බෙන්තොට ජේ. ඉඳුරුවගේ
නිවෙසක හත් දවසේ දානමය පින්කමකට තැඹිලි වල්ලක් කපා විකුණා මුදලක් සොයා ගැනීමට සිතූ අයකුට ඉමහත් වෙහෙසක් දරා කපා ගත් තැඹිලි වල්ල නොමිලේම ලබා දී හිස් අතින් ගෙදර යාමට සිදුවීමේ පුවතක් බෙන්තොට ගඟ අසබඩ ගම්මානයකින් අසන්නට ලැබිණි.
පොල් කැඩීම ඇතුළු කුලී වැඩ රැකියාව කරගත් ඔහුට පසුගිය දිනවල දිගින් දිගටම පැවැති වර්ෂාව හේතුවෙන් පොල් කැඩීමේ ඇණවුම් නොලැබීමෙන් අතමිට බෙහෙවින් හිඟවී තිබිණි.
යාබද නිවෙසක පසුවදා පැවැත්වෙන දානමය පින්කමකට ලොකු තැඹිලි වල්ලක් සොයා ගෙන කපාගෙන එන්නැයි දානෙ ගෙදර ගෙහිමියා ඔහුගෙන් ඉල්ලා සිටියේ තැඹිලි කැපීමේ කුලිය හා තැඹිලිවල වටිනාකම දෙන බවට පොරොන්දු වීමෙනි.
ඔහු ඇණවුම බාර ගත්තේය. එහෙත් ඔහු උදාවී තිබූ ආර්ථික අහේනිය නිසා ඒ වනවිට සිය ගෙවත්තේ තිබූ තැඹිලි ගස් දෙකේ කුඩා ගෙඩිවලු පවා කපා විකුණා තිබුණෙන් ගෙදර ගස්වලින් තැඹිලි කපා ගැනීම දුෂ්කර විය.
බාර ගත් වැඩේ නොකළොත් දානෙ ගෙදර අය දොස් තැබීමට ඉඩ ඇතැයි සිතූ ඔහු තීරණය කළේ අසල්වැසි නිවැසියකුගේ ගෙවත්තේ කුඩා ප්රමාණයේ තැඹිලි ගසක තිබුණු තැඹිලි වල්ලක් හොරෙන් හෝ කපාගෙන දානෙ ගෙදරට දී මුදල් ලබා ගැනීමයි.
ඒ අනුව එදින රාත්රි එම නිවැසියෝ දානෙ ගෙදර පැවැති හත් දවසේ බණ පින්කමට යාමට නිවෙසේ දොරගුළු දමා පිටත් වූ පසු තැඹිලි ඇණවුම බාර ගත් පුද්ගලයා කඹයක්ද රැගෙන හෙමින් සීරුවේම එම ගෙවත්තට ඇතුළු වී තැඹිලි වල්ලක් කපා බා ගත්තේය.
තැඹිලි වල්ලත් කර තබාගෙන එම ගෙවත්තෙන් පිටවෙමින් සිටියදීම බණ ගෙදර ගොස් සිටි ගෙහිමියා යම් අවශ්යතාවක් වෙනුවෙන් ආපසු නිවෙසට පැමිණෙද්දී සොරකම අතටම අසුවිය. තැඹිලි සොරා ගෙහිමියාට ඇත්තම කීවේය.
කෙසේ වෙතත් පොල් කැඩීම ඇතුළු යම් යම් කම්කරු වැඩවලට මොහුගේ සේවය අවශ්යවන නිසාත් දුර නෑ කමක් තිබෙන නිසාත් මින් පසු මෙවැනි දේවල් නොකරන ලෙස අවවාද කළ ගෙහිමියා මොහු අමතා කීවේ එහෙනම් ඔය තැඹිලි වල්ල මම දුන්නා කියා දානේ ගෙදරට ගිහින් දීපං කියාය.
‘අනේ මහත්තය මාව බේරුවට පින්. දානේ ගෙදරට තැඹිලි නිකම් දෙන එකටත් පින්. මේ ගැන කාටවත් කියන්න එපා. මහත්තයට දැන් පින් දෙකයිනේ කියමින් වහාම එතනින් පිටවූ ඔහු පොරොන්දු වූ පරිදි තැඹිලි වල්ල දානේ ගෙදරට බාරදී තැඹිලි කැපීමේ කුලියත් අහිමිව හිස් අතින්ම ගෙදර ගියේය.
කෙසේ හෝ මේ සිද්ධිය හෙමින් හෙමින් පැතිර ගිය අතර සමහර කොලු ගැටවු මොහු හමුවූ විට පින් දෙකක් කරන හැටි කියාපන් යැයි කියද්දී ඔහුගෙන් හොඳවායින් දෙකක් අහන්නට පුළුවන්ලු.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තැඹිලි හොරෙන් කපා පින් දෙකක් කරගෙන