මාස ගණනාවක් ඇසුරු කළ කාන්තාවකට විවාහ වීමට ගෙනා යෝජනාව තමන් නියෝජනය කරනු ලබන දේශපාලන පක්ෂයෙන් විමසා දැනුම් දෙන්නම් යැයි කී වදනක් නිසා ඇය පිළිබඳ බලාපොරොත්තු තබාගෙන සිටි අයෙකුට එම අපේක්ෂා සුන්නද්දූලි වී දැඩි අසරණ තත්වයකට පත් වූ පුවතක් හසලක නගරයට නුදුරු ගම්මානයකින් වාර්තා විය.
පනස් දෙහැවිරිදි වියේ පසු වන මොහු පෞද්ගලික ආයතනයක සේවය කරන්නෙකි. දෙදරු පියකු වුවත් එම විවාහයට කණ කොකා හඬා තිබුණේ මෙයට වසර දහයකට පමණ පෙර ඔහුගේ බිරිඳ හා දරුවන් ඔහු අතහැර දැමීම හේතුවෙනි.
මෙම සිදුවීමෙන් බලවත් සිත්තැවුලට පත්ව සිටි මොහුට හිතමිතුරකු පැවසුවේ ‘‘ඔයාගේ අනාගතය විනාශ කර ගන්න එපා. අපි හොඳ කෙනෙක් හොයා ගමු’’ කියාය. එම යෝජනාවට කැමැත්ත පළ කළෙන් මිතුරාම නැගෙනහිර පළාතේ එක් දරු මවක වූ 49 හැවිරිදි සැමියා වියෝ වූ කාන්තාවක පිළිබඳව අදහසක් ඉදිරිපත් කරනු ලැබීය. එම යෝජනාව අනුව මිතුරා සමඟ ඇය බැලීමට ගිය අතර එහිදී පැවති කතා බහෙන් ඔහුට ඇය පිළිබඳව යම් විශ්වාසයක් ගොඩ නැගුණි.
එතැන් පටන් ඔවුනොවුන් සමීප ඇසුරක් පටන් ගත් අතර ඇය ඔහු හමුවන සෑම අවස්ථාවකදීම යම් අවශ්යතාවක් කියා කිසියම් මුදලක් ඔහුගෙන් ඉල්ලා ගැනීම ඇයගේ සාමාන්ය සිරිතක් බවට පත්ව තිබිණි. ඔහුද ඇය ඉල්ලන සැනින් අවශ්ය මුදල් සැපයුවේ ඇය අනාගත තම සහකාරිය වන හෙයින් බව සිත් තබාගෙනය.
විවාහයෙන් පසුව දෙදෙනාට නිදහසේ ජීවත්වීමට ඉඩමක් සහිත නිවහනක් මිලදී ගැනීමටද ඔවුන් කතිකා කරගෙන නිවසක් සහිත ඉඩමක්ද තොරා ගනු ලැබීය. එම ඉඩම සහ නිවහන විවාහයට පෙර ඇයගේ නමට ගැනීම සුදුසු බවට ඇය ඔහුට යෝජනාවක්ද කළාය. එහෙත් එම යෝජනාවට ඔහු එතරම් කැමැත්තක් දැක්වූයේ නැත. ඉඩම සහ නිවස මිලදී ගත්තේ නැත.
‘‘දැන් අපි මාස හයකට වැඩි කාලයක් ඇසුරු කළානේ අපේ විවාහය ඉක්මන් කරමු නේදැයි? ඔහු ඇයට එදින හමු වූ අවස්ථාවේදී යෝජනා කළේය. එහිදී එක් වරම ඇය ඔහුට පැවසුවේ මම අසවල් පක්ෂයේ පූර්ණ කාලීන සාමාජිකාවක්. මම විවාහයක් කර ගන්නවා නම් එම පක්ෂයෙන් විමසිය යුතු බවත් එයට පක්ෂය විරුද්ධ නම් මට ඔයත් සමග විවාහ වෙන්න බැහැ යැයි කීවාය. එම වදනත් සමගම අන්දුන් කුන්දුන් වූ ඔහු විමසුවේ මේක මට අපි හමුවූ පළමු දවසේම කියන්න තිබුණානේ. ඇයි මට එහෙම කළේ. ඔයා මට කොච්චර බලාපොරොත්තු තිබ්බද? එක එක දේවල් කියලා ඔයා මට විවිධ පොරොන්දු දීලා බලාපොරොත්තු ඇති කරලා මගෙන් ලක්ෂ පහකට වැඩිය සල්ලි මේ වනවිට අරගෙන තිබෙනවානේ ඇයි මාව මෙහෙම අමාරුවේ දැම්මේ කියා ඔහු දැඩි වේදනාවෙන් හා ශෝකයෙන් ඇයගෙන් විමසා තිබේ.
එහිදී ඇය පවසා ඇත්තේ කරන්න දෙයක් නැහැ. පක්ෂය තමයි අපි ගැන තීරණය කරන්නේ. මම පසුව ඔයාට ඒ ගැන කියන්නම් යැයි පවසා වේදනා බරිත වූ ඔහුගේ හදවත තවත් රිදවා යන්න ගිය ඇය එතැන් පටන් ඔහු හමුවීම හෝ ජංගම දුරකතනයෙන් ඇමතීමද නතර කර තිබිණි.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පක්ෂයේ තීරණය හරස්වී විවාහයට පොල්ලක් වැටිලා