(සිටිනාමළුව අනීෂා මානගේ) තම ත්රීරෝද රථයට ඉන්ධන පිරවීම සඳහා ඉන්ධන පිරවුම්හල වෙත පැමිණි සැමියාට තමා සමග පැමිණි බිරිඳ අමතක වූ සිද්ධියක් තංගල්ල ප්රදේශයෙන් වාර්තා විය.
සිද්ධිය සැකෙවින් මෙසේය. වේලාව උදෑසන 7.30ට පමණය. මැදිවියේ පසුවන අඹුසැමි යුවළක් තම ත්රිරෝද රථයෙන් තංගල්ල බෙලිඅත්ත මාර්ගයේ පිහිටි ඉන්ධන පිරවුම්හල වෙත පැමිණියේ ත්රිරෝද රථයට ඉන්ධන පුරවා ගැනීමට ය. රථයට ඉන්ධන පුරවාගන්නා තුරු ත්රිරෝද රථයේ පිටුපස ආසනයේ වාඩි වී සිටි බිරිය මදකට රථයෙන් එළියට බැස්සාය. තමා සමග ත්රිරෝද රථයේ පැමිණි බිරිඳ වාහනයෙන් බිමට බසිනු සැමියා දුටුවේ නැත.
ත්රිරෝද රථයට අවශ්ය පමණින් ඉන්ධන පුරවාගත් සැමියා රථය පණගන්වා බෙලිඅත්ත දෙසට රථය පැදවීය. සැමියා පැදවූ ත්රිරෝද රථය තමාව ඉන්ධන පිරවුම්හල අසල දමා ඉදිරියට ඇදෙන අයුරු දුටු බිරිඳ කෑ ගසමින් රථය පසුපස දිව ගියාය. ඉන්ධන පිරවුම්හලේ සේවකයින් ද ත්රිරෝද රථ රියදුරුට කෑගැසූ නමුත් ඉදිරියට ධාවනය වූ ත්රිරෝද රථයේ සිටි සැමියාට බිරියගේ කෑගැසිල්ල හෝ ඉන්ධන පිරවුම්හලේ සේවකයින්ගේ කෑගැසිල්ල කන වැකුණේ නැත.
ඉන්ධන පිරවුම්හලේ සිට කිලෝමීටර දෙකක් පමණ ගිය පසු ත්රිරෝද රථයේ පිටුපස ආසනයේ සිටි තම බිරිය එහි නොමැති බව දැනගත් සැමියාට දෙලෝ රත් විය. වහාම ත්රිරෝද රථය හරවා ගත් ඔහු නැවත ඉන්ධන පිරවුම්හල දෙසට ගමන් කළේ බිරිඳ කොහිදැයි සොයමිනි. ඔහු තංගල්ල දෙසට පැමිණෙන අතරතුර දී තංගල්ල සිට මාතර නගරය දක්වා ධාවනය වූ බස්රථයකට තම බිරිය ගොඩවදින අයුරු ඈත සිට දුටු සැමියාට සිදුවූයේ තම බිරිඳ සොයා බස් රථය පසුපස හඹා යෑමටය.
2025 දෙසැම්බර් මස 16
18
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
820
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
601
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
ත්රිරෝදයේ තෙල් පිරුණාම බිරියත් අමතක වෙලා
Ranasinghe Friday, 18 May 2018 05:57 AM
ත්රීවීල් මල්ලිලා ඉන්නේ සිහියෙන් නෙමෙයි?
mahshika Friday, 18 May 2018 02:25 PM
බිරිඳ බස් එකකට නැග්ග එක ඔක්කෝටම වඩා මෝඩ කමක්... පිටිපස සීට් එක හිස් බව දැක්කම සැමියා අාපහු එ්වි කියලවත් හිතන්න මොලයක් නැද්ද?
pakeer Sunday, 20 May 2018 02:37 AM
මෝඩ යක්කු