ගොඩ පොලීසියෙන් අසන්නට ලැබේ.
අම්බලන්ගොඩ, ගලගොඩ ප්රදේශයේ නිවසක ජනේලයක දැල් ආවරණයක් ගලවා නිවසේ තිබූ මුදල් හා භාණ්ඩ සොරකම් කිරීම සම්බන්ධයෙන් අම්බලන්ගොඩ පොලීසියට පැමිණිල්ලක් ලැබෙන්නේ ඉකුත් දිනෙකය. එම පැමිණිල්ලට අනුව අම්බලන්ගොඩ මූලස්ථාන ප්රධාන පොලිස් පරීක්ෂක පසන්න ඇල්ගිරියගේ මහතාගේ උපදෙස් පරිදි අපරාධ අංශයේ ස්ථානාධිපති පොලිස් පරීක්ෂක පී.එම්. ඉරාන් මහතා ඇතුළු පොලිස් නිලධාරීහු එම සොරකම සම්බන්ධයෙන් පරීක්ෂණ පැවැත්වීමට එම නිවසට ගියහ.
ජනේලය කඩා එහි තිබූ දැල් ආවරණය ගලවා දමා නිවසට පැන ඇති බව ඉරාන් මහතා ඇතුළු පොලිස් නිලධාරීහු නිරීක්ෂණය කළහ. මේ ජනේලයේ රළු පෘෂ්ඨය නිසා එහි ඇඟිලි සලකුණු සටහන් නොවන බව දුටු පොලිස් නිලධාරීන් කීවේ එම ස්ථානයේ ඇඟිලි සලකුණු ගැනීමට නොහැකි බවකි. පොලිස් නිලධාරීහු කසුකුසු ගෑහ. මෙය එහි අවධානයෙන් සිටි කිහිපදෙනෙකුගේද කණ වැකුණි.
මේ සොරකම සිදුවී පැය කිහිපයක් යන්නට මත්තෙන් එම සොරකම සිදුවූ නිවසට මීටර් කිහිපයක් දුරින් නිවෙස් හිමි කාන්තාවගේ සොහොයුරකුගේ ද නිවස බිඳ රන් ආභරණ සොරකම් කර ඇති බවට තවත් පැමිණිල්ලක් අම්බලන්ගොඩ පොලීසියට ලැබුණි. ඒ සඳහා ද ක්රියාත්මක වන පොලිස් පරීක්ෂක ඉරාන් මහතා එම නිවස ද පරීක්ෂාවට ගියේය. කලින් නිවසේ මෙන්ම මේ නිවසේද ජනේලයේ දැල් ආවරණය ගලවා දමා තිබුණි. හැබැයි කලින් නිවසේ දැල් ආවරණය ගලවා දමා තිබුණේ නිවසින් පිට සිටය. මෙහි ජනෙල් දැල් ආවරණය ගලවා දමා තිබුණේ නිවස තුළ සිටය. ඒ වගේම යම් සිදුවීමක් පිළිබඳව පොලිස් විමර්ශන සිදුවන ප්රදේශයක් ආසන්නයේම තවත් සිදුවීමක් නොවන්නේ පොලීසිය නිබඳව එම ප්රදේශයේ නිරන්තරයෙන් ගැවසෙන බැවිනි.
මේ කාරණා දෙක ගැඹුරට විශ්ලේෂණය කළ පොලිස් පරීක්ෂක ඉරාන් මහතා සොරකම සිදුවූවායි කියමින් පැමිණිල්ල දැමූ නිවෙස් හිමියා ගැනම සැකකරන්නේ එදා දවසේ ගලගොඩ ප්රදේශයේ පවත්වාගෙන ගිය බූරුවා සූදු පොළකදී ඔහු ලොකු මුදලක් පරාජයවීම සම්බන්ධයෙන් ලැබුණු තොරතුරකට අනුවය. එදින ඔහු ළඟ විශාල මුදලක් රැඳීමට කිසිදු හේතුවක් නැති බවද එදා රැකියාවට ගොස් සිටි ඔහුගේ භාර්යාවගෙන් ද තොරතුරු ලැබුණ නිසාය.
භාර්යාව රැකියාවට ගිය අතරේ ඔහු ඇය සතු මුදල් හා රන් භාණ්ඩ නිවසින් ගෙන ගොස් උකස් කර බූරුවා ගැසීමට යොදාගත් බවත් එම දේපොළ සොරකම් කොට ඇති බව ඒත්තු ගැන්වීම සඳහා සිය සොහොයුරියගේ නිවස සොරුන් බින්ද ආකාරයටම ජනේලයේ දැල් ආවරණය ගලවා දැමූ බවට පොලීසිය ඉදිරියේ පිළිගත්තේ පොලිස් පරීක්ෂක ඉරාන් මහතාගේ ප්රශ්න කිරීම් හමුවේය.
විහාරස්ථානයක් අසල කාත්කවුරුවත්, හව් හරණක් නැති අසරණයන් පුදුම කරන්නට ගිය අයෙකුට තමාට පුදුමයෙනුත් පුදුමවෙන්නට සිදුවූ අපූරු පුවතක් දකුණේ නගරයකින් අසන
බෑනාගේ පක්ෂයේ මැයි රැලියට යන්න එන්නේ නැතිව වෙනත් පක්ෂයක මැයි රැලියට ගියයි කියා බෑනා තම මාමණ්ඩිය ගෙදරින් එළවා දැමූ පුවතක් බස්නාහිර පළාතේ පස්දුන් කෝරළ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බූරුවා ගහන්න සල්ලි හොයන්න එකම තාලෙට ගෙවල් බිඳලා....