බළපිටියේ - එස්.ඒ.වයි. ද සිල්වා
විහාරස්ථානයක අලුතෙන් ඉදිකෙරෙන චෛත්යයකට ආධාර එකතු කිරීමට පැමිණි වෑන් රථයකට සිංහල භාෂාව උගන්වන ඉතා ජනප්රිය ගුරුවරයකුගේ කුඩා පුතකු දුන් රුපියල් පනහක මුදලක් ගැන ශබ්ද වාහිනී යන්ත්රයකින් කවි කියා මහා ඉහළින් වර්ණනා කරද්දී ලජ්ජාවට පත් ගුරුවරයා තවත් මුදලක් පරිත්යාග කිරීමේ පුවතක් දකුණු පළාතෙන් දැන ගන්නට තිබේ.
සිංහල භාෂාව උගන්වන මෙම තරුණ උපකාරක පන්ති ගුරුවරයා දකුණු පළාතේ ඉතා ජනප්රිය කෙනෙකි. එමෙන් ආගම දහමට පිනට ලැදි මොහු පන්තියේ ළමයින්ට ද ගුණ ධර්ම කියා දෙයි.
යම් දෙයකට ආධාර එකතු කිරීමට පැමිණෙන්නන් හිස් අතින් නොයවා තිබෙන සුළු මුදලකින් හෝ ආධාර දීම මොහුගේ සිරිතකි. පසුගිය දිනෙක විහාරස්ථානයක අලුතෙන් ඉදිකෙරෙන චෛත්යයක් සඳහා ආධාර එකතු කිරීමට ශබ්දවාහිනී යන්ත්රයක් ගැට ගසා ගත් වෑන් රථයක් පැමිණ මෙම ගුරුවරයාගේ නිවෙස ඉදිරිපිට නවතා ආධාර ලබා දෙන්නන්ට ආශීර්වාද කවි කියමින් සිටියේය.
මේ මොහොත වන විට ගුරුවරයා වෙනත් කාර්යයක නිරත වී සිටි හෙයින් ආධාරයක් දීමට අමතක විය. හැම කෙනකුටම ආධාර දෙන පියා මේ මොහොතේ ආධාරයක් දීමට ඉදිරිපත් නොවීම ගැන පොඩි පුතා කුතුහලයෙන් බලා සිටියේය. පියා ලොකු වැඩක නිරත වී සිටින බව දැක ගත් පොඩි පුතා ඔහු ළඟ තිබූ රුපියල් පනහක මුදලක් ආධාර එකතු කරන වෑන් රථයට දුන්නේය. මුදල දුන් අයගේ නම විමසන විට ජනප්රිය ගුරුවරයකු වන සිය පියාගේ නම ලියා ගන්නැයි කියා සිටියේය.
ඒ අනුව වෑන් රථයේ මුදල් දුන් අයට ආශීර්වාද කරමින් කවි කියන කවියා ද මෙම ගුරුවරයා ගැන හොඳින් දන්නා හඳුනන අයකු බැවින් පරිත්යාග කළ රුපියල් පනහ මුදල ගැන මහා ඉහළින් වර්ණනා කරමින් කවි කිහිපයක් කියන්නට විය.
තමාගේ නමට කවි කියමින් දුන් රුපියල් පනහක් ගැන වර්ණනා කරන විට ගුරුවරයා විමතියෙන් බලා සිටියේය. ආධාර මුදලක් දුන්නා දැයි බිරිඳගෙන් විමසූ විට ඇය නොදුන් බව කියා සිටියාය. පොඩි පුතාගෙන් මේ ගැන විමසන විට තාත්තා වැඩක් කරමින් සිටි නිසා තමා ළඟ තිබූ රුපියල් පනහක් දුන් බව පුතා කීය.
ලජ්ජාවට පත් ගුරුවරයා පුතාගේ ක්රියාව ගැන දොස් නොපවරා මේ මුදලත් ගිහින් දෙන්නැයි තවත් රුපියල් පන්සියයක මුදලක් ද පරිත්යාග කර ලජ්ජාව වසා ගැනීමට ක්රියා කළේය.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පන්සලේ ආධාරෙට රු.50ක් දීලා පුතා තාත්තගේ සායමත් ඇරලා
vernon Friday, 25 August 2023 09:08 AM
මෙතන දරුවා හෝ පියා වරදක් කරලා නෑ. වැරැද්ද ඔය සම්මාදම් කල්ලියේ. ඇයි ඒක නැතිව පොඩි දරුවා වැරැදි කරුවෙකු වෙන විදිහට කියන්නේ?
ආචාර්ය තිස්ස සේනානායක Friday, 25 August 2023 08:55 PM
මම නම් දුන්නු රු. 50 ආපසු ඉල්ලා ගන්නවා...
අඛණ්ඩ පෘථිවි රාවණා ශිෂ්ටාචාරය Sunday, 27 August 2023 01:58 PM
ඒ පුතා මහත්මා ගති ඇත්තෙක්... පොඩි එකා දන්න සම්මාදම්, ආදායම් වියදම්, ආධාර මගුලක් නෑ. එයා දන්නේ නාඳුනන සෙට් එකක් ඇවිත් සල්ලි කියලා දෙයක් ඉල්ලනවා කියලා විතරයි. පොඩි උන්ගේ හිත් ලස්සනයි. පොඩි එකා සල්ලි එකතු කරන්නේ ඇයි කියලා ඇහුවේ නෑ. එයාට ලෝකේ වෙන දේ තේරෙන්නේ නෑ. ඒ නොතේරෙනකම. හැබැයි ඒ මොලේට තේරුණා දානය හොඳයි කියලා. ඉතින් හැකි විදියට, දන්න විදියට තිබ්බ ගාන දුන්නා. ඒ හිතේ තියෙන්නේ ඩොලර් අනන්තයටත් සම කළ නොහැකි මෛත්රියක්...!