බළපිටියේ - එස්.ඒ.වයි. ද සිල්වා
පාසලේදී සිසුන් දෙදෙනකුට පහරදුන් තම පුතාගේ ක්රියාව අනුමත කිරීමට කටමැත දෙඩවූ මවකට අපූරු දඬුවමක් දීමේ සිද්ධියක් ගැන ගාලු දිසාවේ ජාතික පාසලකින් දැනගන්නට ඇත.
හැඩිදැඩි සිරුරකින් හෙබි මෙම සිසුවා පාසලේ ගණන්කාරයා වීමට උත්සාහ දරන්නෙකි. පසුගිය දිනවල තවත් සිසුන් දෙදෙනකුට පාසලේදී පහරදුන්නේ, තම ගණන්කාරකම රැක ගැනීමටය.
පහරකෑ සිසුන් දෙදෙනා පන්තිය බාර ගුරුතුමියට මේ පිළිබඳව දැනුම් දුන් පසු, වැරැදි කළ සිසුවා කැඳවා, අවවාද කොට, සිසුවාගේ මවට දුරකතන ඇමතුමක් දුන්නේ ගුරුතුමියගේ ජංගම දුරකතනයෙනි. පුතා කළ වරද ගැන දැනුම් දී, පසු දින පාසලට පැමිණෙන ලෙස දන්වා සිටියාය.
“අනේ මිස් මට ඉස්කෝලවලට ඇවිල්ලා රස්තියාදු වෙන්න වෙලාවක් නැහැ. ඒ නිසා මම කොහොමටවත් ඉස්කෝලේ එන්නේ නැහැ. මිස්ලට කරන්න පුළුවන් ලොකුම දඬුවම පාසලෙන් අස්කිරීම විතරයි. ඒ නිසා මගේ දරුවා ඉස්කෝලෙන් අස්කරන්න.”
මව මේ වදන් එකවර කියාගෙන ගියේ, ගුරුතුමියට වචනයක්වත් කතා කිරීමට ඉඩ නොතබමිනි.
විදුහල්පතිවරයාට දැනුම් දීමෙන් පසු විදුහල්පතිවරයා ද සිසුවාට දැනුම් දෙනු ලැබුවේ, සිය මව සමග පසුදා පාසලට පැමිණෙන ලෙසටය.
මව වෙනුවට සිය සහෝදරිය පසුදා පාසලට පැමිණ, අසනීප නිසා මවට ඒමට නොහැකි බැවින්, තමා පැමිණි බව කියා සිටියාය.
එය පිළිනොගත් විදුහල්පතිවරයා, හෙට දින මව පමණක් නොව පියාටත් පැමිණ තමා හමුවන්නැයි සිසුවාගේ සොහොයුරියට නියම කළේය.
පසුදා පැමිණියේ පියා පමණි. මව පැමිණියේ නැත. විදුහල්පතිවරයාට ද එම ගමේ දැඩි සම්බන්ධයක් තිබිණි. ඔහු ද ඉගෙනුම ලැබුවේ මේ පාසලෙනි.
“ඔබත් මමත් ඉගෙන ගත්තේ මේ පාසලෙන්. ඔබගේ බිරිඳ දරුවාගේ අස්වීම් සහතිකය දීලා පාසලෙන් අස්කරන්න කියලා තිබෙනවා. දරුවා පාසලට ඇතුළත් කර තිබෙන්නේ ඔබ නොවෙයි, ඔබගේ බිරිඳයි. ඒ නිසා ඔබට දරුවාගේ අස්වීම් සහතිකය දෙන්න බැහැ. හෙට නොවරදවාම බිරිඳ සමග පාසලට පැමිණිය යුතුයි.” යැයි විදුහල්පතිවරයා පියාට දැඩි සේ කියා සිටියේය.
පසුදා සිසුවාගේ පියා, අසනීප යැයි කියූ බිරිඳ සමග පාසලට පැමිණියේ විදුහල්පතිවරයා දැඩි ස්ථාවරයක සිටි බැවිනි.
“මේ ගම රජවරුන් සිටි ගමක්. ඒ වගේම මේ පාසල හදලා තිබෙන්නේ මේ ගමෙන් බිහි වෙච්ච ලංකාවේ සිටි දෙවියෙක් වගේ දානපතියෙක්. ඒ නිසා මේ පාසලෙන් පාතාල නායකයෝ බිහි කරලා රජවරුන්ටත් ආදි කර්තෘතුමාටත් අපහාස කරන්න මම සූදානම් නැහැ. අසනීපයි කියලා බොරු කියලා අපි රවටන්න හැදුවා. දරුවෝ ඉදිරියේ බොරු කීමත් වැරැදි වැඩක්. දරුවෝ කරන වැරැදි වැඩ අනුමත කරන්න එපා. එහෙම වුණොත් හොඳ අනාගතයක් තිබෙන මේ දරුවන්ට අනාගතයේදී වෙන්නේ වෙඩි කන්න හරි හිරේ ළගින්න හරි. තමාගේ පුතා කරපු වරද පිළි නොගෙන මේ බව දුරකතනයෙන් දැනුම් දුන් ගුරුතුමියට පවසා සිටි පරිදි අස්වීම් සහතිකය ලියලා තිබෙන්නේ. ඒකයි දරුවයි අරගෙන ගෙදර යන්න. මිස් ඊයේ ලියපු අස්වීම් සහතිකය දෙන්න.” යැයි දැඩි සේ මවට අවවාද කොට, ලිපි ගොනු කිහිපයක් අවුස්සන්නට විය.
“අනේ සර්, මගෙන් වුණේ ලොකු වරදක්. මම ඒක පිළිගන්නවා. පුතා මේ ඉස්කෝලෙන් අස් කරන්න එපා. මීට පසු මගේ දරුවා කරන ඕනෑම වරදකට සුදුසු පරිදි දඬුවම් දී, පාතාලකාරයෙක් නොකර යහපත් දරුවෙක් හදා දෙන්න.”
එකවර හඬා වැටුණු මව විදුහල්පතිවරයාගේ දෙපා අල්ලා වැඳ වැටෙමින් හා ගුරුතුමියට වැඳ කියා සිටියාය.
“වැරැදි කරන කිසිම දරුවෙක් අපේ පාසලෙන් අස් කරන්න අපි සූදානම් නැහැ. වැරැදි දරුවන්ට තමයි අපි උගන්වන්න ඕනෑ. දරුවන්ට ආදරේ නම් මින් පස්සෙවත් දරුවන් කරන වැරැදි අනුමත කරන්න එපා. ඒවාට නිසි දඬුවම් දෙන්න. මීට වඩා දරුවන් ගැන සොයා බලන්න.” යැයි විදුහල්පතිවරයා මවටත්, පියාටත්, දරුවාටත් අපූරු පාඩමක් කියා දුන්නේ නැවත වැරැදි නොකරන ආකාරයටය.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පුතා බේරන්න ගිය මවට ලොකු සර්ගෙන් කනේ පාරක්
Anonymous Friday, 01 September 2023 08:10 PM
යහපත් විදුහල්පතිතුමෙක්.