හක්මණ විශේෂ - දෙනගම යසන්ත ආරියසේන
ප්රාණ භුක්තිය තබාගෙන පුතාට පැවරූ ඉඩමෙහි තේක්ක ගස් කිහිපයක් කැපීම නිසා උරණ වූ පුතකු ගස්වලට අලාබය ඉල්ලා පියාට එරෙහිව නීතිමය පියවර ගැනීමට යාමේ අපූරු කතාවක් දකුණු පළාතේ ප්රදේශයකින් වාර්තාවේ.
මහලු යුවලට දරුවන් හතර දෙනකු සිටින අතර සියල්ලෝම විධිමත් අධ්යාපනයක් ලැබීමෙන් පසුව රජයේ රැකියාවල නිරතව සිටිති. බිරිය දැනට වසර කිහිපයකට පමණ පෙර මිය යාමෙන් පසු බාල දියණිය පියා සිය නිවෙසට කැඳවා ගත්තාය. විශ්රාමිකයකු වන පියාගේ ජීවිතය සතුටින් තැබීමට දැඩි වෙහෙසක් ගෙන ගත හැකි සෑම දෙයක්ම ඉටු කිරීමට දියණිය කටයුතු කළාය.
මසකට හෝ දෙකකට හෝ වරක් සහෝදරයන් දෙදෙනා සහ සහෝදරිය බැලීමට පියා කැටුව යාමට දියණියත් බෑනාත් අමතක නොකළහ. බිරිය මිය ගිය පසු ඔවුන් දෙදෙනාට හිමිව තිබු කුඹුරු වතුපිටි සියල්ල දරුවන් හතර දෙනාට නිරවුල්ව බෙදාදුන් අතර මහ ගෙදර ඉඩම ලොකු පුතාට පැවරුවේ ප්රාණ භුක්තිය තබාගෙනය.
බාල දියණිය ලැබුණු දේපළ සියල්ලම ප්රතික්ෂේප කර ඒවා ද සෙසු තිදෙනාට බෙදා දෙන ලෙස පියාට කීවාය.
ආගමික ස්ථානයක ඉදිකරන ගොඩනැගිල්ලේ දොර ජනෙල් සෑදීම සඳහා තේක්ක ගස් දෙකක් ලබාදෙන ලෙස ඉල්ලීමක් ලැබුණු නිසා පියා විසින් මහගෙදර වත්තේ ඇති ගස් දෙකක් පරිත්යාග කළේය.
ලොකු පුතා සති අන්තයේ නිවෙසට පැමිණි පසු ගස් කපා දමා ඇති අයුරු දැක කෝපාවිෂ්ඨ විය.
පසු දින උදේම නීතිය ක්රියාත්මක කරන නිලධාරීන් හමුවී තම ඉඩමේ ගස් අනවසරයෙන් කපා ඇති බව පවසමින් පියාට විරුද්ධව පැමිණිලි කර ගස් ඉවත් කිරීම ද තහනම් කිරීමට ඔහු ක්රියා කළේය. ඇති වූ සිද්ධිය හේතුවෙන් දැඩි මානසික පීඩාවට පත් පියා සැනසීම සඳහා දියණිය සෑම උත්සායක්ම ගත්තාය.
ගස් ප්රවාහනය තහනම් කර ඒවායේ අලාබ ඉල්ලා සිදුකළ පැමිණිල්ල විභාග කිරීමට පෙර මෝඛා සුළි කුණාටුව නිසා අධික වැසි තත්ත්වයක් ඇති විය.
උදේ පාන්දර ආරම්භ වූ වැස්ස රාත්රී කාලය උදාවන විට මහ ගෙදර පහළින් ගලායන කුඩා ගංගාව උතුරා යමින් මහා ගංවතුරක් බවට පරිවර්තනය විය. පසුදා උදෑසන වන විට යම් තරමක් ගංවතුර අඩු විය. වත්ත පහළ කපා දමා තිබු තේක්ක ගස් දෙක තිබූ ස්ථානයක්වත් සොයා ගැනීමට නොහැකි වන සේ පෙරදින රාත්රියේ ගංවතුර විසින් රැගෙන ගොස් තිබුණි.
තේක්ක ගස් සැඩ පහරට ගසා ගෙන ගොස් ඇති පුවත ලැව්ගින්නක් සේ පැතිර යාමට වැඩි කාලයක් ගත නොවීය.
පියාට පිනක් කරගත හැකිව තිබූ අවස්ථාවට බාධා කළ පුතාට ගම්වාසීන්ගෙන් දැඩි විවේචනයක් වූයෙන් ඔහු ප්රසිද්ධියේ ගමන් බිමන් යාමෙන් වැළකී සිටියේය. පසුව ඔහු සිදුකළ පැමිණිල්ල ද ඉවත්කරගෙන පියාගෙන් සමාව ගත් බව ද පැවසේ.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
තාත්තා වත්තේ ගහක් කැපුවාට පුතා පොලිසි ගිහින්
ලාසුරුස් Wednesday, 17 May 2023 08:45 PM
මේක සතිපතා පළවන කතාවක් නේද? කියවලාම එපාවෙලා...