සර්පයකු නිසා වෙද මහතකුට ‘‘අංචි” ඇද, ගමක්ම අන්දවා, බඩ කට පිරෙන්න රස මසවුළු වලින් සප්පායම් වී, යහතින් ගමට පැමිණි පුද්ගලයකු පිළිබඳ අපූරු පුවතක් පදවිය වැලිඔය ප්රදේශයෙන් අසන්නට ලැබුණි.
දැන ගැනීමට ලැබුණු සිද්ධිය මෙසේය.
ඔහු කපටි කෛරාටික වැඩ කිරීමට රුසියෙකි. අන් අයට අලාභ හානි සිදුවන හෝ, මහා පරිමාණ සොරකම් හෝ නොව, මේවා ඉතා කුඩා වංචාවන්ය.ඔහු කරන ලද කපටිකම්වල හාස්යය මැනවින් ඇතුළත් වී තිබීම විශේෂත්වයකි.
ඉකුත් දිනෙක, ඔහු වැලිඔය ගම්පළාතෙන් පිටත්ව ගියේ මහියංගන ප්රදේශයට කුමක් හෝ රැකියාවක් සොයා ගැනීමේ අරමුණෙනි.හවස පහට පමණ මහියංගනය,හඳගනාව ප්රදේශයට පැමිණි මහී පාල,හවස් වන තුරුම ප්රදේශය පුරා ඇවිද ගියේ තමාට කුමක් හෝ රැකියාවක් සොයා ගැනීමේ අරමුණින් වුවද,එය සාර්ථක නොවීය.එම ප්රදේශයේ ඔහුට හමුවුණු කිසිම පුද්ගලයෙකු කරුණාවන්ත නොවුණු අතර, ඔහුට පිහිට වීමටද ඉදිරිපත් නොවූහ.
දැන් හොඳටම කරුවල වැටිලාය.උදේ ගෙදරින් පිටත් වූයේ කහට කෝප්පයක් බීලාය.කඩයකින් තේ එකක් බීමටවත් ඔහු ළඟ මුදල් නැත.
‘‘දැන් කුමක් කරම්දෝයි” සිතමින් පන්සල් දෙක තුනකට ගියද, එහිදීද ඔහුට පන්සලේ වත් නැවතීමට අවසරයක් නොලැබුණි.
‘‘හොරාට ඇත්තේ ගණදෙවි නුවණ” යැයි පැරැණි කියමනක් ඇත. කමිසයෙහි බොත්තමක් ගැලවී,ඒ වෙනුවට ඔහු, ‘‘හැට්ට කටුවක්” ගසාගෙන තිබුණි.ඔහුගේ කට්ට කෛරාටික ,වෙට්ට පිත්තල මොළේට අපූරු අදහසක් පහළ විය. ඔහුගේ කට කොනකට සිනහවක් නැඟුණි.ඔලු ගෙඩිය ඇතුළේ සැලසුම් කළ,සැලැස්ම ඔහු ක්රියාත්මක කළේය.
ඒ අවස්ථාවේ පාරේ ගමන් කරමින් සිටි කිහිපදෙනෙකුටම, මොහු වේදනාවෙන් ඇඹරෙමින්, හඬමින්,කියා සිටියේ ඔහුගේ කකුලේ මහපට ඇඟිල්ලේ සර්පයකු දෂ්ට කළ බවත්, හැකි විගසින් ඔහු වෙද මහතකු ළඟට රැගෙන යන ලෙසත්ය.ගමේ පිරිස ඔහුට පිහිටවූහ. වහාම ගමේ වෙද මහතාගේ නිවසට ගම්වැසියන්ගේ කරමතින් ගිය මහීපාල, පරීක්ෂා කර බලා, ඇඳක් මත හාන්සි කරවා, වෙද මහතා ප්රතිකාර ඇරඹීය.
තත්ත්වය එතරම් බරපතළ නොවන බවත්,දෂ්ට කර ඇත්තේ විෂ ගෝර සර්පයෙකු නොවන බවත්,සැක පළ කරන ලද වෙද මහතා,ඔහුට හොඳට බත බුලතින් සංග්රහ කළේය.සිංහල වෙදකමේ ගුලි,කල්ක,කසාය සහ තෙල් වර්ගද ඔහුට පෙව්වේය. ගමේ පිරිසද නානා විධ කෑම ජාතිද ඔහුට ගෙනැවිත් සංග්රහ කළහ.
පදවිය වැලිඔය ප්රදේශයේ සිට රැකියාවක් සොයා පැමිණි, මොහුට ගමේ පිරිස මිල මුදල් සහ හාල් පොල් ඇතුළු බඩු ගෝනියක්ද,පසුවදා උදේ පිළියෙල කර දි,ඔහුගේ අතට මුදල්ද දුන්හ.
ගමට පැමිණි ඔහු තම හිත මිතුරන් කැඳවා රස කරමින්, එම සිදුවීම පැවසුවේය.තමාගේ ඇඟිල්ලේ දෂ්ට කළ සර්පයා, මේ ‘‘හැට්ට කටුව” බව පෙන්වා,‘‘උම්මා,උම්මා”කියමින් හැට්ට කටුව ඉඹගෙන, ඉඹගෙන ගියේය.
කැබිතිගොල්ලෑවේ හේමන්ත රණසූරිය
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තමුන්ගෙම කට්ටකම මතක්වී ආය කට්ටට උම්ම දීලා