සිය බිරිඳ දෙවැනි දරුවා ප්රසුත කිරීමට රෝහලට රැගෙන යාමට ලහි ලහියේ ත්රීරෝද රථයක් සොයමින් එහාට මෙහාට දුව පනිමින් සිටින අවස්ථාවේ දී අල්ලපු නිවසේ වයෝවෘද්ධ පුද්ගලයකු පැමිණ එක් දරු පියාගේ ගිනිගෙන තියෙන රැවුලෙන් සුරුට්ටුවක් පත්තු කර ගැනීමට ගියා යැයි කියන සිද්ධියක් සම්බන්ධයෙන් පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
කෑගල්ල ප්රදේශයේ ග්රාමයක 33 හැවිරිදි එක් දරු පියෙක් සිටියි. මෙම එක් දරු පියාගේ බිරිඳ ඉකුත් දිනෙක දෙවැනි දරුවා ප්රසුත කිරීමට රාත්රි කෑ කෝ ගසන්නට පටන් ගෙන තිබේ. පසුව එක් දරු පියා බිරිය රෝහලට ඇතුළත් කිරීමට ගමේ ත්රීරෝද රථයකට දුරකතනයෙන් ඇමතුමක් ගත්තේය. එහිදී ත්රීරෝද රථ රියැදුරු කියා ඇත්තේ තමන් දුර පළාතක සිටින බවත් වෙනත් ත්රීරෝද රථයක් සොයා ගන්නා ලෙසත්ය.
පසුව එක් දරු පියා ත්රීරෝද රථ කිහිපයකට දුරකතනයෙන් කතා කරමින් එහා මෙහා දුව පනිමින් සිටින අවස්ථාවේ දී අල්ලපු ගෙදර 87 හැවිරිදි වයෝවෘද්ධ පුද්ගලයා මේ බව දැක එක් දරු පියාගේ නිවසට පැමිණ තිබේ. වයෝවෘද්ධ පුද්ගලයාගේ කන තරමක් ඇසීමේ අඩුවක් ඇති අතර වැඩිපුර ඔහු සුරුට්ටු පානය ද කරයි. වයෝවෘද්ධ පුද්ගලයා පැමිණ මිනිත්තු කිහිපයකට පසුව සුරුට්ටුවක් එහාට මෙහාට තලමින් එක් දරු පියාගෙන් නිවසේ ගිනි පෙට්ටිය ඉවර වී ඇති බවත් සුරුට්ටුව පත්තු කර ගැනීමට ගිනි පෙට්ටියක් ලබා දෙන ලෙසත් ඉල්ලීමක් කර ඇති බව වාර්තා වෙයි.
පසුව එක් දරු පියා කියා ඇත්තේ” අනේ මාමේ මගේ රැවුල ගිනි අරන් තියෙන වේලාවේ මාමත් එනවා ද ඒකෙන් සුරුට්ටු පත්තු කරන්න යැයි හයියෙන් කනට කිට්ටු කර පවසා තිබේ. එම කියමන ඇසී ඇති 87 හැවිරිදි පුද්ගලයා එක් දරු පියාට පැමිණ සිටි අසල්වැසියන් කිහිප දෙනෙකු ඉදිරිපිට දොස් නගන්නට විය.
පසුව වයෝවෘද්ධ පුද්ගලයාගේ ලේලියට මේ බව ඇසී පැමිණ වයෝවෘද්ධ පුද්ගලයා නිවසට රැගෙන යාමට උත්සහ කළ ද පලක් නොවීය.
“තාත්තා කෑ ගහන්න එපා මේ ගෙදර දුවට දරුවෙක් ලැබෙන්න රෝහලට ගෙන යන්න ත්රීරෝද රථයක් සොයනවා. තාත්තා ගිහිල්ලා ඒ දරුවාගේ රැවුල ගිනි අරන් තියෙන වේලාවේ සුරුට්ටුවක් පත්තු කරන්න ගිනි පෙට්ටියක් ඉල්ලන එක සම්පූර්ණයෙන්ම වැරදියි. තාත්තාට වයස ගිහිල්ලා එක තේරෙන්නේ නැති හැටියක් තමයි මට පෙන්නේ.”
“ඒ වුණාට ගිනි පෙට්ටිය දෙන එක ලොකු වැඩක් නෙමෙයිනේ. ගිනි පෙට්ටිය දුන්නා නම් කතාව ඉවරයිනේ. වයෝවෘද්ධ පුද්ගලයා ලේලිය හමුවේ පැවසීය.
පසුව ලේලිය අමාරුවෙන් වයෝවෘද්ධ මාමණ්ඩිය නිවසට කැඳවාගෙන ගිය බව වාර්තා වෙයි.
කෑගල්ල අධිකරණ චමින්ද වැවතැන්න
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බිරිය විලිරුදාවෙන් කෑගසද්දී යාළුවා සුරුට්ටුව පත්තුකරන්න ගිනිපෙට්ටිය ඉල්ලලා