කෑගල්ල අධිකරණ චමින්ද වැවතැන්න
අධ්යයන පොදු සහතික පත්ර සමාන්ය පෙළ විභාගයේ ප්රතිපල අනුව විෂයයන් නවයට ඒ සමාර්ථ 9 ක් ලබාගෙන තිබුණු පෙම්වතියට ත්යාගයක් ලෙස දීමට තරුණයකු ගෙනත් තිබුණු කුඩයක් මව අධික වර්ෂාපතනයට ඉකුත් දිනක දී ඉහළාගෙන යාමෙන් තරුණයයි මවයි අතර බහින් බස් වීමක් සිදුව ඇතැයි කියන පුවතක් කෑගල්ලෙන් වාර්තා වෙයි.
වාර්තා වෙන අන්දමට සිද්ධිය මෙසේය.
කෑගල්ල ප්රදේශයේ ග්රාමයක 22 හැවිරිදි තරුණයෙක් මව්පියන් සමග නිවසේ පදිංචිව සිටියි. තරුණයා පාසල් අධ්යාපනයෙන් පසුව කෑගල්ල ප්රදේශයේ ඇගලුම් ආයතනයක සේවයට බැදී දැනට වසර තුනකට වැඩිය.
මෙම තරුණයා මීට මාස පහකට පමණ ඉහතදී ඇගලුම් ආයතනයේ සේවය කරන හිතවතකුගේ රුවන්වැල්ල ප්රදේශයේ අවමංගල්ය නිවෙසකට රාත්රි සහභාගී විය. අවමංගල්ය නිවෙසට ගිය ඇගලුම් ආයතනයේ සේවක සේවිකාවන්ට රාත්රී ආහාර පාන සූදානම් කර තිබුණේ අල්ලපු නිවෙසකය.
තරුණයා ඇතුළු සෙසු සියලු දෙනා අල්ලපු නිවසේ කෑමට ගිය අවස්ථාවේ දී පිඟන්වලට ලන්ෂීට් කොළ එලමින් සිට ඇත්තේ නිවසේ 17 හැවිරිදි පාසල් ශිෂ්යාවකි.
එදා සිට තරුණයාත් පාසල් ශිෂ්යාවන් අතර සබඳකම් ඇතිවී ඉන්පසු ඉඩකඩ ලැබුණු සෑම අවස්ථාවකදීම දුක - සැප අසා කෙටි පණිවුඩ යැවීය. පාසල් ශිෂ්යාව ද තරුණයාට කෙටි පිළිතුරු පණිවුඩයක් එවීමට අමතක නොකළාය. පසුව දෙදෙනා වැඩි කාලයක් යාමට පෙර පෙම්වතුන් බවට පත්වූහ.
අධ්යාපන පොදු සහතික පත්ර සමාන්ය පෙළ විභාගයට පෙනී සිටි ශිෂ්ය - ශිෂ්යාවන්ගේ ප්රතිඵල ඉකුත් දා අධ්යාපන දෙපාර්තමේන්තුව මගින් ප්රකාශයට පත් කෙරිණ. එහිදී පාසල් ශිෂ්යාව විෂයන් නවයටම ඒ සමාර්ථ නවයක් ලබාගෙන සාමාන්ය පෙළ විභාගය ඉහළින් සමත් වී සිටියාය. ශිෂ්යාව ජයග්රහණය සම්බන්ධයෙන් තරුණයාට කෙටි පණිවුඩයක් මගින් දැන්වූවාය.
තරුණයා ජයග්රහණය වෙනුවෙන් පාසල් පෙම්වතිය සතුටට පත් කිරීමට ත්යාගයක් අරන් දීමට තීරණය කළේය. තරුණයා ඉකුත් දා වැඩ ඇරී කෑගල්ල නගරයට පැමිණ වෙළෙදසලකින් අලංකාර කුඩයක් මිලට ගෙන අලංකාර බෑගයකට දමා නිවසට රැගෙන පැමිණ කාමරයේ මේසයේ කොනක තැබුවේ ඉඩ ලද අවස්ථාවක පෙම්වතියට පරිත්යාග කිරීමේ අරමුණින්ය.
ඉකුත් දිනක දී මුළු දවස පුරාම කඩින් කඩ වැහි ඇද හැලෙන්නට විය. අල්ලපු නිවසේ පදිංචිව සිටින වයෝවෘද්ධ මව බැලීමට යාමට තරුණයාගේ මව පුතාගේ මේසය මත බෑගයක දමා තිබුණු කුඩය ගෙන ඉහලා ගෙන ගියාය. ඇය ආපසු පැමිණ වතුර බහින්න යැයි පවසා කුඩය සාලයේ කොනක තැබුවාය.
සවස වැඩ ඇරී නිවසට ආ තරුණයා සාලයේ තිබුණු කුඩය දැක උන්හිටිතැන් ද අමතක විය. හනික කාමරයට දිව ගොස් මේසය මත තබා තිබුණු බෑගය ගෙන බැලුව ද එහි කුඩය නොතිබුණි. පසුව තරුණයා සිය මවගෙන් කාමරයේ මේසය මත තබා තිබුණු කුඩය ගැන විමසීමක් සිදු කෙරිණ. තමා කුඩය ගෙන මිත්තනිය බැලීමට ගිය බව මව තරුණයා හමුවේ පැවැසුවේය.
තරුණයාට කේන්ති ගියේය. ‘‘මේසය මත තිබුණු කුඩය ගත්තේ මොකට ද වෙන කුඩ තිබුණේ නැද්ද ” යනුවෙන් තරුණයා දොස් නගන්නට වූ තරුණයා නතර නොකර කෑ ගැසීම හේතුවෙන් කඩෙන් අලුත් කුඩයක් යළි මිල දී ගන්නැයි පවසා මව රුපියල් 2000 ක මුදල් ඒ මොහොතේම මේසය මත තැබුවාය.
තරුණයා පසුදාම යළි කුඩයක් මිලට ගෙන ත්රිරෝද රථයකින් පෙම්වතියගේ නිවෙස ආසන්නයට ගොස් පරිත්යාග කර ඇතැයි වාර්තා වෙයි.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පෙම්වතියට ගෙනා කුඩය අම්මා ඉහලාගෙන ගිහින්