හක්මණ විශේෂ - දෙනගම යසන්ත ආරියසේන
පාරිභෝගික අධිකාරියේ නිලධාරින්ට බියෙන් බිත්තර පෙට්ටිය කඩේ පිටුපස ලඳු කැලෑවේ සැඟවූ ව්යාපාරිකයකුට ලැබුණ අපූරු දඬුවමක් පිළිබඳ කතාවක් දකුණු පළාතේ ග්රාමීය ප්රදේශයකින් වාර්තා වේ.
විවිධ ක්රම මගින් මුදල් ඉපයීම සිදුකළ පුද්ගලයකු සිල්ලර සහ කුකුළු මස් කඩයක් පටන් ගත් අතර කිසිදු දෙයක් අඩු මිලට එහි අලෙවි නොකළේය. සෑම අවස්ථාවකම අසීමිත ලාබයක් උපයා ගැනීම ඔහුගේ අභිලාසය විය.
මැදිවියේ පසුවූ මුදලාලිගේ බිරිය රූමත් තැනැත්තියක වූ අතර ඇය ද මුදලාලිට දෙවැනි නොවන ලෙස වෙළෙදාම්වල නිරතවූවාය.
මහජන සෞඛ්ය පරීක්ෂකවරුන් හෝ නගර සභාවේ නිලධාරීන් හෝ පැමිණෙන බවට ආරංචියක් ලැබුණු දිනවලදී වෙළෙඳසල වසා තැබීමට ව්යාපාරික යුවළ අමතක නොකළහ.
බිත්තර සහ කුකුළු මස් ඉතා ඉහළ මිලකට අලෙවි කිරීම පිළිබඳව ප්රදේශයේ නමක් දිනා සිටි වෙළෙඳසලක් වන මෙය සතිපොළ පැවැත්වෙන දිනට අනිවාර්යයෙන්ම විවෘත කර තැබීමට මුදලාලි වගබලා ගත්තේය. පොළ දවසේ දහවල් වන විට පාරිභෝගිකයන්ගෙන් වෙළෙඳ සල පිරී ගොස් තිබූ අතර වෙළෙඳසලේ දුරකථනයට ලැබුණු ඇමතුමක් නිසා මුදලාලි දැඩි කලබලයට පත්විය.
බිරියගේ කනට කොඳුරා යමක් පැවැසූ මුදලාලි කඩේ කෙළවරක තිබූ බිත්තර පෙට්ටිය ද රැගෙන පිටුපස දොරෙන් පිටව ගියේය. මද වේලාවකින් නැවත පැමිණ සුපුරුදු පරිදි වෙළෙදාම් කටයුතු කළ අතර පැය දෙක තුනක් ගත වුවද දුරකථන ඇමතුමෙන් ලද පණිවිඩයට අනුව පාරිභෝගික අධිකාරියේ නිලධාරින්ද පැමිණියේ නැත.
මුදලාලිට බිත්තර පෙට්ටිය සිහිවූයේ පාරිභෝගිකයකු පැමිණ බිත්තර පිළිබදව විමසීමෙන් පසුවය. කලබලයෙන් වෙළෙඳසල පිටුපසට ගිය මුදලාලිට දෙවියන් සිහිවිය. කඩේ පිටුපස ලඳු කැලෑවේ සඟවන ලද බිත්තර පෙට්ටිය පෙරළා ගෙන බල්ලන් සහ කබරයන් කන අයුරු දුටු මුදලාලිට උන්හිටි තැන් අමතකව උස් හඬින් විලාප තැබුවේය.
කඩය තුළ සිටි පිරිස සහ බිරිඳ දිවගොස් බලන විට මුදලාලි ඉතිරිවී තිබූ බිත්තර තුන හතරක් එකතු කරන අයුරු දැකගත හැකි විය.
සිදුවී ඇති කාරණය පිළිබඳව පිරිසට අවබෝධ කර ගැනීමට වැඩි කාලයක් ගත නොවූ අතර එදින වෙළෙඳසල කල් ඇතිව වසා තැබීමට දෙදෙනා කටයුතු කළහ. බිත්තර පෙට්ටිය සැඟවීමේ කතාව ලැව්ගින්නක් සේ ගම පුරා පැතිර යාමට වැඩි කාලයක් ගත නොවූ අතර දුරකථන ඇමතුම් ලබා දී බිත්තර නැද්දැයි විමසන අවස්ථාවලදී මුදලාලි ලුණු ඇඹුල් ඇතිව පිළිතුරු දෙන බව ද සැලවේ.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බිත්තර හැංගු මුදලාලිට බලු රැලක් දඩුවම් දීලා